Wp/skr/سرور کربلائی

From Wikimedia Incubator
< Wp‎ | skrWp > skr > سرور کربلائی
Jump to navigation Jump to search

سرور کربلائی سرائیکی زبان دا شاعر ہے۔

کتاباں[edit | edit source]

نمونہ کلام[edit | edit source]

غزل[edit | edit source]

ھے لوڑ سر نوک سناں عشق ذرا بول ..

چودھار ھے چپ تار

توں ھک وار ولا بول ..

مقتول دی کئی چیک

نہ قاتل دا ٹھکارا

کیا تھی گئی مقتل دی سنجی آب, ھوا بول ..

بہوں ݙھیر ݙتن اونکوں خراج اوندی جفا دے

اج کھڑ کے اوندے سامنے 

بےسوبھ وفا بول ..

اے حسن ازل گول تیݙی رول ݙتا ھے

قوسین دی پازیب الا

رنگ حنا بول ..

میں کلہاں میکوں لکھاں خدا ویڑھ گئے ھن

کیا حکم ء میݙے نال میݙا کلہا خدا بول ..

اے عیسی! نفس ݙیکھ تیݙے بعد اساکوں

نئیں بھاناں قبر وچ وی فرشتے دا الا بول .

غزل[edit | edit source]

تلوار دو ہتھ تیر دو گل بھیج ݙیویجے ،

قاتل کوں اوندی کرنی دا پھل بھیج ݙیویجے ،

ݙیکھوں تاں سہی کون کیڑھے پانی دے وچ ھے

سانون دو کئ سہکدا تھل بھیج ݙیویجے ،

آسمان توں احسان وانگوں رزق جے لہندے

احسان کوں آسمان دو ول بھیج ݙیویجے ،

او ݙیکھنڑا چاہندا ھے میݙے بھانڑ پرانے

پلکیں دی عماری دا محل بھیج ݙیوییجے ،

ایں عید تے سرکار تیݙو عید دا تحفہ 

ہنج بھیج ݙیوییجے یا غزل بھیج ݙیویجے ،

آئے آس دی آیت تیݙے آرام دے کیتے

دل آھدا ھے باہیں دا رحل بھیج ݙیویجے ،

کئ سر ھے نہ پتھر ھے نہ مخلوق دے کٹھ ءن

سرور کوں تیݙے شہر دو ول بھیج ݙیویجے