Wp/skr/سرائیکی شاعر، ادیب تے فنکار

From Wikimedia Incubator
< Wp‎ | skrWp > skr > سرائیکی شاعر، ادیب تے فنکار
Jump to navigation Jump to search

شوکت عزیز شوکت سرائیکی شاعر


جام شوکتؔ عزیز شوکت شہر فاضلپور ضلع راجنپور دے نوجوان سرائیکی شاعر ہن. بی ایس سی تک تعلیم ہنیں. سرائیکی ادیب , دانش ور سئیں جاوید آصف (مصنف لئ ہار, کھارے چڑھدی سک تے سرائیکی متھالوجی) کولو اصلاح گھندن. سکول ٹیچر ہن.

نمونہ کلام:[edit]

غزل[edit]

ساݙی وستی جئے ھَن پتھر لوکیں شئیت رہائے ھَن پتھر

میں جو تیݙی تات ھئ چولی چارے پاسوں آئے ھَن پتھر

ݙیکھ آ میکوں لڳدے ھانی لہو لہو کیویں تھئے ھَن پتھر

میݙی حالت ݙیکھ کرائیں شودے روندے ڳئے ھَن پتھر

آخر اساں پتھر ٻݨ ڳیوں ساݙے حق ہمسائے ھَن پتھر

پہلے مر پئیں شوکتؔ مرِیں اڄاں راہندے پئے ھَن پتھر


غزل[edit]

درد حد توں ودھ ڳیا ھ دِلرُبا

تیݙے ہتھ وِچ ھُݨ شِفا ھ دِلرُبا

تھی سڳی تاں ھُݨ میکوں دیدار ݙے

مونجھ تیݙی بـے بہا ھ دِلرُبا

دم نکلدا ھِ خوشی کولوں میݙا.

تئیں جو میکوں آکھیا ھ دِلرُبا

ضد کریندے تیکوں ݙہدا رہ ونڄاں

میݙا دل وی بادشاہ ھ دِلرُبا

توں نا نظرِیں چین نئیں مِلدا میکوں

کجھ نا کجھ تاں تھی ڳیا ھ دِلرُبا

آپ ݙس ھاں کلہا شوکتؔ کیا کرے

مونجھ دا ہک قافلہ ھ دِلرُبا

قطعہ[edit]

ناں مِلِـــــــیں تاں یار تیݙی مرضی اے

مِلݨ دِیاں صُورتاں تاں ڈھیر ساریاں ھِن.

توں میݙی سَب توں وݙی ضرورت ہئیں

اونویں ضرورتاں تاں ڈھیر ساریاں ھِن.

سرائیکو ...[edit]

کون کہیں کوں کُئ شئے ݙیندے

اساں ݙِتے اوکوں دِل

صِلہ ڳے ھُݨ مِل