Wp/skr/راشدہ ماہین ملک

From Wikimedia Incubator
< Wp‎ | skrWp > skr > راشدہ ماہین ملک
Jump to navigation Jump to search

راشدہ ماہین ملک سرائیکی زبان دی شاعرہ ہے۔

ڄم پل[edit | edit source]

ملتان وچ ١٠ ١کتوبر کوں ڄمی۔

پیشہ[edit | edit source]

وفاقی اردو یونیورسٹی اسلام آباد وچ اسسٹنٹ پروفیسر ہے۔

کتاباں[edit | edit source]

نمونہ کلام[edit | edit source]

تیڈی تصویر اکھیاں وچ سجا کے روز سمدی ہاں

اے کیں آکھائے تیکوں جانی بھلا کے روز سمدی ہاں

نظر اسمان تے کر کے مخاطب چن دے نال ہوکے

تیڈے ناں دی غزل ہک گنگنا کے روز سمدی ہاں

محبت نال میں اپنے سجنڑ دل دے مکان اندر

تیڈی چاہت دی شمع کوں جلا کے روز سمدی ہاں

کیڈا خوش بخت ہیں رج کے میڈا ماہی تیکوں ڈیدھئے

اے گل ماہین شیشے کوں ڈسا کے روز سمدی ہاں

سرائیکی سہہ غزلہ[edit | edit source]

ہک ہاسے وچ ہک شہزادہ

بے مُل گیا وک شہزادہ

اج دی رات دسمبر والی

اج دی رات تاں ٹک شہزادہ

اج تاں اپنے نال بلہا کے

میڈا فوٹو چھک شہزادہ

تیکوں میڈی سک ہے جیویں

میکوں تیڈی سک شہزادہ

غیراں دے انج لگ کے آکھے

پا نیں پیار اچ پِھک شہزادہ 

۔۔۔۔۔۔۔۔

پہلے وانگوں کھل شہزادہ 

ٹھار ڈے میڈا دل شہزادہ

قسمیں میکوں بہوں بھاندا ہے

تیڈے مُکھ دا تل شہزادہ

کہیں توں ڈر نیں پیار اچ ایویں

نعرے مار کے مل شہزادہ

سامنے توں ماہین دے ہوویں

دل ویندا ہے ول شہزادہ 

۔۔۔۔۔۔۔۔۔

اکھ نوں ڈے درشن شہزادہ 

اج تاں میڈی من شہزادہ

میں ہاں تیڈی چن شہزادی

توں ہیں میڈا چن شہزادہ

دل تڑپاونڑ والے ہائے

کیں سکھلائے نی فن شہزادہ

تیڈے خواب روزانہ ڈیکھاں

بنڑ کے میں دلہن شہزادہ

اپنے دل دی صاف ڈساچا

بھول نہ میڈے بھن شہزادہ

بس ماہین دا تیڈے کیتے

حاضر ہے تن من شہزادہ

ماہین ❤️❤️

غزل[edit | edit source]

کر نہ بہوں پریشان وے ڈھولا

میں وی ہاں انسان وے ڈھولا

ایویں تیکوں لوگ بچھیندن

لوگ تاں ہن بیمان وے ڈھولا

بیشک میں توں قسم چوا گھن

توں میڈی جند جان وے ڈھولا

تیڈے باجھوں قسم خُدا دی

بہوں آوکھی گزران وے ڈھولا

چھوڑ فضول دے جھگڑے جھیڑے

بنڑ نہ توں نادان وے ڈھولا

خالص دیسی گھیو دی چُوری

کھا آ کے مُلتان وے ڈھولا

تیڈے بن ماہین کوں لگداے

سارا جگ ویران وے ڈھولا

❤️ ماہین