Wp/skr/رابعہ عارف قریشی

From Wikimedia Incubator
< Wp‎ | skrWp > skr > رابعہ عارف قریشی
Jump to navigation Jump to search

رابعہ عارف قریشی سرائیکی زبان دی شاعرہ ہے،

نمونہ کلام[edit]

منظر سارے ویس وَٹیسن رُتیں رنگ بدلسِن

مُدت ہا دے نِکھڑیئے پَکھی جھاراں دے وِچ رَلسِن

یاداں دے اَسماناں تے لفظاں دےتارے کھِنڈسِن

سوچاں دے چانن دے اگوں کالے بَدل ٹَلسِن


سِجھ دی ظالم اکھ کوں ڈیکھ کے اج تاں ایویں لگدے

ہِک قیامت لنگھ ویسی تاں ول پِچھاویں ڈھَلسِن

دیگرِ ویلے ویندی بیڑی دیکھ کے پاندھی آکھن

کیویں دریا پار کریسوں کڈن وارے ولسِن


یاد تیڈی دے دِل وچ ڈیوے اینویں ای بلدے راہسن

توڑین لَکھ اندھاریاں گھُلسِن بھاویں ڈَکھن چَلسِن

رابعہ عارف قریشی) 1989

تانگھ[edit]

۔۔۔۔۔۔۔۔۔

اَج وی رات دی اکھ دا سُرمہ

گُوڑھا تھی کے کجل بَن گئے

اَج وی آس دا اُڈدا پَکھی

اکھیں کولوں اوڈھِر تھی گئے

اَج وی رات دیاں تھکیاں اکھیں

پِپلیاں اُتے تارے چا کے

مَنزِل تے پُجن دی خا طِر ہولے ہولے پندھ کریدین

اَج وی کُونجاں وَہر بَنا کے ونج لتھیاں ہِن سُکھ دی نگری

ُپر ہِک مَمتا بھری حویلی

کھول کے اپنی اَکھ دے بُوہے

بال کے ہتھ وِچ آس دا ڈیوا

آج دی رات وی تانگھ تنگھیسی

مَتاں مُسافر راہ بھُل وَجِن بھُلیاں کوں ایہہ راہ ڈکھیسی

رابعہ عارف قُریشی