Wp/skr/دلشاد محور

From Wikimedia Incubator
< Wp‎ | skrWp > skr > دلشاد محور
Jump to navigation Jump to search

دلشاد محور سرائیکی زبان دا شاعر تے صحافی ہے۔

ڄم پل[edit | edit source]

پیشہ[edit | edit source]

روزنامہ سنگت کراچی دا ایگزیکیٹو ایڈیٹر ہے۔

نمونہ کلام[edit | edit source]

سرائیکو[edit | edit source]

دل تاں اہدے ہُنڑیں تیکوں کَھڑ ونجیجے کُٹݨ

غیر تاں نیں کوئی ساڈا اپنڑاں ہَیں توں تُرٹݨ

ساکوں کَھڑ گئیں لُٹݨ

نصحیت[edit | edit source]

اوندے نال نہ ونجیں اصلوں پُٹھا رستہ لیسی

اساں ٹُرݨ جوگے ہیں کیا ؟ ساکوں کون ڈسیسی

تیڈی پاڑ کپیسی

'''''''' دلشاد محور

بلب ایجھے آن وِرادھن چِمنیاں رُل گِن[edit | edit source]

بلب ایجھے آن وِرادھن چِمنیاں رُل گِن جالے رُل گِن

سالھیں کوں ہَن لگدے جیڑے اوھے کُنجیاں تالے رُل گن

ہَل پَنجالیاں ٹَنگیاں کھڑین اج وی ساڈے امبیں اُتے

ڈاند نی ساڈے لبھدے ساکوں چِٹے رُل گِن کالے رُل گِن'

چھاب ڈھمک دا پُچھو کہیں توں کہیں کوں پتہ کائنی

چُنڈھاں گَٹھاں گوب دے نال پلاون آلے رُل گِن

نہ تاں ہُن کُنالیاں لَبھدین نہ ہُن کہیں جاہ تونگ مُوڑھے بَدھن والے رُل گن پَچھیاں ویچن آلے رُل گِن'

ساڈے در تے ٹَنگڑیں ہَن ڈوں ہِک تے کُکڑیں ہِک تے تھاں ہَن وچ چُلھانڑیں چار خانیں دا ڈبہ وچ مِثالے رُل گِن

مِٹی دے تھاں ویچن آندا روز نَصیرا گڈا آلا

چاہ کیتے ہَن گِھدے جیڑے اوھے یار پِیالے رُل گِن

دَنورے دابڑے کہیں نی سانبھیے جھیرنڑیں وی نی لبھدے

چَھج پرونڑ تے کھارے رُل گِن کاٹھی دے پَرنالے رُل گِن

کہیں جاہ رُل گئی یار ڈندالی کہیں جاہ یار پَہوڑا

تِریانگُل تے ترپال نی لبھدے کیجھے کیجھے آلے رُل گِن

نِہریں سُک کِکر مُک گِن طوطے خبر اے کِتھاں اُڈ گن

ڈھنڈوں مُک گِن بیگھڑ سُک ساڈے چَنی نالے رُل گِن

کُھوہ اُجڑ گِن کھاڈے بَھج گِن ڈاند نی کہیں جاہ جُپدے

بورنگ تے ہُن ڈِگیاں آ گِن تہوں تاں ساڈے کھالے رُل گِن

سَر چِڑی تاں جِتھاں رہ گئی آلھنڑیں وی نی نِظریے

تَرکلے تے چَنڈُور نی نظریے بُلبل دے سب نالے رُل گِن

کوڈی مُک گئی مَلھِنڑ مُک گئی مُک گئے محور کھاڑے

رُل گے ساڈا چاولی مُلاّں مَنھا تے کَھروالے رُل گن ۔ دلشاد محور

حوالے[edit | edit source]