Wp/skr/جاویدآصف

From Wikimedia Incubator
< Wp‎ | skrWp > skr > جاویدآصف
Jump to navigation Jump to search

جاویدآصف پیشے دے اتبار نال پرائیویٹ سکول اچ مدرس ہے۔

کتاباں[edit | edit source]

جاوید آصف ہک شعری مجموعہ وساندر[1]2015 وچ دستک پبلیکیشنز ملتان شائع کیتا اتے ہک لئی ہار نامی افسانوی مجموعہ جھوک پبلشرز ملتان توں 2016 وچ چھپیا وساندر دا ݙوجھا ایڈیشن دستک پرنٹنگ پریس تے چھپݨ سانگے گیا پیا ہا دسمبر 2017اچ چھپ تے آیا ہک ٻیا شعری مجموعہ"کھارے چڑھدی سک"مہینہ ݙو پہلے 2018ء اچ شائع تھئے اتے تحقیق دی ہک کتاب سرائیکی میتھالوجی دا مسودہ چھیکڑی مراحل اچ ممکن اے او وی 2018 اچ آونجے ݙو ہزار اٹھاراں وچ نہ چھپ سگیا تاں ݙوہزار انویہہ اچ ضرور شائع تھی ویسی ان شاء اللہ

نمونہ کلام[edit | edit source]

مکالماتی غزل[edit | edit source]

میں پچھیے کیا ساݙی یاری لڳ سڳدی اے

آکھیس کیوں نہ تیݙی واری لڳ سڳدی اے

میں آکھـیے تیں جان وی جیکر منگی ݙیساں

آکھیس تیکوں جان وی پیاری لڳ سڳدی اے

مــیں آکھــیے کے تاݨی تیــݙا رسـتہ بھـــالاں

آکھیس ݙیکھو زندگی ساری لڳ سڳــدی اے

میں آکھـیے کیا پیار اچ نکھڑݨ لازم ہـوندے

آکھیس مفتی کئی شے پیاری لڳ سڳدی اے؟

میں آکھیے ہتھ ݙیکھ ستارے کیا اہدے ہن؟

آکھیس تیکوں عشق بیماری لڳ سڳدی اے

آکھیم عشق اچ آخر کیا کجــھ وارݨا پوندے

آکھیس سر سودھی سرداری لڳ سڳــدی اے

آکھــیم کــئی تنقید آصف دی شــاعــری اتے

آکھیس کئی وی غزل معیاری لڳ سڳدی اے

قطعہ

اڄ توں ایہو گلشن دا وی قاعدہ جوڑیا ونڄے

سلا بھلا عاشقــــاں دا ہݨ دل نہ تروڑیا ونڄے

زیادہ نئیں تاں جیں ویلھے پھلیں دی چوݨی تھیوے

بلبل تے تتلی دا حصــــہ لازمی چھـــوڑیا ونڄـــے

قطعہ[edit | edit source]

حسین دی فکر سوچ ســاݙی دی سلطـنت اے

اساݙے آڑے اڄــــاں تئیں اونویں یزیدیت اے

اساں وی کسدے پئے ہیں ویلھے دی کربلا وچ

اساڈےپیریں تلے زمین اے نہ سر تے چھت اے

ݙوہڑہ

میــݙی ضـــد دا کیا ھــے دل جیلھــے تیݙی ڳــوری ڳــمدا رہ ویندے

تیݙے کــنڑس ݙو ݙیکھـمݨ نئیں ݙیندا میـݙے پیریں پمدا رہ ویندے

تیݙی ڳول اچ ݙینھ کوں میں بھمداں سر رات کوں بھمدا رہ ویندے

کئـی آصف اینجھـا روڳ تاں ھـے میکـــوں اندروں کھمدا رہ ویندے

غزل[edit | edit source]

جیت دا جھٹ سالیں دی ہار توں اتر منگدے

اوندا پیار ہر تو تکرار توں اتر منگدے

جیرھا وقت اتے پکرے او پتل سونا

ویلھے دا سو کئی ہزار توں اتر منگدے

اوندا پیار بہتر میریں جتنا ہوسی

کیا او میڈی ماء دے پیار توں اتر منگدے

اوکوں مڑکا مڑکا کر کیوں یاد کراں میں 

جیرھا ہر اعداد شمار توں اتر منگدے

جیں دستار دی لوکیں جاݨ سنڄاݨ نہ ہووے

ننگا سر وی اوں دستار توں اتر منگدے

توبہ توبہ بھل اوندے لہجے دی تلخی

ہا دا ولدا وی انکار توں اتر منگدے

ٻئی کیرھی دربار تے ونڄ نئوں راتاں باہواں

تیݙا در تاں ہر دربار توں اتر منگدے

یوسف دیاں تعریفاں اپݨی جاہ تے بر حق

اے ݙیکھو کیا میݙے یار توں اتر منگدے

تیکوں ہار سنگھار کرݨ دی کیرھی لوڑھ اے

تیݙا حسن تاں ہار سنگھار توں اتر منگدے

جاویدآصف

غزل[edit | edit source]

کــــــنڑک رنگــــــے لوک جــــو ســاکوں رو ݙیندن

شـــک ناں او وی روٹــی دی خوشـــــــبــو ݙیندن

عشـــــق کــــݙاں ݙینـــدے کئــی موقع سوچݨ دا

عاشـــق تاں بھــــــاہ ٻلدی وچ کــــر دھــو ݙیندن

پیار ســــاݙے دی بھـــل بھــل تاں چو پاسوں ھے

کــــیا تھـــــیا جــــیکر میہݨـــے وی ہک ݙو ݙیندن

اوہــــے لــــــوک تاں ہـــوندن لائق پجیجـــݨ دے

جیرھے چپ تھیں چپڑئیں کوں گھنگھرو ݙیندن

ممکـــن ھــــــے ایں نال وی پراہ باکــــھ پــووے

جــــیرھــی حـــق دی بانگ ودے گبـــھرو ݙیندن

جاویدآصف

باہرلے جوڑ[edit | edit source]

حوالے[edit | edit source]

  1. https://drive.google.com/file/d/0B0yraQjcFsv8dW1kYWtYVmE0TkU/view?usp=sharing