Wp/skr/تحسین بخاری

From Wikimedia Incubator
< Wp‎ | skrWp > skr > تحسین بخاری
Jump to navigation Jump to search

تحسین بخاری سرائیکی شاعر ہے۔

ڄم پل[edit]

پہلی اکتوبر ١٩٧٧ء کوں رحیم یار خان وچ ڄمے۔

تعلیم[edit]

پنجاب یونیورسٹی لہور وچ پڑھے۔

پیشہ[edit]

  • روزنامہ اوصاف وچ کرائم رپورٹر ہے
  • مخدوم سید احمد محمود دا میڈیا ایڈوائزر ہے۔

کتاباں[edit]

نمونہ کلام[edit]

غریب دی عید[edit]

ݙیواں کیجھا حال بھتار تکیوں سب ݙیکھدا پئیں ݙکھ کیا پچھدیں

ݙکھ عید دے ݙینہہ میݙے گھر آڳے غم میل کرھئیں ݙکھ کیا پچھدیں

تیݙے محل ݙے رہ ڳی دید میݙی ݙینہہ ڈھلدے تئیں ݙکھ کیا پچھدیں

میݙے بالیں ݙے لپ سیویں دی پٹھی تئیں وی نئیں ݙکھ کیا پچھدیں۔

منہ ݙیکھ نماݨاں بالیں بالیں دا رو وقت گزاریم عید دے ݙینہہ

منگیے عید دے کپڑے بالیں تاں چھک چاٹاں ماریم عید دے ݙینہہ

کلام۔تحسین بخاری

پردیس دی عید[edit]

اساں وطن توں دور مسافر ہئیں توں عید منا ساݙی عید کیہی

اساں راہ رلدے ساݙیاں سب خوشیاں تھیاں خاک سوا ساݙی عید کیہی

لڳی وطن دی سک لب کھل بھل ڳے بیٹھوں نیر وہا ساݙی عید کیہی

اساں کہیں دے وطن تے بے وطنے خود سوچ بھلا ساݙی عید کیہی

اساں عید دے ݙینہہ تحسین تیݙی تصویر تےدل وندلائ رہ ڳیوں

تیݙی یاد دی چادر تاݨ کرھئیں تیݙی مونجھ کوں سینے لئ رہ ڳیوں

عید[edit]

لنگھی پچھلی کلھیپے وچ آ ݙھول مٹھا میݙی عید تھیوے

اکھیں دگ ݙہدین تیݙا شام فجر میکوں نہ ترسا میݙی عید تھیوے

کھڑے کھلدن ݙیکھ رقیب میکوں نہ غیر کھلا میݙی عید تھیوے

نتاں روندییں مر تحسین ویساں ہیں عید تے آ میݙی عید تھیوے

(تحسین بخاری)