Wp/skr/الہادی

From Wikimedia Incubator
< Wp‎ | skrWp > skr > الہادی
Jump to navigation Jump to search
ہادی دے دور دا درہم

ابو محمد موسیٰ الہادی العباسی (پیدائش: 25 مارچ 764ء— وفات: 14 ستمبر 786ء) خلافت عباسیہ دا چوتھا حکمران تے خلیفہ اسلام ہئی۔ ابوموسیٰ الہادی نے محض ہک سال (785ء سے 786ء تک) حکمرانی کیتی۔ چوتھے عباسی خلیفہ نے اپݨے والد المہدی دی وفات دے بعد 785ء وچ عنان حکومت سنبھال گھدی۔ مہدی دی وفات دے وقت الہادی جرحان دی مہم وچ مصروف ہئی۔ ایندی عدم موجودگی وچ ہارون الرشید نے ایندے کیتے بیعت گھدی تے اطراف و اکناف وچ مہدی دی وفات دی خبر کر ݙتی۔ ویہہ روز دے بعد الہادی جرحان توں بغداد پہنچا تے تخت تے ٻہوݨ دے بعد حاجب ربیع کوں اپݨا وزیر مقرر کر ݙتا۔ ملکہ خیزران دی خواہش ہئی کہ مہدی اپݨے پتر ہادی دی بجائے ہارون الرشید کوں جانشین بݨاوے لیکن مہدی دی اچانک وفات دی وجہ توں ایویں نہ تھی سڳا۔ الہادی کوں اپݨے بھرا ہارون الرشید توں ہک گونہ بدگمانی ہئی تے اپݨی والدہ خیزران دے طرز عمل توں بھی شاکی ہئی لہذا اوں نے آہستہ آہستہ اپݨی والدہ کوں امور سلطنت توں بے دخل کر ݙتا۔ ایں طرح ما پتر دے درمیان دوری دی فضا پیدا تھی ڳئی۔

وفات[edit]

15 ربیع الاول 170ھ، 786ء کوں سوا سال دی حکمرانی دے بعد ہادی اچانک وفات پا ڳیا۔ مرݨ توں پہلے ایں نے ہارون دی ولی عہدی دی تصدیق کیتی تے ایں طرح جھگڑے دی ہر صورت ختم تھی ڳئی۔[1]

حوالے[edit]

  1. تحقیق و تحریر، اسماعیل بھٹہ