Wp/skr/اصغر گرماݨی

From Wikimedia Incubator
< Wp‎ | skrWp > skr > اصغر گرماݨی
Jump to navigation Jump to search

سرائیکی زبان دا ٻہوں وݙا شاعر ہے

ڄم پل[edit]

پیدائش 02 جون 1976

مظفر گڑھ دے علاقے چوک قریشی نال تعلق ہے۔ بہاؤالدین زکریا یونیورسٹی توں سرائیکی وچ ایم اے کیتا ہوئے۔ جدید سرائیکی شاعری خاص طور تے غزل دے میدان وچ بہوں ناں پیدا کیتے تے تجربے کیتن جنہیں وچ ہک تجربہ سرائیکی مقالماتی غزل دا ہے جیکوں عوام بہوں پسند کیتے۔ سرائیکی شاعری دا پہلا مجموعی "سیپ" چھپ چکے۔

نمونہ کلام[edit]

ھیں ڑی کینجھا سیپ سنگھاری بھاہ لڳ ڳئی اے

چولے تے کئ نقش ابھاری بھاہ لڳ ڳئی اے

اۓ جوڳݨ جنگل دی راݨی پیرو راݨی

شہر ءِچ بوچھݨ آن اݙاری بھاہ لڳ ڳئی اے

تیݙا دل وی پتھر ھا تے میݙا دل وی

پتھر تے ایں پتھر ماری بھاہ لڳ ڳئی اے

تھل کوں آکھی پاݨی تھی ونج پاݨی تھی ڳئے

پاݨی وچوں عشق گزاری بھاہ لڳ ڳئی اے

میݙے سینے لڳ کے میݙا "اصغر" جیویں

آپو جاݨ تاں سینہ ٹھاری بھاہ لڳ ڳئی اے

کافر کون ؟[edit]

کاں کافر[1]::::::

لوکی پچھدن،

کاں کوں کافر کیوں آھدن؟

ہک معصوم پرندہ جیہڑا

مہمانیں دیاں خبراں ݙیندے

کہیں وسوں دیاں شانداں ݙیندے

کافر کیوں ھے؟

میں اے آھداں۔

کافر کہیں مذہب دا ناں نئیں

نہ اے رنگ یا ذات دا ناں ھے

نہ کہیں دی اوقات دا ناں ھے

کافر ہک کردار کوں آہدن

کیتے ہوئے نروار کوں آہدن

میں اے آہدان

بھانویں اݙدا پکھی ھووے

کہیں وستی دا ڳودا ھووے

کہیں درگاہ دا وارث ھووے

بھانویں ملک دا حاکم ھووے

جیکر کہیں مجبور دے ہتھو

کہیں مجبور دے بالیں دے ہتھو

رزق کھسیندے

کافر ہوندے..

غزل[edit]

تیݙیاں زلفاں رات سیاہ ان کینا لکھساں

تیݙے نیناں نور نگاہ ان کینا لکھساں

میں لکھدا ہم جان میݙی توں جندڑی میݙی

جان تے جندڑی بے پرواہ ان کینا لکھساں

تئیں آکھیئے جو شعر لکھاں میں تیݙے کیتے

نمی لکھدا لوک گواہ ان کینا لکھساں

تیکوں آپڑیں خواب خیالیں لکھدا ہامی

بھاہیں خواب خیال کپاہ ان کینا لکھساں

میݙے شعر گناہ ان جیکر میݙی توبہ

پہلے میݙے ڈھیر گناہ ان کینا لکھساں

چندر ستارے پھل خوشبو تے مونجھ دے منظر

سارے تیݙے گھر دے راہ ان کینا لکھساں

خط ءچ لکھساں چنگی نبھدی پئی اے

"اصغر"

ول آ میݙے آوکھے ساہ ان کینا لکھساں...!!!

اصغر گورمانی

غزل[edit]

پیار دا کوئی اثر تاں کائنا ہا

تیکوں نکھڑݨ دا ݙر تاں کائنا ہا

جیݙی آنوݨ کوں دیر کیتی ہئی

ایݙا لمبا سفر تاں کائنا ہا

دل دے چوریں کوں راہ کتھو مل پئے

میݙے سینے تے در تاں کائنا ہا

نہ او خدا ہا نہ میں کوئی بت

ساݙا ازلاں دا شر تاں کائنا ہا

رات چوݙی دے چن دے جلوے ہن

رات اصغر وی گھر تاں کائنا ہا

سئیں اصغر گورمانی

غزل[edit]

ویلھی تھی ݙسا گِھن

ڈکھڑے سݨا گِھن

پیریں اتے ہتھ رکھ

یار کوں منا گِھن

دل ݙے حکیم کوں

دل دی دوا گِھن

کنو بُٹی آکھسی

بوچھݨ اتے پا گِھن

گھمی گھمی رات ہے

رات کوں روا گِھن

سک ساگی سانبھ رکھ

مونجھ گھݨیں چاگِھن

مندری تاں منگی وی

خواب وی ولا گِھن

کلھی ہاں وئے ڈھولݨاں

قسماں چوا گِھن

در اتے چوگ سٹ

پکھیں دی دعا گِھن

ویندا پئے وی اصغر

مل پو الا گِھن

اصغر گورمانی

حوالے[edit]

  1. https://poetry-ki-dunya.blogspot.com/2017/06/blog-post_14.html