Wp/sjd/Вӣллькесь пуаз

From Wikimedia Incubator
< Wp‎ | sjdWp > sjd > Вӣллькесь пуаз
Jump to: navigation, search

Вӣллькесь пуаз лӣ моайнас кырьй нӯрр пӯдзэ пынней баяс. Кырьйхма лӣ тэ̄нн моаййнас Аскольд Бажанов рӯшас, а кӣлт са̄мь кӣлле ёарксма лӣ Вуэнҍтрэ Санндрэ Антонова.

Моайнас лӣ Тоанла баяс, ке̄нн шурьмусс юрртэ лӣ шэ̄ннтэ вуэҋтҍенҍ маӈельт пӯдзэ кэ̄рхэллмужэсьт шӯрр Таввял Пра̄зьнэгкесьт Мурман ланӭсьт. Тоанла та̄т соагкэ вӣллькесь пӯдзэ я ма̄тҍхэ со̄н куллтэллэ о̄ллмэ па̄кнэмужетҍ. Тэдт лыһк а̄нн пӯдзэ пыннъесьт е̄ннэ вышшэлвудтэ, кӣҏшэмвуд я е̄гкьмуж. Маӈельт пӯдзэ кэ̄рхэллъе быдт воалмаш шэ̄ннтэ югке рэ̄зэтҍ вуэҋтэ ста̄рт кя̄йн альн, тэнн гуэйкэ быдт соннӭ ӣджяс е̄ннэ чинндэдтэ, штобэ эле ёррэ, эле пуадтраһтӭ а̄ййк я вял быдт пӯдзэ туаррье ӣжянт лоаччкэльвудэнҍ я сӯррвасвудэнҍ.

Тэдта кыррьй элля лышэ тэнн баяс, сонн мушштал вял югкэ пя̄ййвсэ ло̄ссесь ча̄рр о̄ллмэ робэт баяс, кӯ манн о̄ллтлэзэсьт сыйтэнҍ. Пӯдзэ пынней пуэраст тӣдтӭв ча̄рр тӯетҍ, ве̄кьхэв нӯрршэтҍ выгкэ эвтэс мадтар-а̄е юрртэтҍ я тӯетҍ. Чӯдзэтҍ карвуллэмэнҍ омпэ суткэ, Тоанла е̄ннэ мӣлле пуадт, мӣ со̄нэнҍ ля̄йй эввтэль, юррт ажесь нӯрр па̄лъ байя, Шӯрр Шаннт Е̄ммьне туар байя. Пугк э̄ллмса юрртэ ся̄гкнэнҍ Тоанлэсьт е̄рркъя мо̄джесь са̄мь моаййнсэгуэйм. Ӣллькъювэвв ле пугк Тоанал юрртэ, тэнн баяс быдт тыйе ӣджянт ло̄гк# я тӣдтэ.

Биография[edit]

  • Аскольд Бажанов. Вӣллькесь пуаз: моайнас. Художнэһкь Яков Яковлев. Кӣлт са̄мь кӣлле ёаркэсьт Санндрэ Антонова. - Каараашё̄һка: Таввял Кыррьй, 1996.
  • Askold Basanov. Gabba: muitalus. Sárgumat Jakov Jakolev. Davvisámegilliijorgalan: Leif Rantala. - Kárásjohka: Davvi girji, 1996, ISBN 82-7374-299-7.
  • Аскольд Бажанов. Белый олень. - Мурманск: Север, 2007.