Wp/sjd/Английскэ кӣлл

From Wikimedia Incubator
< Wp‎ | sjd
(Redirected from Wp/sjd/Аӈглийскэ кӣлл)
Wp > sjd > Английскэ кӣлл
Аӈглийскэ кӣлл
English
Ланҍ АЭШ
Шӯрр Британия
Канада
Австралия
САР
Ирландия
О̄дт Зеландия
Е̄ммьне пугк э̄ллманнт
Са̄ррнэй 1,3 млрд ве̄рьт
Кырьйхэмна̄лль латиница (аӈглийскэ алфавиһт)
Классификация

Индо-европейскэ кӣл пӣрас

Германскэ кӣл
Вуэррьял германскэ кӣл
Аӈгла-фризскэ кӣл
Аӈглийскэ кӣлл
Официальнэ статус 67 лэнӭнҍ, ныдтҍшэ югке е̄ммьне я э̄хтнэг
Кӣллкод
ISO 639-1 en
ISO 639-2 eng
ISO 639-3 eng

Английскэ кӣлл (аӈгл. English), нышшэ англискэ[1] кӣлл вай иӈглиш[2][3] кӣлл лӣ вуэррьял германскэ кӣлл, шурьмусс нарэдкэскса тӣдҍнэдтвуд кӣлл э̄ллмантэсьт. Ныдтҍшэ аӈглас са̄рнэтҍ Шӯрр Британиясьт, Америка Э̄ххтма Шта̄тэнҍ, Канадасьт, Австралиясьт, Ирландиясьт, О̄дт Зеландиясьт я мудта лэнӭнҍ.

Алфавиһт[edit | edit source]

Аӈглийскэ кӣл алфавитэсьт лӣ 26 бӯквэдтӭ.

A a B b C c D d E e F f G g H h I i
J j K k L l M m N n O o P p Q q R r
S s T t U u V v W w X x Y y Z z

Диалект я варьянт[edit | edit source]

Аӈглийскэ кӣл орфографьяе пыйнэмушш

Аӈглийскэ кӣлэсьт лӣ е̄ннэ диалектэ, я ныдтҍшэ региональнэ варьянтэ. Шурьмус аӈглийскэ кӣл региональнэ варьянт ле̄в:

  • Американскэ аӈглийскэ кӣлл
  • Британскэ аӈглийскэ кӣлл
  • Канадскэ аӈглийскэ кӣлл
  • О̄дт-Зеландскэ аӈглийскэ кӣлл

История[edit | edit source]

Е̄рркъя-аӈглийскэ латинскэ кырьйхэмна̄лль. Авьтмусс Беовульф (е̄рркъя-аӈглийскэ э̄пос) лысст

V аг. кэскэсьт пӯдтӭнҍ е̄рркъя германла – ю̄т, а̄ӈгл я са̄кс о̄ллмэ – Британскэ сӯллъе. Адтҍенч а̄ӈгла ле̄в сӣн пуллдэг. Танна сӣн кӣлл ля̄йй мудта германскэ кӣл налшэм. X аг. кэск райя со̄н ля̄йй эйй е̄ннэ вуайхувма.
Британия вуэннҍт о̄ллмэ лийенҍ ке̄льт, ко̄йтгуэйм германла тӯрнӭнҍ; 80 соанӭ райя аӈглийскэ кӣлле пӯдтӭнҍ ке̄льт кӣлэнҍ, ва̄лльтэ clan – «ро̄дт, о̄ллмэ», whisky – «виски». Е̄намп соанӭ лӣйенҍ пуадтма латин кӣлэсьт. Кэскэсьт сӣнэ ле̄в:

street «чуэкас» — лат. strata via;
wall «стенн» — лат. vallum;
wine «выннҍ» – лат. vinum;
pear «груша» – лат. pira;
cheese «сыр» – лат. caseus.

Е̄рркъя-аӈглийскэ кӣлэсьт кырьешь аӈгла-са̄кс рӯнагуэйм . Латиница оа̄лкэһтҍ о̄ннъюввэ VII агесьт, я со̄нэсьт ля̄йй мэ̄нлянчверьт лашшь букватҍ: ð, ƿ, þ, ƿ я мудта.

  • Кэ̄сск-аӈглийскэ кӣлл (1066–1450 ыгь)
  • О̄дт-аӈглийскэ кӣлл (XV агь ке̄джь – мӣн пе̄йв)

Соанӭ руэһк[edit | edit source]

Маль 60% аӈглийскэ кӣл соанӭ пӯдтӭнҍ латин кӣлэсьт я мудта романскэ кӣлэнҍ:

Грамматика[edit | edit source]

Местоименья[edit | edit source]

Ӣджесь местоименья
Лицо, числа Шурьмусс падешш Элля вӯййк падешш
1 л., э̄ххтса ч. I me
2 л., э̄ххтса ч. you (моа̄йнс. thou) you (моа̄йнс. thee)
3 л., э̄ххтса ч. he/she/it* him/her/it*
1 л., е̄нас ч. we us
2 л., е̄нас ч. you you
3 л., е̄нас ч. they them
* югкеналшэм ро̄д местоименья: he – оалм ро̄дт, she – нызан ро̄дт, it – кэ̄сск ро̄дт

Уж[edit | edit source]

  1. https://en.wiktionary.org/wiki/%D0%B0%D0%BD%D0%B3%D0%BB%D0%B8%D1%81%D0%BA%D1%8D_%D0%BA%D3%A3%D0%BB%D0%BB#Kildin_Sami
  2. https://en.wiktionary.org/wiki/%D0%B8%D3%88%D0%BB%D0%B8%D1%88#Kildin_Sami
  3. https://wikisource.org/wiki/Page:Men_antij_Ok%C8%9Ba%CA%99r_Revolucia_ro%CA%99tus%CC%B7d%C9%98d%D1%8C_saamit.pdf/15