Wp/shi/Wikipidya

From Wikimedia Incubator
< Wp‎ | shi(Redirected from Wp/shi/Wikipedia)
Wp > shi > Wikipidya
Wikipidya
Wikipedia
Tamatart nɣ alugu n Wikipidya
Alink: wikipedia.org
Tanfalit: Tasanayt tilellit
Anaw n usit: Tasanayt tamuṭṭunt
Tutlayt: 316 (yanayr 2021)
Azmmem: Fabur d iɣ trit
Bab: Timrslt n Wikimidya
Iskr tt: Jimmi Walis d Larri Sangr
Ibda ɣ: 15 yanayr 2001
Mɛlumat yaḍni
Asɣnzi: Non Uhu
Asussn: Non Uhu

Tga Wikipidya yat tasanayt nɣd asamu amuṭṭun igan ilelli nɣ aḥuṛṛi illan s ɣaydd n tutlayin, tettuyskat d tettuyɛdal fad ad tg yat twuri n umyawas innurẓmn i kraygat yan, xdmn gis agudi n imaratn nna gis ittaran bla ad gis rbḥn nɣ ad gis amẓn tiɣrad[1], s uwttas ad tg tussna yat tɣawsa igan fabur ur iqqan ad dars yili atig d kraygat yan dars azrf ad iɣr d ad yaqqra ɣayli ittiri[2]. Tga Wikipidya yat zɣ iɣbula n lmɛlumat nna akk imqqurn d nna akk ittuyssan ɣ umaḍal ɣammas n wantirnit, d nttat yat zɣ smuss d mraw isitn lli d tkkan middn bzaf s tṣnif lli tskr Aliska ɣ wayyur n yunyu 2020[3]. Ar takka tasanayt ad yan lmuḥtawa igan fabur d blan licharat. Tumẓ tt timrslt n Wikimidya d nttat ad sis itklfn, tga timrslt ad yat tamaddast ur igi awttas nns iqariḍn, art tmwaln middn ɣar s tiwisi d tabarruɛat[4].

Ibda usit ad n Wikipidya ɣ 15 yanayr 2001 s ifassn n Jimi Wilz d Lari Sanjr, d Sanjr ad as ifkan yism ad, ism ad n Wikipidya ibḍa f snat tguriwin, Wiki s unamk n Bzrba zɛma da gis ttafat lmɛluma dɣya, d Pidya lli d ikkan tguri n Encyclopedia. Lliɣ bḥra tbda tkka-tt-inn ɣar s tutlayt tanglizt, mac dɣya sliɣ d gis baynt tutlayin yaḍni lli tn ikkan xtalfn cwiya ɣ lmuḥrawa lli tn gis kkant ula tɣarast n tirra nnsnt. Ɣilad llan uggar n 300 id wikipidya, tin tanglizt ad akk gisn imqqurn d teṭṭaf uggar n 5 id mlyun n imgradn. Ɣ kulci wikipidyat, llan kran 40 id mlyun n imgradn s 300 tutlayt. Ɣ fibrayr 2014 tettuyẓra wikipidya kran 18 id mlyar n twal d kran 500 id mlyun n lvizitat kraygat wayyur.

Ɣ mars 2017 wikipidya teṭṭf uggar n 40 id mlyun n imgradn ifulkim zɛma mqqurn d ittyuran s yat tɣarast ifulkin. Ɣ 2015 tbdr tasɣunt n Natcr yat rrivyu ar gis tqaran 42 imgradn n tmassant zɣ yat tasanayt tga s yism Briṭanika nttat d Wikipidya, tufa masd ddiqqa n imgradn n Wikipidya taẓ i tin Briṭanika. Tasɣunt n Mkazin ula nttat tnna masd tasrtit n Wikipidya da tajjan kraygat yan ad gis yara mayad ad isɣlin atig n Wikipidya aylliɣ tga xkad lli tga ɣilad tuf akk tasanayin yaḍni lli ganin s iqariḍn

Amzruy

Ibda usnfar ad n Wikipidya s Wikipidya tanglizt ɣ 15 yanayr n usggwas n 2001, tḍfart Wikipidya tafransist. Dɣya sliɣd daɣ baynt tutlayin yaḍni ɣ ammas n usit ad. Tlkmd Wikipidya tanglizt s mlyun imgradn ɣ 1 mars 2006. Ɣ 20 cutanbir tlkmd wikipidya s mlyun imgradn ɣ uggar n 100 n tutlayin. d ar bdda tɣumu Wikipidya tanglizt talli akk izwarn ɣ lɛadad n imgradn s 2 id mlyun ɣakudann gis 700 id walf n imgradn s 190 n tutlayin, gisn wid mẓẓiyn, ilin gisn ula wid mqqurn.

Ɣ iyyirn zwarnin n usggwas n 2006. Wikipidya gis 174 n nnusax nna ɣ llant uggar 100 imgradn. 51 gisnt uggar n 10 id waln n imgradn, d sa d mraw gisnt uggar n 50 id walf n imgradn. Ama tutlayin mqqurnin zund Wikipidya tanglizt, tanfransist, talmanit, tapulunit, tajappunit, tahulandit, tabrtqqizt, taswidit, taṣbnyulit, tarusit d tafilnanditgisnt uggar n 100 id walf n imgradn kraygat yat gisnt.

Ama iɣ nra ad nsawl f tutlayin timaziɣin, tbda Wikipidya taqbaylit ɣ 14 abril n usggwas n 2007[5]. Ɣ 12 mars 2015 gis 2387 n imgradn d 4939 n willi gis itxdamn nɣ xdmn yad gis waxxa ɣir yat twal. Ama tutlayin timaziɣin yaḍna llan ka sul ɣ Inkubatur.

Wikipidya ikka-tt-inn iga yan usnfar n tgrumsna yaḍn qqarn as Nupidya

Nupidya

Ɣ umzwaru, Wikipidya iga ansmad i usnfar Nupidya. Wad iggʷran iga yan usnfar n tgrumsna igan fabur ɣ ifili illan s tnglizit, imgradn nns da tn ttaran imuzayn. Nupidya ittusnflul ɣ 9 maṛṣ 2000 ddu tilit n Bumis, yan waggur wantirnit.

Tiɣbula

  1. Wikipedia Makes A House Call To Mac" - Mark McNeil
  2. Can thousands of Wikipedians be wrong? How an attempt to build an online encyclopedia touched off history’s biggest experiment in collaborative knowledge - MARSHALL POE
  3. Comscore Media Metrix Ranks Top 50 U.S. Web Properties for August 2012 - RESTON, VA, Cuntanbir 12, 2012
  4. Wikipedia has a ton of money. So why is it begging you to donate yours? - Caitlin Dewey
  5. Zɣ ɣaylli ittyuran ɣ tasna n Inkubator nns Wp/kab