Wp/shi/Tiwisi:Taɣarast n tirra
Tattuyskar tasna ad bac ad gis nrar f isqsitn lli bahra illan dar middn lli bḥra d ikcmn s Wikipidya Ɣ tirra n warratn n wikibidya, tlla yat tɣarast yuf i yan ad tt iḍfur.
Mrara awal f imukrisn zdinin d tirra n warratn ɣ tasna n umsawal.
Asuds n warra[edit | edit source]
Tazwart (introduction, leading section)[edit | edit source]
Tazwart n kra n warra ɣ wikibidya iga tt aḍris akk° gis izwarn. ar akk° sis addan warratn n wikibidya. tga yan wanaw n iḍrisn ilan bahra atig ɣ ammas n warratn, wala ɣ tnsiklubidiyt s umata.
Ixssa tt ad tettyara s yat tutlayt irxan, uggar n ɣaylli tt iḍfarn, fad ad trxu f ku yan, slawantt walli ur issinn i umawal iẓlin n tmaziɣt, d ur igi amussn ɣ sujet.
Tazwart tga daɣ azgzl, ur ixssa ad yili kra ɣ ug°ns n warra bla yad ittyawbdar s uzgzl ɣ tzwart. d ixssa aylli d iwint tg°zmin n ug°ns n warra ad ittyawbdar s unck lli gis lant. ad bahra ur tadd tzwart f kra n Tɣawsa ur bahra ilin atig ɣ sujet ; ad ur ig uzgn n tzwart f kra n tgzzumt ur yumiẓn 1/4 (afkuẓ) n ugnsu, s umdya. tazwart tga talmrit n ugnsu. tga yat tunɣilt mẓẓin n warra ; mini–arra.
Tazwart iqqan tt id ad tbidd s yiɣf nns, ad tg tawṭunumt ; ad ur iḥtujju imɣri kra yaḍnin fad ad tt irms (ifhm), ad as tfk yat tussna tamzwarut ifawn f sujet. aylli d iɣaman ɣ warra ar hlli ittkmmal, ifk uggar n isisfiwn f ɣaylli d tiwi tzwart.
Iqqan d tazwart ad tsmagi sujet n warra (ad tml mad iga), ad t tssusn (ad t issn imɣri).
Tazwart iqqan tt id ad tsbayn atig n sujet. maɣ alliɣ yuklal ad fllas nara ɣ wikibidya. iɣ t ur ili, ur yuklal tasna ɣ wikibdya.
Azwul n warra ixssa t ad d ibayn ɣ twinst izwarn n tzwart, d ad ittyara s tirra zurnin yat tklit ka.
Ɣ tzwart, iga labudd ad ittyawbdar usatl n sujet. asatl gan t wumlan lli ttawsnin i imɣri ad irms aylli ittyaran ; ar izddi tiswingmin n uḍris d ɣaylli yad issn.[1] ɣayad ar aɣ ittawi s twngimt n ulink asatlan...
Tigzmiwin (sections)[edit | edit source]
Iɣ nn ilkm warra yat tɣzi, illa fllak/m ad t tbḍut f tgzmiwin.
Iɣ bahra ɣzzifnt tgzmiwin nɣ bahra gzzulnt, ɣikad ur ar ittaws i imɣri ad as tzri tɣri s mad ifsusn. d ur ar t ittajja ad iẓr ɣiklli s ibḍa uḍris, ad yakz tuṣkayt nns. aylli t ur ittajjan ad t yamẓ mklli s ixssa.
Igṭṭumn gzzulnin, nɣ d tawinst illan s waḍu nns, ur ḥtajjan tigzmi sisn iẓlin. smun tn d kra n tgzmi yaḍnin, nɣ tn tgit ɣ tzwart.
//sawl f igṭṭumn d manik ttggan... Amara-Amaziɣ (talk) 18:53, 9 February 2019 (UTC)
Tutlayt[edit | edit source]
Tutlayt n wikibidya ad tga tt tamaziɣt–taclḥiyt.
Tabusṭruft[edit | edit source]
Tirra zurnin d tid k°nanin[edit | edit source]
Asnqḍ[edit | edit source]
Tlla bdda yat tiriwt ḍarat ula mnid n tmatarin n usnqḍ, abla tanqqiḍt (.) d tiskrt (,) nna izddin d taguri tnt izwarn, tili yat tiriwt mnid nnsnt. taskiwin (()) ula nttnti ar zddint d tirra lli umint.
Yuf ad nssmrs tamatart ad "–" da mi ttinin demi-tiret, en dash ; ad sis nzddi tiguriwin ɣ tirra s tfinaɣ. tucka d uggar d iskkiln n tfinaɣ. tuf "-" lli bahra ittusmrasn ɣ tirra s ulatin. ɣayad, ar d tili kra n tsiskilt ɣ iɣzzif tridinyu (trait d'union, hyphen).
Iɣ ik°na aylli ittyaran ag°ns n taskiwin, ar dids knnunt tid gg°ranin.
Taskarin ad a's nenna ad t nssmras (" "). nttnti ad ssmrasn ɣ tnglizt.
Assmrs[edit | edit source]
Tanqqiḍt[edit | edit source]
Tiskrt[edit | edit source]
Amawal[edit | edit source]
Yaḍnin[edit | edit source]
- Tirra ittmunan d twlafin iɣ tga tawinst ar tggru s tnqqiḍt. iɣ d uhu, ar ttɣumu ɣikann ; ur ar tggru s yat. zund ɣ twlaft izwarn n warra n tfinaɣ : "yan ugzay s tfinaɣ n zikk tama n tnzulin, gr tzagurt d ugdz".
- Amcacka ngr warratn n wikibidya
Aylli iẓlin s tmzdalt n wikimidya[edit | edit source]
Lliɣ sul illa wikibidya s tclḥiyt ɣ tmzdalt n wikimidya, llant kra n tɣawsiwin ixssa ad ttyaskarnt iɣ bḥra nura kra n warra.
ad ur thulm iɣfawn nnun ad tzdim tasna d tutlayin akk°. gat nn ɣar yat ; tanglizt ad bahra ittilin. irubutn rad rnun tutlayin ann yaḍnin.
[[en:]] [[Category:Wp/shi]] [[Category:Wp/shi/]]