Wp/shi/Tislit n unẓaṛ

From Wikimedia Incubator
< Wp‎ | shiWp > shi > Tislit n unẓaṛ
Achtung.png
Hann !!! Amgrad ad ixcn ur gis iffuɣ umya !
llant ukan sul gis tguriwin tuṛḍilin zzeɣ kra n tutlayt yaḍnin d/nɣ ur ittyara s tclḥiyt, tḍfurt nit sul twwuri iggutn. ɣrat aslgn n Wikipidya taclḥiyt bac ad trmsm uggar.
Mad igan afssay? iqqan d ad igiddi, ttyukksent zgis tguriwin turḍilin, d ad ttyusbadlnt s tguriwin timaziɣin


Tislit n unẓaṛ ⵜⵉⵙⵍⵉⵜ ⵏ ⵓⵏⵥⴰⵕ

Tislit n unẓaṛ, manik as a tsmuttug tislit n unẓaṛ d mad igan tantla n ikʷlan nns ?

Asfru amassan n tislit n unẓaṛ .. Mad zwar igan taslit n unẓaṛ ??

Taslit n unẓaṛ tga Tumant tafiziqt tagamant, ar temsar ɣ yan waddad att igan d tiṛẓi n uznẓar n tfukt, d ar ittusiksl s ugguz n unẓaṛ, s tɣarast yaḍni tumant ad ar ttili iɣ munn tiɣawsiwin ad s snat, d llan-t kra n tikkal ar ttili tislit n unẓaṛ iɣ a yeṭṭaṛ unẓaṛ macc idrus, amma ma bahra ittilin: ar iṭṭaṛ unẓaṛ ar kiɣ iqqaḍa s arkiɣ gis yut uznẓaṛ n tfukt ilmma ar ssntint tusdidin n lfujuj s umuɣli yann.

Manik as a ttumsar tislit n unẓaṛ: Ɣiklli is nenna ar ttili tislit n unẓaṛ iɣ iḍṛ unẓaṛ + tiyti n uznẓaṛ n tafukt iɣ yut g temqqa n unẓar id iṭṭaṛn, ilmma ar ittili yan wanaw n usmssi g tiɣmrt 42 macc iɣ nra a sul nxzr ar nttafa mas-d tafukt iɣ iqqaḍa wenẓaṛ ar ttluḥ aznẓaṛ nns f kra n tasgiwin ɣ wakal s yan unuɣ iẓlin d uznẓaṛ ann gis afḍan n ikʷlan, ar tn izzwar uzggʷaɣ ɛad ad ttenunnutn ikʷlan ann wiyyaḍ imikk s imikk, amzwaru ittḍfuṛn azggʷaɣ igat alitcini s uwraɣ d uẓṛwal d uzgzaw ilmma ar ittnunnt yan uẓṛwal yaḍni ijhden, ilmma ar ttqqiḍi tifilt ad s ukʷlu amgẓay. Idɣarn ifulkin n wannay n tumant ad gan-tn illan d igarawn acku ɣinn aɣ a bahra ttnunnten ikʷlan n tislit n unẓaṛ. Awankn n Urupa ar gisn ttnunnt tislit n unẓaṛ g tasgiwin tigrsanin bdda s usuds, macc idrus bahra maɣ a ttenunnt g kra n iwankn zund Ssudan d Ṣṣumal.

Tiɣbula :