Wp/shi/Tarifit

Tarifit
Tamazirt :	Lmɣrib
Adɣar :	Rrif
Amḍan n imsawaln :	Gr 1.47 d 3 id mlyun
Tawja :	Tutlayin timaziɣin
Takat :	Tutlayin timaziɣin tiznatiyin
Agmmay n tirra :	Tifinaɣ - Alatin - Aɛrab
Isngal n tutlayt
ISO 639-3 :	rif
Glottolog :	tari1263
Takarḍa

Tga Tarifit awal amaziɣ nna s sawaln ayt rrif. ɣf usiḍn amrrukiy n 2004, uṭṭun n imssiwln n trifiyt ɣ umrruk iga t attayn n 1,270,000 umlyun, ilkm attayn n 1,5 umlyun ɣ umaḍal akkʷ. zɣ dar isugam yaḍnin, ittwasitg wuṭṭun n imssiwn nns s wattayn n 3 imlyunn.

Llan tuggt n imssiwln n trifiyt ɣ urubba nna s d uckan dffir n uzwag nnsn imqqurn zɣ wammas n isggʷasn n 1960. hulanḍa, abljik, d waliman, gan timizar nna ɣ bahra llan.

Waxxa ittwassn ism ad n "tarifiyt", ig yan yirm ubɣir (ilan abɣur), imaziɣn n rrif ar ttinin i wawal nnsn tamaziɣt.

Tiqbilin timslmaziɣin nna isawaln s trifiyt gan tnt: ibqquyn, ayt uryaɣl, ayt tmsaman, ayt tuzin, ayt ɛmmart, igznnayn, (metalsa, ibdarsn?), ayt sɛid, iqlɛiyn, tafrsit, ayt Oulichek(?), ayt buyḥyi, ikbdanen, ayt gmil.

Isnfiln Imsislitn

Ittwassn wawal arifiy s isnfiln nns imsislitn sis iẓlin. isnfiln ad imsislitn gan zɣ tɣawsiwin iskarn tanmart ɣ urmas dar imaziɣn ann yaḍn.

askkil	manik s ittwasusru	amdya
l	r	awal [awar]; aɣyul [aɣyur]; ul [ur]
k	c	nkk [ncc]; akal [acal]; mamk [mamc]
ll	ddj	illi [iddji]; taẓallit [taẓaddjit]
g	j	agllid [ajddjid]; agḍiḍ [ajḍiḍ]
g	y	agm [aym]
lt	tc	ultma [utcma]; taɣyult [taɣyutc]
r	aa	ur [waa]; tamɣart [tamɣaat]; tamurt [tamwaat]
sk	cc	isk [icc]; tiskrt [ticcrt]

Amata n walsiwn irifiyn, slawan akkʷ win tsggʷin tinammasin n rrif amslmaziɣ, gisn isnfiln ad imsislitn, mac ur kullu gis ttwaɛmmemn; ur llin dar walsiwn n ugmmuḍ n rrif (ikbdann, iznasn...) nna yaẓn uggar i tntaliwin ann yaḍn ɣ uswir amsisli.

Imgirrden gr Tarifit d tutlayin timaziɣin yaḍni:

• /l/ ar tgga /ř/, zund : aɣyul -> aɣyuř
• Ur aɣ tntaqn /r/ asmi illan qbel askkil: taddart -> taddaat.

Lemmer tlla tiɣra mbeɛd /r/ ar t ntntaq, zund : ar tnṭaqn /r/ n tamara.

• /ll/ ar itgga /ǧ/, Amedya : yelli -> yeǧi.
• /lt/ ar itgga /č/, Amedya : weltma -> wečma.
• S umata /k/ ar itgga /c/.
• Mnck n twal, ur aɣ tntaqn awṣil a-, zund : afus -> fus

Asekkil ɣ tmaziɣt n arrif	Awal ɣ tarifit	Awal ann ɣ tantalawin tiyaḍ	Anamek s taclḥit
Ř ř	uř	ul	ul
	aɣyuř	aɣyul	aɣyul
	awař	awal	awal
dj	azeǧif	ixf	agayyu/ixf
	yeǧa	yella	illa
	ajeǧid	agellid	agllid
Č č	wečma	weltma	ultma
	tacemřač	tamllalt	tumlilt
	taɣyuč	taɣyult	taɣyult

Isaɣuln

Ẓr ula Tarifit ɣ Wikipidya lli illan ɣ Wikimidya Incubator