Wp/shi/Taclḥit

From Wikimedia Incubator
< Wp‎ | shiWp > shi > Taclḥit
Jump to navigation Jump to search
Taclḥit - Tasusit
ⵜⴰⵛⵍⵃⵉⵜ

Tamazirt : Flag of Morocco.svg Lmɣrib
Adɣar : Iffus kullut n Lmɣrib
Amḍan n imsawaln : 8 ar 10 id mlyun
Ism n imsawaln : Iclḥiyn - Isusiyn
Tawja : Tutlayin timaziɣin
Takat : Tamaziɣt n Waṭlas
Agmmay n tirra : Tifinaɣ - Alatin - Aɛrab

Isngal n tutlayt
ISO 639-3 : shi
Glottolog : tach1250

Takarḍa
Tachelhit.png

Taclḥit nɣd Tasusit ( s tifinaɣ : ⵜⴰⵛⵍⵃⵉⵜ nɣd ⵜⴰⵙⵓⵙⵉⵜ ) tga yat tutlayt tamaziɣt illan ɣ tamazirt n lmɣrib, middn li sis isawaln gan Iclḥiyn. nttat ay-gan tutlayt tamaziɣt tamzwarut ɣ wuṭṭun n imssiwln d tiriwt n udɣar arakal nna tumẓ, llan uggar n 9 id mlyun ar sis sawaln. [1]

Tettuysawal Tclḥiyt ɣ Sus, Iḥaḥan, Lḥuz n Mrrakc d kra n tsgg°in yaḍnin asn d iwalan. Tumẓ tutlayt taclḥit zɣ Taṣṣurt ɣ ugafa ar Aglmim ɣ unẓul ar Warzazat ɣ ugmuḍ. Mac ar tin ntafa tlla ula ɣ timdinin mqqurnin n lmɣrib zund Tigmmi Tumlilt ( Kaza ), d Rṛbaṭ d Sla.

Tkattin taclḥit ar tt taran s uskkil aɛrab nɣd alatini, ilin tugt n arratn s tclḥit s uskkil aɛrab. Ɣ isgg°asn ad gg°ranin isfɣ usinag agldan n tussna tamaziɣt anaw amaynu n tifinaɣ ar as tinin Neo-Tifinaɣ ntat ɣila as tt taran willi as ssnin. Mac askkil alatini nttan ad akk iggutn slawan ɣ lWeb.

Taclḥit kcmn tt iwaliwn n taɛrabt mac nttat ay-gan tutlayt tamaziɣt nna idrus is as kcmt iwaliwn iɛrabn, urd zund taqbaylit d tarifit d tutlayin timaziɣin yaḍnin ..., nẓḍar ad nini mas d nttat ay-gan tutlayt tamaziɣt nna akk° iṭṭafn uṭṭun imqqurn n iwaliwn iẓuran ɣ tmaziɣt, zund amdya d izwiln nna illan sul ɣ wawal aclḥi ar ɣassa. Ɣayn ad yujjan tutlayin timaziɣin yaḍnin atn usin zɣ taclḥit afad ad tn skcmn s wawal nsn.

Tirra[edit | edit source]

Adlis n Muḥmmad Awzal s Tclḥit s uskkil aɛrab

Zund tutlayin yadni n imaziɣn, Taclḥiyt tyura smnaw igmayn, mac gan igmayn imaziɣiyn ilatiniyn willi bahra styura. Ama igmmayn iramaniyn, li sa tyura taɛrabt d ntat. Trrayad art nt nttafa bahra ɣ tmzgadiwin tiqqbura dar willi ɣranin ɣ skayl timuslimin. Ɣilad lan midn li ar taran s igmmayn n tifinaɣ.

Iskkiln n Tifinaɣ[edit | edit source]

Uran imzwura tamaziɣt s iskkiln n tfinaɣ d iskkiln n tarabt d iskkiln n tlatinit maca ɣ usgg°as n 2003 iskcm usinag agldan n tussna tamaziɣt tifinaɣ ɣ uslmad n tmaziɣt; tdwl tifinaɣ niɣ tifinaɣ tunṣibt ɣ umrruk.

Iskkiln Talatinit[edit | edit source]

Tirra yad a bahra iggutn ar tnt ntafa ɣ lweb d sitat n iclḥiyn n brra.

Iskkiln Taɛrabt[edit | edit source]

Uran imḥḍarn n timzgadiwin n iffus n tmazirt n umrruk s tirra n taɛrabt ulla s igmmayn n tlatint, illin idllisn d arratn s iskkiln ad .

Awal Abṛani[edit | edit source]

Afrux isawaln s taclḥit.

Kra n tguriwin nna d kan tutlayt taɛrabt d kra n tguriwin nna mrwasn ɣ tclḥit d tutlayt taɛibrit d tutlayt talatinit d tutlayt taṣbnyulit :

Taclḥit Taɛrabt Taclḥit Taɛibrit Taclḥit Talatinit Taclḥit Taṣbnyulit
afrran frran فران agadir gadir גָּדֵר afullus bullus Pullus acaqqur sixur Segur
aḥddad ḥddad حداد aẓalim bslim בצלים asnus asinus Asinus lficṭa fyista Fiesta
axmmas xmmas خماس aɣanim qanim קנים alili lilyum Lilium sskwila skwila Escuela
agzzar jazzar جزار lmd lmud ללמוד taɣawsa kusa Causa cmrir sumbriru Sombrero
acṭṭab cṭṭab شطاب abaw faba Faba acnti sintinu Centeno

Kran izwiln nna mrwasn d tutlayin simitik :

Taclḥit Tigrinya Tafiniqit Taɛrabt
5 smmus ḥammuṣ- ḥammuš- ḥmṣ ḥmš xams- xams-
6 sḍis ṣidiṣ- šɨdɨš- ṣṣ šš sitt- sitt-
7 sa ṣubɛat šobʕat- ṣbɛšbʕ sabɛ- sabʕ-
8 tam ṣummun- šommon- ṣmn šmn taman- θamān-
9 tẓa tiṣɛat- tɨšʕat- tṣɛ tšʕ tisɛ- tisʕ-

Addag n tutlayt[edit | edit source]

──o Tafrusyawit 
  ├─o Proto-Tamaziɣt 1 (-7000)
    └─o Proto-Tamaziɣt 2 (-200)
      ├─o Tamaziɣt n umalu
        └──o Tamaziɣt n waṭlas
           └──o Taclḥit

Imawaln[edit | edit source]

Isaɣuln[edit | edit source]

  1. https://books.google.fr/books?id=6hBNR9qRk9sC&pg=PA250&lpg=PA250&dq=9+million+shilha+people&source=bl&ots=F-PifbtnnM&sig=ACfU3U2-DnUjcv6yyNpyI7m1nKS294lqSw&hl=fr&sa=X&ved=2ahUKEwizvZDBv9fjAhUSnhQKHX-aDgE4FBDoATAJegQICBAB#v=onepage&q=9%20million%20shilha%20people&f=false



Tutlayin timaziɣin

Muritanya : Znaga - Lmɣrib : TaclḥitTamaziɣtTarifitSnhaja n SrairFigigTaɣumarit - Dzayr : TaqbaylitTacawitTumẓabtTaggargrntTacnwitQsur n WahranTaznatit n Gurara - Tuns : TasnditMatmataTajrbitTamaẓrtDwirt - Libya : TanfusitZwaraƔadamsƔatTasuknitAl FogahaAugila - Misra : Tasiwit - Tiniri  : TamahaqTayart - Tigzirin Tiknariyin :  Tagwancit