Wp/shi/Sla

From Wikimedia Incubator
< Wp‎ | shiWp > shi > Sla
Globe icon.svg Sla
Flag of Morocco.svg Lmɣrib
Monuments de Salé.png
Drapeau Salé.png
Tamssugurt
TamazirtLmɣrib
TasgaTasga n Rrbaṭ-Sla-Lqnḍrt
TamnaḍtSalé
Grande villeSla
Ism aqbur ‫سلا‬
ⵙⵍⴰ
Inigl asaway 11000
Tarakalt
 34°03′00″N 6°49′00″W / 34.05°N 6.81667°W / 34.05; -6.81667
Tattuyt 116 m
Taraɣrft
Imzdaɣ 850 403 n imzdaɣ (2014)
Isallen yaḍn
Akud adigan heure normale d'Europe centrale
villedesale.ma…

Tga Sla yat tiɣrmt illan ɣ tsga n Rrbaṭ-Sla-Lqnḍrt ɣ utaram n tmazirt n Lmɣrib.

Amzruy

Tyawssnta tamdint n Sla f ufus n Bani Yafrn ɣ tasut tiss mrawt, tḍṛ ɣ ifassn i imṛabtin asggʷas n 1028. Tssɣ bahra tmsussu ɣ uzmz n Imwaḥḥidin (tasut tiss 11) d Imarinyyin (tasut tiss 14), s umntil n wansa lli ɣ tlla d uslallu nns lli igan yan wammas n tsbbabt gr Lmɣrib d Uṛubba.

Ɣ tasut tiss 17, slawan lliɣ d kcmn imuslmn d udayn da rwlnin ɣ Wandalus, tẓwr tmdint tazaykut aylliɣ akkʷ tlla tɣnnant gr as d Ṛṛbaṭ lli mu ism Sla tamaynut. Ɣ tasut tiss 19 d isggʷasn n usdurri tbdd tmajilt nns ɣ usays n tsbbabt, turri tg yan ubaraz n tussna d umsnkar amnid n usdurri.

Ɣmklli tga Sla tazaykut tissi n tussna taɛṛabt ula tandalusit, tga daɣ tissi n n tugtt n tawjiwin issugn ittyawssann, d imassann imqqrann, d imnkarn inamurn. Mayad akkʷ iga anagan f umzruy axatar n tmazirt n Sla.

Asnmkta

Ar ittini usiḍn lli ittyuskar ɣ usggʷas n 2014 mas[1]:

Aslmd

  • Tigmiḍi n taqubbanit (middn lli ur ssin ad aqran wala ad ttaran) : 21.7%
  • Tigmiḍi n imzdaɣ lli iɣran ar usinan n usmdi nɣd uggar : 16.0%

Tadamsa

  • Tigmiḍi n imzdaɣ lli llan ɣ isggasn nnsn n twuri : 50.8%
  • Tigmiḍi n tarwuri (middn lli ur ṭṭafn tawuri) : 19.2%
  • Tigmiḍi n imzdaɣ lli swurin dar lmxzn (nɣ kantin swurin gis) : 23.0%
  • Tigmiḍi n imzdaɣ lli swurin ɣ uslig (nɣ kantin swurin gis) : 45.3%

Iggura

Bab Lmrisa

Tga yat taggurt tamzrayt imqqurn ɣ Lmɣrib, ibna tt ugllid Abu Yusf Yaɛqub Bn Ɛabd Lḥaqq gr asggʷas n 658/1270 d 668/1280. Amsdag lli ibddn f usnti ad ism nns Muhmmad Bn Ɛli zzɣ tamdint n icbilya ɣ Wandalus. Tiskt n taggurt ad trwas tasila n wayyis iṛẓan, anuṛẓm nns gis 9 mitru, taqiccit nns tattuy f wakal s 9,60 mitru.

Bab Sbta

Tlla ɣ iẓlmḍ n tagut n ugadir. Tettyawssan s lbrj yattuyn lli gis illan. Lbrj ad iga yadlli asɣim n unssixf Ɛbdlḥaqq Finnic (1738-1757). Taggurt ad iqqan d ad gis izri wanna iran amnid n tamdint n Sbta.

Bab Buḥaja

Taggurt ad mqqurn ttyawxla ɣ isggʷasn n 1960. Assaɣ nns ittyasy d ɣ ism n ugʷrram Sidi Bṛahim Buḥaja Arrundi ɣ Wandalus.

Bab Ḍaṛ Ṣṣinaɛa

Ittyawssan s wassaɣ n Bab Ɛntr d Bab Lfṛṛn, d usakʷn n sslaḥ gis illan. Ibna t ugllid Abu Yusuf Yaɛqub Bn Ɛbdlḥaqq Lmarini ɣ 1261.

Bab Cɛfa

Taggurt ad ttyawssan s tmsdagt nns iẓiln, tattuy s smmus id mitru.

Ismḍal n igʷrramn

Ttyawssan Sla s tugtt n tɣmrin d wammasn n igʷrramn d imṛabṭin, zun d asmḍl n ugʷrram Sidi Ɛbdllah Bn Ḥssun lli d kttin mddn ɣ unmuggar n ukabaṛ n tsafutin. D ugʷrram Sidi Aḥmad Bn Ɛacir lli ittyawssann s usujji n imuḍan. Tiɣmrin d tsmḍal ad munnt bahra ɣ kṛaḍ wammasn : Ṭṭalɛa d znata d lblida. Ɣ uzmz n Imariniyyin ktrnt bahra tɣmrin ad slawann akkʷ lliɣ ibna Abu Alḥasan tinml tamariniyt asggʷas n 1340, ula atig lli ifka i tmzgid n Almasjid Alaɛḍam, ar t inn ttɣawaln imassann d inbḍitn zzɣ kaygann tisggiwin.

Ɣmkann ula ɣ Bab Ḥsayn, lliɣ ggutn t tsmḍal n igʷrramn lliɣ akkʷ ibna tinml lli d yurrin tg asgnaf/maristan. Ṭṭlɛa d nttat ggutn gis imṛabṭin d igʷrramn, zun d : Sidi Muḥmmad Mfḍḍl 1071, d Sidi Aḥmad Ṭṭalb 1072, d Sidi Aḥmad Ḥjji 1103, d iwis Ɛbdllah Ljazzar 1122, d Lḥsn Lɛaydi 1131. Ilin wiyyaḍ ɣ bṛṛa n ugadir n Sla, zun d tasmḍlt n Sidi Bllɛbbas 540 / 1145, d Abu Musa Addukkali lli immutn asggʷas n 550. Ɣ tazwarit n tasut tis19 tugt n tɣarasin n uṣuwwf ssfrurnt ɣ Sla zun d zzawiya tthamiya ɣ uzmz n Sidi Muḥammad Bn Ɛabdllah, d zawiya Ddrqawiya, d zzawiya Alkttaniya lli ibna Sidi Muḥammad Bn Ɛbdlkbir Lkttani asggʷas n 1902.

Tiɣbula

  1. RGPH 2014 - Site HCP
Nuvola Moroccan flag.svg
Amgrad ad izdin d Lmɣrib iga amud, imẓẓiy ka sul. Aws Wikipidya s usnfl nns d simɣur t.