Wp/shi/Muriṭanya

From Wikimedia Incubator
< Wp‎ | shiWp > shi > Muriṭanya
Disambig colour.svg Iɣ ur igi ɣwad amgrad nna tsiggilt, kcm s tasna n Muritanya bac ad tẓrt akk imgradn nna dar illa yism zund ɣwa !

Takarḍa n tagldir n Muriṭanya.

Muritanya nḥd Murusya tga yism n yat tgldit tamaziɣt tkka-tt-inn ḥ mad izrin ḥ ugafa utrim n udɣar nna mu nttini ɣilad ism n Tamazɣa. Tuckad zɣ talatint Mauretania nḥd Mauritania. Dar igrikiyn iqburn tkka-tt-inn tga s yism Murusya, Maurusia - Μαυρουσῐ́ᾱ.[1] Igr arakal lli s tinn tkka tɣʷit ɣ-akud-ann tgldit ad ar itbddal zɣ tasut s ṭayya. Ḥ uzmz n ugllid Bukus wis-sin[2] tkka-tt-inn tgldit ad tɣʷi akal zɣ agaraw anaṭlas ar ugmuḍ n Dzayr. Ttussan ɣ-akud-ann imuriṭanyn dar irumiyn d igrikiyn s yism n Imuriyn (s tanglizt: Mauri).[3]

Gr Tamawt: Tirra n Muriṭanya s uskkil n "ṭ" ad is naḥyan tagldit tamaziɣt ad af nsawal ɣilad d tmazirt n Muritanya lli illan ḥ iffus n Lmɣrib. Mqqar ṭṭafn s sin-itsn ismawn mrwasnin ur illi gratsn ḥtta yat tazdayt, acku mqqar iwtta n tgldit ad taqburt ur bahra baynn ḥ iffus, micc ur jju lkmn iffus n idrarn n Waṭlas d idɣarn lli ḥ tlla tamdint n Mrrakc ɣilad. Tmazirt n Muritanya n ɣila ɣar ifransawiyn ka d'as igan ism ann lliḥ tt stɛmrn, micc ḥ mad izrin tkka-tt-inn ttussan s yism n tmazirt n Cngiṭ.

Aẓur n yism

Ikka-d yism ad n Muriṭanya ism alatin lli d sxddmn irumiyn s usint z darsn igrikiyn iqburn, lli tn ikkan ar saghasn tasga n ugafa n Lmɣrib s Murusya (s tagrikt taqburt: Μαυρουσῐ́ᾱ), d imzdaɣ nns s Murusyus (s tagrikt taqburt: Μαυρούσιος) d ɣid ad ikka yism alatin n Muri (Mauri) lli gan i aɣrf n Imuriyn. Llan kraḍ turdawin igjdan imqqurn f aẓur n yismawn ad:

  • Aẓur agrik, zɣ Mawrus nḥ Mavrus (μαύρος) lli d ilan anamk n Asggan.[4]
  • Aẓur afiniqi, zɣ Muharim, lli d ilan anamk n Akal lli d illan ḥ utaram nḥ ḥ tmi n umaḍal.[5]
  • Aẓur amaziɣ, zɣ Amur nḥ Tamurt, lli ilan anamk n Tamazirt.[6]

Tiɣbula

Commons-logo.svg
Tẓḍart ad tẓṛt uggar f Wp/shi/Muriṭanya ɣ usnfar n Commons.
  1. The Geography of Strabo- The Geography of Strabo. Ittuyẓra ass n 27 Jwiyyi 2020.
  2. Phillip C. Naylor (7 May 2015) - Historical Dictionary of Algeria. Rowman & Littlefield Publishers. p. 376. 978-0-8108-7919-5
  3. "Region, North Africa"- Encyclopedia Britannica. August 9, 2007
  4. George Leighton Ditson. The Crescent and French Crusaders (s tanglizt). p. 122
  5. Gabriyil Kamp (2007). Les Berbères (s tanfransist). Babel
  6. Amawal n wantirnit- Asinag Agldan n Tussna Tamaziɣt.