Wp/shi/Inzggan

From Wikimedia Incubator
< Wp‎ | shiWp > shi > Inzggan
Globe icon.svg Inzggan
Flag of Morocco.svg Lmɣrib
Inezgane Transport Centre.jpg
Tamssugurt
TamazirtLmɣrib
TasgaTasga n Sus-Massa
TamnaḍtTamnbaḍt n Inzggan-Ayt Mllul
TagrawtInezggan
Ism anṣli انزكان
Inezgane
Ism aqbur ‫إنزكان‬
ⵉⵏⴻⵣⴳⴰⵏ
Tarakalt
 30°21′57″N 9°32′17″W / 30.3658°N 9.5381°W / 30.3658; -9.5381
Tattuyt 25 m
Taraɣrft
Imzdaɣ 130 333 n imzdaɣ (2014)
Tawjiwin 29 723

Inzggan tga yat tiɣrmt illan gr Ugadir d Ayt Mllul, tg tamaẓunt n tmnbaḍt Inzggan–Ayt Mllul nna illan ɣ tmnaḍt tamssugurt n tsga n Sus–Massa, skrn t iɣwwaɣn n Fransa tizi lliɣ d ɣuɣn s tmazirt. Stin t ɣ yat twrirt mẓẓiyn ikkan f iḍuṛan lli yas issutln afad ad tg accbaṛ n tiḍaf f imzdaɣn n waksimn d imsgginn. Imik ittiskar gis ubiru n lqqayd, ssuq n ttlaṭa, tiḥuna, s tgʷmma aylliɣ akk tkka f iḍuṛan lli aɣ adlli zdɣn middn zund Tarrast, Lmẓaṛ, Takaḍ, Timṛṣit ...

Inzggan ur adlli ttiyskar afad ad tg tamdint mqqurn. Ar d ttagur zund kran tgzirt iɣ d fllas ingi wasif n Sus issutl as. Mrad is ur tattuy ur rad sar tg tamdint. Ɣassad tga tamdint, mqqar tmẓẓiy tugr tt taqqurt nns. Wanna rad isɣ urɣ, nnqqrt, timlsa ɣ Ugadir, ur ikki man i Inzggan.[1]

Tga Inzggan yat tammast n wassay bahra imqqurn. Ar gis ittmniggir uɣaras anamur amzwaru wiss 8 d wiss 10.

Azal nɣ atig

Inzggan iga anmuggar n tsbbabt nna akk imqquren ɣ tsga n Sus–Massa. Yan zɣ inmuggarn lli bahra ittwattasen midden bac ad sɣin kraygat taɣawsa. Illa gis wunuz s tbḍit ula s ugudi. Zdɣn gis uggar n 112 753 n imzdaɣn ɣ usiḍn usgg°as 2004. Iga wass n usinas ass imqquren ɣ ugadaz. Mac amussu n tsbbabt illa ku yass ɣ Inzggan zɣ uzal ar diyiḍ.

Asnmkta

Ar ittini usiḍn lli ittyuskar ɣ usggʷas n 2014 mas[2]:

Aslmd

  • Tigmiḍi n taqubbanit (middn lli ur ssin ad aqran wala ad ttaran) : 26,1%
  • Tigmiḍi n imzdaɣ lli iɣran ar usinan n usmdi nɣd uggar : 16,5%

Tadamsa

  • Tigmiḍi n imzdaɣ lli llan ɣ isggasn nnsn n twuri : 49,5%
  • Tigmiḍi n tarwuri (middn lli ur ṭṭafn tawuri) : 16,2%
  • Tigmiḍi n imzdaɣ lli swurin dar lmxzn (nɣ kantin swurin gis) : 8%
  • Tigmiḍi n imzdaɣ lli swurin ɣ uslig (nɣ kantin swurin gis) : 48%

Tasɣnzit

Inmuggarn lli gis illan :

  • Anmuggar n ṭṭlata (ku imalass)
  • Anmuggar n lxʷḍrt (ku yass)
  • Ssuq mẓẓin (ku yass)

Akal

Gan Waksimn taqbilt illan ɣ wakal n inzggan. Nttni ad tt-nn ikkan ar skarn ssuq n ṭṭlata kraygat imalass ɣ Inzggan.

Udmawn

Iɣbula

  1. Tamɣra n uccann - Yura tt Brahim Lɛsri [Sfld adlis]
  2. RGPH 2014 - Site HCP

Ɣayli sis izdin

Nuvola Moroccan flag.svg
Amgrad ad izdin d Lmɣrib iga amud, imẓẓiy ka sul. Aws Wikipidya s usnfl nns d simɣur t.