Wp/shi/Iman n Saɣru

From Wikimedia Incubator
< Wp‎ | shiWp > shi > Iman n Saɣru
Jump to navigation Jump to search
Saɣru_Band (Iman n Saɣru)
Assaɣ n talalit Iman n Saɣru
Assaɣn yaḍnin Tarabut n Saɣru_band
Talalit - - 2006 ɣ Amaɣa ɣ Amṛṛuk Amṛṛuk
Tutlayt n umarg Tamaziɣt
Amussu Amussu n Tawsna Tamaziɣt
Anaw Amun Stily
Asmmad'
  • Iman n Saɣru Tga yat ɣ tirubba n uzawan Amaziɣ lli skrn aytmatn M'bark d Xalid Ulεrbi tsmun inaẓurn M'bark Ulεrbi, Xalid Uarbi, Amar, Fuwè, Σli
Istayn n umarg'
  • 1. M'uha (2007)
  • 2. Tilelli (2008)
  • 3. Awes i tala (2009)
  • 4. No Borderline (2010)

Iman n Saɣru niɣ Saɣru Band tga yat ɣ tirubba na isawaln ɣf tusna tamaziɣt n iffusagmuḍ (sudest) n Umṛṛuk. Iman n Saɣru skrnt aytmatn M'bark d Xalid Ulεrbi tsmun inaẓurn M'bark Ulεrbi, Xalid Uarbi, Amar, Fuwè, Σli .

Imdyazn[edit | edit source]

  • M’bark Ulεrbi niɣ Nba. Nba immut ass n 9 innayr 2011 ɣ tmazirt ns Mellεb, sbab n lmut ns tgat yat tmudint icqqan ur tgi ur tli isafaren.
  • Xalid Ulεrbi
  • Σmar Sggawi
  • Fuad Ulmahjoub
  • umar Essail
  • Σli Zahir
  • Umar Zanifi, lmanagir n trabbut.

Amarg n Saghru Band[edit | edit source]

  • M'uha (2007)
  • Tilelli (2008)
  • Awes i tala (2009)
  • No Borderline (2010)

Timdyazin n tasfift wis krad: Awes i tala[edit | edit source]

Ieγf n Uzger !

Ur nudir ula n-dder
Ur ngin ula n-kker
Ur neγri, ur n-semder
Ur γurneγ mayed n-ffer !
Nekkni nugi ad n-γer
Iγef inu amm win uzger
Ur nkriz mayed n-megger
Is tram ad n-g Lbeṛbeṛ ?
Ur nεeqqal yad i bučfer
Tin Baddu ula Bugafer
Tirrugza d mas tessfer
Ur nsul dat-t n-bedder
Tamara tegna-γ g iγmeṛ
Ur nεeẓẓi ad as nγer
Is tram ad n ttetter ?
G wakal g d nenker ?

Tabrat i Wbama.

Ubama nkk d ameẓyan
Yemmi εzizen tenna-yi
Mimmi wigan ka yafi.
Nekkni nuγal d-ameqṛan
Neγṛa nuli s ifadden
Awinit-t ayt idrimen
Sawleγ dat Lbeṛlaman
Uwin-i-d ayt iεekzan
Beddan γifi rad-i nγen.
Awyati-nn s Marikan
Ad idireγ amm imdanen
Ssufγati-nn g ixeṛṛiqen.
Ḥellu issergigin akal
Abujadi Aṛeḥḥal
Aydas-n yenna Εellal.
Ameγnas g ubniq iγemel
Tarwa nneγ mmuten s wetfel
Tidit n wi tdderγel.
Nger aγuyyi ar Agdal
Ad asin aqeṛyan ungal
Yaγi uya seg Listiqlal.
Negr-ak aεeban amellal
Asey γifi bu tḥellal
Hat sbiddiγ acenyal.
Ubama nkk d Amaziγ
S tmagit d yiles inw stiγ
Ran wi ad digsen fsiγ !.
Ad geγ Aεrab ur rtiγ
Uridd Lyaman agd ddiγ
Graγ cigan d asettiγ
Mimmi wanna-d ssegmiγ
Ad as geγ isem nna riγ
Meqqar-d s idammen γiγ
Ad ẓẓalleγ i wanna riγ
Ur ṛeẓẓaγ nkk ula kweniγ
Qqa-d qqimeγ d Amaziγ

Lalla Mimuna

G ubrid iǧan aγezzaf
G ubrid nǧa akabaṛ
Tawrirt ad-t naley zik
Ur neǧǧid i fad d laẓ
Tawant tella yaγ g wul
Ur neǧǧid i fad d laẓ
Mimuna lalla Mimuna !!
G uǧraw abadir nga-t
Diǧes asafar i kwu yan
Iqbilen urem-n akw ttečan
S uryaz ula tameṭṭut
S wunǧal ula amellal
S taymat nččar akw lxiṛ
Mimuna lalla Mimuna !!
Ntter i Mulana neγra-s
Gin aγ tisura xf uyeffas
Raren ul inw d afessas
Aferaḥ ufan aytmas
Maṛs iẓil ayaseggwas
Tizzwa xf uldjiǧ arras
Mimuna lalla Mimuna !!
Tayri tella yaγ ǧ wul
Tayri n wa-nn d ta-nn d wa-nn
Tudmawin ur akw ḥlint
Win-nek a Rebbi ayd nǧa
Nemyaγ ifassen ad neddu
Nemyiri akw afella
Mimuna lalla Mimuna !!

Abrid-inu !

Ageḍṛuṛ iney-i-id aqmu,
Issencef-i uẓru n leεlu,
Ur yad yaṭfut umalu,
Iγef inker ir'ad iddu.
Ggulliγ ttbeddaleγ ansa,
Ad nzel laṭer-inu i tmara;
Sbelyun neγ d Fransa,
Nekkin yad giγ ubeṛṛa.
Amalu, tga-yi tmara
Taγect asiγ tissufra
Ad nadaγ nekk anfara
Neγ d-zaydeγ tayeḍ tmara.
Ka nγan-t s rrṣaṣ d ssif,
Ka nγan-t waman bessif;
Tiεurrma yugin lḥif
Temmut g Laṭlas d rrif.
Umẓen-aγ ayt tmezyin
Reglen γifneγ tifelwin,
Ukern-aγ tiwargiwin,
Ur aγ-isul γas aẓey-inn.
Immut meskin g waman,
Immut tcan-t iselman;
Ur tekkul lḥhukuma,
Ur ibriy lberlaman.

Kker a mmis Umaziγ !

Kker a mmis Umaziγ !
Tafuyt nneγ tuli-d,
Cigan aya wer tt-ẓriγ,
Tawala nneγ a gma tetti-d,
Azzel in'as i Masinissa :
Tamazγa tuki-d ass-a,
Arraw-is mlalen dduklen,
G isenḍal n lejdud feṛḥen.
Kker a mmis Umaziγ !
Tafuyt nneγ tuli-d,
Cigan aya wer tt-ẓriγ,
Tawala nneγ a gma tetti-d,
In'as in'as i Yugerten
Arraw-is s annar ffγen,
Idammen-is hat at-tni raren
Isem-is at-t-id-sskeflen,
Kker a mmis Umaziγ !
Tafuyt nneγ tuli-d,
Cigan aya wer tt-ẓriγ,
Tawala nneγ a gma tetti-d,
Γiwel in'as i Takfarinas :
Tilelli, a-nemmet fellas,
Tamurt nneγ d tmust nneγ
Ayd igan tudert nneγ.
Kker a mmis Umaziγ !
Tafuyt nneγ tuli-d,
Cigan aya wer tt-ẓriγ,
Tawala nneγ a gma tetti-d,
S tutlayt nneγ a-nili,
asekk' ad yaf iḍelli,
Timmuzγa at-tegm at-ternu,
D itri dda s akw ntteddu.
Kker a mmis Umaziγ !
Tafuyt nneγ tuli-d,
Cigan aya wer tt-ẓriγ,
Tawala nneγ a gma tetti,

Inlkamn n brra[edit | edit source]