Wp/shi/Ibn Baṭuṭa

From Wikimedia Incubator
< Wp‎ | shiWp > shi > Ibn Baṭuṭa
Tawlaft n Ibn baṭuṭa

Ibn Baṭuṭa ( s Tamaziɣt : ⵉⵡⵉⵙ ⵏ ⴱⵟⵓⵟⴰ iwis n bṭuṭa nɣd ⵓ ⴱⴰⵟⵓⵟⴰ U Baṭuṭa, s Taɛrabt : ابن بطّوطة Ibn Baṭuṭa ) ism nns iɣzifn: Abu Ɛabd Allah Muḥammad Ibn Ɛabd Allah al-Lawati aṭ-Ṭanji Ibn Baṭṭuṭa. Iga argaz amaziɣ ilul ɣ 24 febrayer n usggas 1304 ɣ tmdint n Ṭanja d immut ɣ 1368 ( nɣd 1377 ) ɣ tmdint n Mṛṛakc.

Itawssan s umuddu ns d tmalayt ɣ tmizar n umaḍal lli ittuyssan ɣakudan. Ig Amsmuddu amzwaru lli issn umzruy n ufgan. Ar as tinin ula Amir rahala. Yut niɣt immudda s uḍar uggar n 120 000 km ɣ 29 n usggas. Adar ns yuwit zɣ Tumbuktu ar iffus n Bulɣar ( ɣil Rusiya, iggi n Volga ). D zɣ Ṭanja ( ism aqbur : Tin iggi ) ar Kanzhu ɣ tmazirt n Cinwa. Arratn ns ismuntn Ibn Juzayy al-Kalbi ɣ yan udllis lli mmu ism : Tuḥfat an-Nuẓẓar fī Ghara-ib al-Amṣar wa ƐAja-ib al-Asfar ( s tirra n Taɛrabt : تحفة النظار في غرائب الأمصار وعجائب الأسفار ).

Iẓuran nns

Ilul Ibn Baṭuṭa ɣ 24 febrayer n usggas 1304 ɣ tmdint n Ṭanja ɣ ammas n yat tawja tamuslmt igan zɣ tqbilt Lwata tamaziɣt.

Ɣ timẓi nns, iɣra Ibn Baṭuṭa lfiqh amaliki, lliɣ-d iskr 21 usggas ifta s lḥajj ɣ ammas n Makka ɣ tmazirt n Saɛudya.