Wp/shi/Faṭima Mrwan

From Wikimedia Incubator
< Wp‎ | shiWp > shi > Faṭima Mrwan
Simpleicons Interface user-outline.svg Faṭima Mrwan
Tameddurt
Talallit Ben Slimane, 1952 (68/69 n yisggwasn)
Taɣlent Lmɣrib
Tutlayt taymmat Tutlayin timaziɣin
Tiɣri
Alma mater université de Lyon
Tutlayin Tutlayin timaziɣin
Taɛrabt
Tawuri
Tawuri endocrinologue d asrtay
Imɛellmen université Hassan-II
Taflest
Ikabaren isertiyen Rassemblement national des indépendants

Faṭima MrwanFaḍma Mrwan (tlul ɣ 1952) tga yat taḍbibt, ixf n tamssntit d tamɣart n tsrtit tamɣribit. Zɣ 2002 ar 2005, tswads afrdis n tasnadrt d timuḍan imiṭabulikn n ṣṣbiṭaṛ CHU Bnu Rucd ɣ Tigmmi tumlilt.[1] Slawann akk ddu tanbaḍt n amawsas amzwaru Ɛabdlilah Bnkiran, zɣ uktubr 2013 ar abril 2017, tkka-tt-inn tga tamawsast n tiniḍi d tadamsa tanamunt s tagmamt nns ɣ Ugraw anamun i insimann.[2]

Tudrt nns

Tlul ɣ 1952 ɣ Bnsliman ɣ ugmuḍ n Tigmmi tumlilt, tɣra Faṭima Mrwan tasnijjit ɣ ammas n tasdawit n Lyun ɣ Fransa. Taɣul-d tga taslmadt d taminagt ɣ tazuni n tasnijjit d tasasfrt ɣ ammas n tasdawit n Tigmmi tumlilt. Tamẓlayt ɣ tasnadrt d taṛkẓi n tirmt, tswads tanafut n tasnadrt, n aṭṭan n sskkar d tirmt ɣ ṣṣbiṭaṛ Bnu Rucd n Tigmmi tumlilt. Tga Mrwan tagmamt ɣ ammas n tasqqimt tamɣribit n umlasay mgal tamaḍunt n sskkar.[3] Tlkm akk s yixf n Smedian (Tamssurt tamɣribit n tasnadrt, tɣuri n tamaḍunt n sskkar d tiram).[4] Taws Faṭima Mrwan ugraw amassan s kigan n tiwriqin d tasniwin imassann.[5]

Ɣ yigr n tsrtit, tga Faṭima Mrwan tagmamt ɣ ammas n Ugraw anamun i insimann, tdru ɣ uskar n iɣawasn n tdusi d usgmi. Zɣ wayyur n uktubr 2013 ar wayyur n abril 2017, tkka-tt-inn tga tamawsast n tiniḍi d tadamsa tanamunt.

Tga Faṭima Mrwan tagmamt ula ɣ usqqim n tamssugurt n tamsmunt n timdinin tistmatin Tigmmi tumlilt Cikagu. Da tsawal s kraṭṭ tutlayin ad tnt igan d taɛrabt, tafransist d tanglizt.[6] Tg daɣ tagmamt ɣ usqqim amassan n Destination Santé S.A.S, tkka-tt-inn ar tswurri ula ɣ California Cardiology Clinic illan ɣ Tigmmi tumlilt.

Faṭima Mrwan tahl d teṭṭaf sin warrawn.

Tiɣbula

  1. «Fatima Marouan» Bloomberg. Récupéré le 16 octobre 2018.
  2. "Mme Fatema Marouane: ministre de l'Artisanat, de l'Economie sociale et solidaire" MAP Express
  3. Biographie de Mme Fatema Marouane: ministre de l'Artisanat, de l'Economie sociale et solidaire [PDF] Royaume du Maroc.
  4. Faṭima_Mrwan- Bladi.net
  5. "Les contributions scientifiques de Fatima Marouan" Porte de la recherche
  6. Fouzar, Loubna (11 octobre 2013) Profil de Fatema Marouane, Ministre de l'Artisanat, de l'Economie Sociale et de la Solidarité Maroc World News