Wp/shi/Baba Ɛli

From Wikimedia Incubator
< Wp‎ | shiWp > shi > Baba Ɛli
Baba Ɛli
Tawlaft n usddi n Baba Ɛli

Azwl anṣli : Baba Ɛli
Asufɣ : Muṣṭafa Acawur
Asinaryu : Ḥmad n Tama
Ismdayn : Zahya Zahiri

Lḥusin Barḍwaz
Ɛabdllaṭif Ɛaṭif
Faṭima Susi
Nura Lwltiti

Tamssurt n ufars : Wardavision
Tamazirt : Flag of Morocco.svg Lmɣrib
Tutlayt : Taclḥit
Anaw : Asddi
Ufuɣ : 2021

Iga Baba Ɛli (s tifinaɣ: ⴱⴰⴱⴰ ⵄⵍⵉ,s taɛrabt: علي) yan usddi ar zzrayn tisddiyin nns ɣ tabadut tamaziɣt z tuddma n wayyur n uẓum n usggwas n 2021 kra igat ass dffir lfḍuṛ.[1] yura tt ssi Ḥmad Ntama d issufɣ-t-id ssi Muṣṭafa Acawur drun gis ɣaydd n inaẓurn mqqurnin zund Zahya Zahiri, Lḥusin Barḍwaz, Ɛabdllaṭif Ɛaṭif, Faṭima Susi, Nura Lwltiti d wiyyaḍ, d ittuyṣwaṛ ɣ ammas n yan uḍwaṛ ɣ Ijukak ɣ tsga n Lḥawz dar idrarn n Drn ɣ wul n tmazirt n Iclḥiyn.

Amurs

Iskr umuslsal ad yat taqqurt bahra imqqurn dar ugdud aclḥiy slawann akk ɣ ammas n ismaln n isnɣmsn inamunn, ɣayad ad-t-id yujjan ad ig asddi nɣd asays lli akk izwarn ɣ uṭṭun n imannayn n wayyur n ṛmḍan ad, yufa usddi y'ad n "Baba Ɛli" zɣ tisddiyin nns lli d izriyn ar ɣassa ad tsmnid afṛṛj ur irwas walli nmyar ɣ kigan d ifilmn ḍarat ɣwad slawann ɣ tɣarast n twuri nns wala ɣ iwrikn nns wala ɣ ṣṣinaryu lli d izzrayn imjṛitn nns.[2]

Azaɣan

Mqqar takubbrt nɣd asmurs n umuslsal ad dar ugdud, llan tugt n inaẓurn nna ur issusm mayad d ar ttinin mas yusi ɣ ammas nns kigan d izggaln d tɣawsiwin lli s ixṣṣa nkkni ka isusiyn ad ig zɣ lmfṛuḍ ad tn nzri ɣilad. Ar nttafa mas, zund laflam lli n vcd, ur illi awd kran usbuɣlu n uswingm dar bussinaryu n laflam ad n tclḥiyt zɣ ɣ-akud-ann ar ɣassa, da nẓṛṛa mas ur iẓḍaṛ amssufɣ n lfilm amaziɣ aclḥiy ad iffɣ zɣ tannayt ann n tamazirt d iɣyal d umɣar. Nnamaṭya y'ad ar tnqqa ufilm aclḥiy d ar bdda tḥṣar tamagit taclḥit ɣ tamazirt n taqrmamact d mayad ur igi f ṣṣaliḥ n ufilm aclḥiy sɣ ɣid lgddam. Ula taɣarast nna s sawaln imumtilin ɣ ammas n ufilm d lixraj ar isxcn lxir ad, da nttafa mas ur imkn ad izri kran lmachad bla ad tẓin ayt uḍwar d ingr-atsn sul s wawal ixcnn, d ar kullu tnuccugn tafgga nnsn d udm nndn iɣ ran ad sawln. Tamamkt ad n ttmtil ar tajja yat tawlaft ixcnn f ufgan aclḥiy acku kudnna nsfɣ kran lfilm iqqand ad najj ɣ ixfawn nnɣ masd lfilm rad iɣumu ula i tarwa nnɣ d warrawn nnɣ d mayad ar asn yakka yat twlaft izgglt f iqburn nnsn.

Ẓr ula

Tiɣbula

  1. ( ar ) Agadir24.info - مسلسل “بابا علي” أيقونة أمازيغية تحقق مشاهدات عالية على قناة تامزيغت
  2. ( ar ) Assabah.ma - “بابا علي” يتفوق في “تامزيغت”