Wp/shi/Ayt Sɣruccn

From Wikimedia Incubator
< Wp‎ | shiWp > shi > Ayt Sɣruccn
ayt sɣruccn; bulman

Ayt Sɣruccn tga yat taqbilt tamaziɣt taznatit izdɣn ɣ idurar n waṭlas anammas (fazaz) ɣ umrruk. Ils nna s sawaln ar as ttinin "tasɣruccnit", awal ad ikcm ɣ tantliwin n tutlayt tamaziɣt waṭlas anammas ɣ umrruk.

Amzruy

Traran Ayt Sɣruccn aẓur nnsn s umzwaru nnsn Mulay ɛli bnɛmr, zzigs ay d ikka yism n tqbilt ad, ar ttinin ɣ "lusṭura" mas is ikka t inn umzwaru nnsn ig agrram yan wass ttuɣ t iksa, lliɣ iqqim ar ittẓalla yudf as d wuccn ulli nns, yasi afus issɣar t. Aylliɣ as gan Sɣruccn zɛma "sɣr + uccn = sɣruccn"

Iɣsan d udɣar n uzdduɣ

ɛin lḥjr ayt sɣruccn, bulman

Tbḍa tqbilt n ayt sɣruccn f amẓn yan n udɣar imɣarn zɣ Fas ar Mlwyt tamatuyt.

  • Ayt sɣruccn ḥarira, llan ɣ ugmuḍ n tmdint n Fas ɣ ubrid s Fas, ɣ yiɣrman amm llwata, aɣbalu aqurar...
  • Ayt sɣruccn n imuzzar, llan unẓul (iffus) i Fas, iɣrman nnsn imqqurn gant Imuzzar n Knḍr, Ayt Ssbɛ, Sidi Xyyar...
  • Ayt sɣruccn n ticcukt, ḍfurn i tsga n Bulman, illa mad ittinin mas d nitni aygan aẓur n Ayt Sɣruccn, acku ar ttinin mas umi d yusa babatsn (mulay ɛli bnɛmr) iga u Fas issrs ɣ tmazirt ad, zɣ iɣrman nnsn ɣ tsga ad: Skkura mdaz, Bulman, Lmrs, Ayt ɛbdlla...
  • Ayt sɣruccn n tlssint: imsasa wattayn n imrza is iga iɣrm n ɣzwan illan idis i tlssint ɣ ugmuḍ n umrruk (tasga n ifyyey (figig)) asnsu amzwaru n imzwura n Ayt Sɣruccn s umata, ar ɣila suln rzzfn dars ayt sɣruccn s akk tisggwin.

Isaɣuln