Wp/shi/Ayt Bn Ḥddu

From Wikimedia Incubator
< Wp‎ | shiWp > shi > Ayt Bn Ḥddu
Globe icon.svg Ayt Bn Ḥddu
Flag of Morocco.svg Lmɣrib
810 9762 - copie copy.jpg
Tamssugurt
TamazirtLmɣrib
TasgaTasga n Dṛɛa-Tafilalt
TamnaḍtWrzazat
TagrawtAit Zineb
KsarKsar Aït-ben-Haddou
Tarakalt
 31°03′N 7°08′W / 31.05°N 7.13°W / 31.05; -7.13
Tajumma 3,03 ha
Isallen yaḍn
Akud adigan UTC±00:00 d AMS+01:00
ait-ben-haddou.net:80

Ayt Bn ḤdduAyt Ḥddu (s tɛrabt : آيت بن حدّو) tga yat iɣrm amaziɣ illan ɣ 30 km ɣ ugafa n tagut n tiɣrmt n Warzazat, ɣ tgrawt n Ayt Zinb. Ttubna ɣ tsga n iffus, lli mu ttinin tawrirt n iɣrm, ɣ ugmmaɛ n wasif Marɣn[1], ɣ wasif n unila, nna igan yan n ubrid n isbbabn, izdin gr timnaɛin n tnzruft d tɣaritin n lamiditiɣani.

Iɣrm ad ittuzmmem ɣ tlgamt n wayda amaḍlan n Yunisku ɣ 1987.[2]

Amzruy

Ansa n tɣrmt igan abrid n kullu isbbabn, yujjat ad ig yat tɣawsa icnan ɣ walln n inbbaḍn nna ikkan Lmɣrib. Ar ttinin iwdan mas lbni amzwaru lli illan ɣ iɣrm iga t iɣrm n iqddarn, ɣ inbḍ yan n ugldun amaziɣ uday, zɣ ɣinna ar Sus (illa ummrwas gr as d dihya)[3]. Ar ittini yan warra aqbur lli illan dar umsntam, mas takat tamzwarut ɣ iɣrm ittwagg f ufus n Ayt Ɛisa Uḥmad ɣ tasut tiss sin d mraw, idwln s ufus n umattay « Bn Ḥddu », nna iɛyyn unbbaḍ n lmuwḥḥidin Yusf n Tacfin, ḥuma ad ig tanagrit ɣ tmnaḍt ad, ittwassnen kigan s umussu n isbbabn d imnɣan gr iɣrman[4].

Ar ttinin middn mas tamnaḍt ad tkka ddu tnbaḍt n Burtuɣal, mac ur ujjin ci kr n tmatarin nnsn, manaya s mind iwint tɣuriwin ittwaggn zɣ tasunt tin sa d mraw. Ɣ tasut tis mrawt d tẓa, tiɣrmt ɣas yan n tilalt imqqurn izdin gr-as d Lmxzn ɣ udɣar, igan azduɣ n kullu id bab n usugr. Ɣ lḥrkt nns tanggarut 1893-1894 ikka Ṣlṭan Ḥasan Amzwaru f tɣrmt, isli tlwat, çars s Mrrakc. Ɣinna iɛyyn gis lbaca Lglawi anbbaḍ n iffus. Lbaca ad wanita ikcm ɣ imnɣi d Ayt Wawcgiṭ, mac amulli illan gr-as d Ayt Bn Ḥddu, ur yujji ammnuɣ ad yili.

Lliɣ d tkcm Fransa, turrid tɣrm s ddu n ufus n Tthami Lglawi, lbaca ad amaynu iqqn f Ayt Bn Ḥddu, ur tn yujji ad ffɣn bṛṛa n tɣrmt, zɣ mayd tkcm Fransa, aylliɣ as ttlɣn assaɣ n « Iliy n San Micil n Iclḥiyn ». Man aya ur ittyakks lliɣ tffɣ fransa, ayd aɣuln iwdan ar ttffɣn ad sskrn tiɣrmt tamaynut tama n wasif Marɣn.

Laflam lli gis ittyuswlafn

Kigan n laflm n Marikan tawswlafn ɣ ammas n tmazirt n Lmɣrib, slawan ɣ iɣrm ad n Ayt Bn Ḥddu, zund ukan:

Ula yan muslsal ittawsan bahra iga s yism Game of Thrones d usays abrazili O Clone.

Tiwlafin

Tiɣbula

Commons-logo.svg
Tẓḍart ad tẓṛt uggar f Wp/shi/Ayt Bn Ḥddu ɣ usnfar n Commons.
  1. « Patrimoine bati national » [archive] [PDF], sur Ministère de l'Habitat et de la Politique de la ville (consulté le 21 février 2015), p. 43
  2. UNESCO Centre du patrimoine mondial, « Ksar Aït-ben-Haddou » [archive], sur UNESCO Centre du patrimoine mondial (consulté le 24 mars 2021)
  3. ICOMOS - CIAV, , ICOMOS, juin 2019 (lire en ligne [archive])
  4. Jean-François Troin, « La Route des Kasbahs [Die Strasse der Kasbahs]de Herbert Popp & Brahim El Fasskaou », Les Cahiers d’EMAM. Études sur le Monde Arabe et la Méditerranée, no 30,‎ 18 avril 2018 (ISSN 1969-248X, DOI 10.4000/emam.1453)

Tinidlisn

  • Dictionnaire insolite du Maroc - Latéfa Faïz - Édition Cosmopole - Novembre 2011 - ISBN / 978-2-84630-064-3

Isaɣulen

Nuvola Moroccan flag.svg
Amgrad ad izdin d Lmɣrib iga amud, imẓẓiy ka sul. Aws Wikipidya s usnfl nns d simɣur t.