Wp/shi/Ammas asgnaf amsdaw Ibn Rucd

From Wikimedia Incubator
< Wp‎ | shiWp > shi > Ammas asgnaf amsdaw Ibn Rucd
Ammas asgnaf amsdaw Ibn Rucd
CHU Ibn Rucd
Asml chuibnrochd.ma
Tarakalt
Tasga Tigmmi Tumlilt-Sṭṭat
Tamdint Tigmmi Tumlilt
Tamazirt Flag of Morocco.svg Lmɣrib

Iga Ammas asgnaf amsdaw Ibn RucdṢṣbiṭaṛ Ibn Rucd nɣ d akkʷ CHU Ibn Rucd yan ɣ wammasn isgnafn imsdawn lli bahra istawhman ɣ tmazirt n Lmɣrib. Illa ɣ tamdint n Tigmmi tumlilt. Iwala ṣṣbiṭaṛ ad i Tamawast n tdusi.

Iṭṭaf wammas asgnaf amsdaw ad kraḍ tuṣkawin tisnajyanin ad tnt igan: Asgnaf Ibn Rucd, Asgnaf 20 ɣuct 1953, Asgnaf n imma d warraw Ɛabdrraḥim Lharuci, Ammas n uzzray d usmkl n uxsan. Yumẓ wammas asgnaf ad yat tajumma n 45 hiktaṛ, d illa ɣ tuẓẓumt n tmdint ɣ yan udɣar igan stratiji yaẓ i tmrsal tidusann yaḍnin, d ar izray tama nns kigan n imassn n wassay, mad itajjan ad irxu ad sis tddut.[1][2][3]

Ittussan wammas asgnaf amsdaw Ibn Rucd ɣ tmazirt s iḍbibn lli gis illan, slawann akkʷ willi ganin imẓlayn ɣ kra n timuḍan icqqan, zun d timuḍan n idammn d iwlsn d uflay n wul d ibayuɣn nɣ imign d uflay n usurn d usujji n ukmiḍn d uflay n usfulki d uflay n wudm d iḥnnacn, d uflay n idmarn.

Isakudn

Ittuskar wammas asgnaf amsdaw Ibn Rucd s mad illan ɣ islgnn uṭṭun 37.80 izdin d wammasn isgnafn, d ttusrasnt twuriwin nns ɣ:[4][5]

  • Askar n wanawn kullu tn n usujji asnajyan.
  • Askar n twuriwin n usnubbc s lmuraɛat n waddur n imuḍan ɣ tafgga d unllay nnsn.
  • Tadrawt ɣ uslmd amsdaw n ussu d mad izrin ma d igan amsdaw ɣ ɣaylli izdin d yigr n tasnijjit d tasasfrt d ula ɣ usmuttg n imawasn n iḍbibn.
  • Tadrawt ɣ usaggu n iwttasn nna tsras tnbaḍt ɣ yigr n tasnijjit s umata.

Tiẓẓuḍṛa n tawit

Tlkm tiẓẓuḍṛa n tawit n wammas asgnaf amsdaw Ibn Rucd 1685 n ussutn:[6]

  • Asgnaf Ibn Rucd (1020 ussutn)
  • Asgnaf 20 ɣuct 1953 (374 ussutn)
  • Asgnaf n imma d warraw Ɛabdrraḥim Lharuci (291 ussutn)
  • Ammas n uzzray d usmkl n uxsan (106 id lkursi i usujji n uxsan)

Ar isbrrak wammas asgnaf amsdaw Ibn Rucd kra iga t usggʷas kra n 1 030 000 amaḍun, d ar iskar wammas 594 435 n imcawaṛn isnajyanin, d 7000 ililitn.

Tiɣbula

  1. "المركز الإستشفائي ابن رشد بالدار البيضاء المعلمة الطبية الكبرى بالمغرب"
  2. الدار البيضاء .. المركز الاستشفائي الجامعي ابن رشد يخلد اليوم العالمي للممرض
  3. http://www.assahraa.ma/web/2020/148998
  4. ظهير شريف رقم 1.82.5 صادر في  30 من ربيع الأول 1403 (15 يناير 1983)
  5. المؤسسات العمومية الموضوعة تحت وصاية وزارة الصحة
  6. Présentation du CHUIR