Wp/shi/Amawas

From Wikimedia Incubator
< Wp‎ | shiWp > shi > Amawas
Jump to navigation Jump to search

Amawas ar ittyura s tifinaɣ ⴰⵎⴰⵡⴰⵙ iga yan unazur amqqran asusi amṛṛuki. Ilul ɣ usggas 1978 ɣ Dcayra, tasga n iffus n Ugadir, tamdint n umarg amaziɣ. Γin aɣ iɣra ghin a ɣ issnti tabrida ns ɣ umarg.

Γ mzzi ns sul, Amawas ittut s uɣdjaj n umarg, inkḍ ɣ wallaɣ n uzawan, amzzuɣ ns issfld i i ur d imik ɣ taḍḍangiwin n umarg n rrways, ɣik lli d yugm ɣ tarmiwin n imarirn itrarn (taznẓart, Ɛmmuri Mbark d wiyyaḍ).

Isnti tarmi ns ɣ 2000. ɣ umzwaru, yiws ɣ immussutn idlsann, iwizn n uzawan n tmsmunin ɣ tsga n Ugadir, Amawas ɣilad iskr amras ns ngr ayt umarg ɣ kraygat mani ɣ Umṛṛuk.

Tasmɣurt n usnflul ɣ unmuggar n Tmitar ɣ 2005 lli yiwi, tul as bahra atig Γ dar imarayn ns, aylli isgrn ɣ 2006 ad isffuɣ tasffift niɣd CD ns Taɣufi ɣ yan usqqul amaḍlan.

Tasfift tamzwarut[edit]

Igat Taɣufi ilint gis mnnawt tiytin (amun tiyt) lli igan:

Iwaliwn n taɣufi[edit]

S tirra n Σli Sedqi Azayku
Ddiɣ ur dari mad ak a winu ttiniɣ
Adar inu ar ittddu, tasa nu kmmi n
Ad gis inɣan igidr lli kkusiɣ nkki n
Tayri nm tikṣṣad inu ugiɣ ad rwlɣ
Ndel srs ar nssa gis nffaɣ isuyas
Imɣza araɣ qqazn ɣ ismdal nnaɣ
Inaɣan f wiyyaḍ ur jjin salan, ur rmin
Ddiɣ ur dari mad ak a winu ttiniɣ
Iɣ nfl kra nddu han is nra ad t awiɣ
Ad didi ilin, ur idda an drɣ ssikln aɣ
Ur rad sar naf nekki dis ad sul nsawal
Tnɣa yyi taɣufi, waxxa yuf an ur aḍuɣ
Ad ak^ ur tinnit id is kn ttuɣ, ur ufiɣ
Iɣra yyi kra, iqqan aɣ d ad t lkmɣ, nflk
Ddiɣ ur dari mad ak a winu ttiniɣ
Iɣ teddit dar usagm kti d is ak nniɣ
Imun unzar d tagut ɣ ulawn kigan
Ass nna bdan issudu unzar akal nnaɣ
Ibbaqi d wakal iger s tudert neg amud
Imettawn n tagut igh taggug aɣ assan
Nekki d im ar nessa win tittit igum aɣ
Ddiɣ ur dari mad ak a winu ttiniɣ
Tgit andaru lliɣ atlalan igadren
Ur ssingh aylligh nestara timizar
Kemmi n ur tssent nghal is a ten tneqqat
Neffuɣ nesgutti kigan nger s unaruz
Nɣal is naggug nmun bedda ɣ uɣaras
Neqqel s unzar d tagut ad bdun nmun
Kigan ad netini ɣemk ur jjit uriɣ
Γ ass ad ɣ turiɣ ha tabrat inu tlkem n

Izdayn n brra[edit]