Wp/shi/Lmɣrib

From Wikimedia Incubator
< Wp‎ | shi(Redirected from Wp/shi/Amṛṛuk)
Wp > shi > Lmɣrib
Jump to navigation Jump to search
Tagldit n Lmɣrib
ⵜⴰⴳⵍⴷⵉⵜ ⵏ ⵍⵎⵖⵔⵉⴱ (tamaziɣt)
المملكة المغربية (taɛrabt)
Flag of Morocco.svg

Acnyal
Coat of arms of Morocco.svg

Tawmrigt
Tanfalit : Akuc, Tamazirt, Agllid
ⴰⴽⵓⵛ, ⴰⵎⵓⵔ, ⴰⴳⵍⵍⵉⴷ
الله، الوطن، الملك
Izli : Izli anamur n Lmɣrib
Morocco WS-included (orthographic projection).svg

Adɣar n Lmɣrib ɣ tfriqt
Tamssugurt
Talɣa n uwank Tagldit
Agllid Muḥmmad wiss sḍis
Tutlayin tunṣibin Tamaziɣt d Taɛrabt
Tutlayin yaḍn Tafransist
Tamaẓunt Rrbaṭ
Tarakalt
Tamdint akkʷ imqqurn Tigmmi Tumlilt
Tajumma :
Aɣrud 710,850 km²
(tis 40)
Aman % 0.056 (250 km²)
Akud adigan GMT 0
GMT 1 ɣ unbdu
Amzruy
Idrisiyn 789 - 974
Imrabṭn 1060 - 1147
Imwaḥḥidn 1147 - 1248
Imarinen 1248 - 1465
Iwaṭṭasn 1472 - 1554
Isɛdiyn 1554 - 1659
Iɛalawiyn Zɣ 1666 ar ɣilad
Taḍa n fas 30 mars 1912
Azarug :
Fransa 2 mars 1956
Ṣbanya 17 ibrir 1956
Taraɣrft
Asmɣrf Imrriyn
Imzdaɣ :
• Assiḍn 2014 3 848 242[1](tis 38)
• Tanẓẓi 77,71/km²
Tadmsa
Afars amadday ustiy (TTT) 2015
• Aɣrud 274.53 mlyar dular[2]
• I yan 8,194 dular[3]
Afars amadday ustiy (Asmawan) 2015
• Aɣrud 103.08 mlyar dular[4]
• I yan 3,077 dular[5]
Tamatart n jini  (2007) 40.9[6]
Tamatart n tnflit tanfgant  0.647[7]
(tis 123)
Aqariḍ Adrhm
Isfka yaḍn
Tasga n undah Tafasiyt
Tanglt n utilifun +212
Tangalt n tmazirt MA
Tangalt n wantirnit .ma

Lmɣrib (s tutlayt tɛrabt : « المغرب », al-Maɣrib ; s ugmmay n tfinaɣ : « ⵍⵎⵖⵔⵉⴱ », l-Mɣrib) nɣ s ism nns unṣib Tagldit n Lmɣrib (s tutlayt tɛrabt : « المَمْلَكَةُ المَغْرِبِيَّة », al-Mamlaka al-Maɣribiya ; s ugmmay n tfinaɣ : « ⵜⴰⴳⵍⴷⵉⵜ ⵏ ⵍⵎⵖⵔⵉⴱ », Tagldit n Lmɣrib) tga yat tmazirt, ig yan wawenk igan tagldit, tlla ɣ iẓẓlmḍ s tagut n tafriqt, tg yat zɣ tmizar n tamazɣa. Tmaẓunt nns iga-tt Rrbaṭ, d tiɣrmt da akkʷ gis imqqurn tga-tt Tigmmi Tumlilt.

Timdinin nns imqqurn gan-tn Fas, Mrrakc, Sla, Mknas, Agadir, Asfi, Ṭanja, Tiṭṭawn, Wujda, Lɛyun, Lḥusima, Bni Mllal, Lqnḍrt, Warzazat d Ddaxla. Iḥudda-ttid zɣ ugafa yill agrakal, zɣ iffus Muriṭanya, zɣ lqblt tamazirt n Dzayer, zɣ taggut iḥudda-ttid yill Aṭalanti. Tmazirt ad tɣʷi kran 710.850 km², d zdɣn gis kran 36 imlyunen n middn iɣ nẓra tqdirat n usggwas n 2019[8]. Iga Lmɣrib agmam ɣ ammas n Iwunak Munnin zɣ usggwas n 1956, d iga yan zɣ tmizar lli-d iskrn Tamunt n Lmɣrib Mqqurn ɣ usggwas n 1989[9].

Teṭṭaf tmazirt n Lmɣrib yan wanaw n tnbaḍt ig tglda tadusturant, agllid nns iga tt Muḥammad wis-sḍiṣ, nttan aytḥkamn tmazirt zɣ usggwas n 1999 lliɣ-d immut babas Ḥasan wis-sin. Teṭṭaf tmazirt ad ula yan udustur ar sis tswuri zɣ usggwas n 2011, nttan af sewtn laɣlabya n imzdaɣ n tmazirt.

Anssixf nɣ wazir amzwaru lli illan ɣilad iga tt ssi Saɛd-Ddin Lɛutmani, lli igan yan zɣ igmamn n ukabar n tanzzarfut d tanflit.

Aẓur n yism[edit | edit source]

Crystal Clear app kdict.png Imgradn lli yas iḍfarn : Wp/shi/Mrrakc
Tawlaft n iqariḍn n Lmḍrib ar skarn 25 suntim, win usggwas n 1924. Ittyara gisn ism n Lmḍrib s tutlayt taɛrabt d tanfransist.

Ism n « Lmɣrib » ikka-d taɛṛabt. Anamk nns iga-tt ɣilli ɣ ttggz tafukt. Ittyussan daɣ Lmɣrib ɣ dar imaratn aɛrabn s « almaɣrib alaqṣa » (المغرب الأقصى) lli t-igan « Lmeɣrib nna akkʷ yaggugen », s lmɛna n « adɣar akkʷ yaggugen nna ɣ tteggez tafukt ».

Ism n Amṛṛuk s tmaziɣt « ⴰⵎⵕⵕⵓⴽ » iga asmẓi n yism anṣli MurakucMrrakc, aẓur n ism ad igat « Amur n wakuc », Assinf ad iwint-t-id irwas tutlayin tiṛumiyin, tfrn kullu ismawn lli akkatn tmizar yaḍn taɣarast ad. Ar ttinin ifransawiyn « Maroc », isblyuniyn « Marruecos », Ibrtqqizn nɣd iburtuɣaliyn ar ttinin « Marrocos », Ngalza ar ttinin « Morocco », Ilalmaniyn ar ttinin « Marokko ». Abla iturkiyn lli as ittinin « Fas », d iraniyn lli as ittinin « Murakuc ».

Ism aqbur lli s ttuyssan tamazirt n Lmɣrib igat « Muriṭanya », tkka-t-inn tagldit n Muriṭanya tga tagldit nna akk izwarn ɣ Lmɣrib, tsmun Lmɣrib n ɣila d tmazirt n Muriṭanya d imik ɣ Dzayr ( Ẓr Muriṭanya bac ad tssnt uggar ). Tfrn tt-id ismawn yaḍn zund Mrrakc dar lmurabitin, d Fas.

Amzruy[edit | edit source]

Crystal Clear app kdict.png Imgradn lli yas iḍfarn : Amzruy n Lmɣrib

Ɣ 2008, s tmelda n 1200 useggʷas f ussersel n temdint n Fas, ittwassen yan cciɛaṛ senyuddan-t ayt usneɣmes; 12 n tasut n umezruy n Lmeɣrib.

Azrmzruy[edit | edit source]

Adɣar lli ɣ illa Lmɣrib ɣilad ikka-tt-inn ittuyzdaɣ zɣ uzmz aẓrwan aqbur, ɣ kran wakud illan gr 190.000 d 90.000 q.ɛ (qbl ad ilul ɛisa). Tlla yat tiɣri tamaynut tzḍar ad tml mas t-inn ikka Lmɣrib ittuyzdaɣ qbl akk tarix ad bɛd ma d ufan kran ixsan n ufgan azayku ma mu ttinin Homosapiens tama n uftas n yill aṭlasi ɣ udrar n Iɣud lliɣ asn skrn taḥalil ufan mas lɛmr nnsn ar itturri s 315.000 q.ɛ, ɣayad ad yujjan ixsan ad ad gin tilli akk iqburn ɣ umaḍal akk[10].

Ɣ uzmz anaẓran (n uẓru) amaynu, uckand iṣyaḍn d imksawn, staqrn ɣ ṣavana n idɣarn nna. Tadlsa nnsn tsfalkay aylliɣ ibda waman ar t ittiliḥ bɛd 500 q.ɛ s ssbab n isnfal n unzwi. Idɣarn lli illan ɣ taman yill n Lmɣrib ɣ umzwaru n uzmz anaẓran amaynu tkka-tt-inn tmunn ddu yat tdlsa n lfxxar d tadlsa n idɣarn n yill agrakal. Tɣuriwin n tarkyulujit mlan masd ttadjin n tfunasin d tkrrazt s sin-itsn kkan-tt-inn ɣ uzmz ann. Ɣ uzmz n iɣir, tadlsa tajirsit tlkm ɣ-akud-ann s ugafa n Lmɣrib.

Azmz aqbur[edit | edit source]

Azmz anammas[edit | edit source]

Azmz amaynu[edit | edit source]

Lmxzn d tsrtit[edit | edit source]

Lɛṣkṛ[edit | edit source]

Tadamsa[edit | edit source]

Azmz iqṛṛbn[edit | edit source]

Tasrtit d tmrsal[edit | edit source]

Agllid n tmazirt Muḥammad wis-sḍiṣ

Angraw n tnbaḍt[edit | edit source]

Adustur d tmrsal[edit | edit source]

Acnyal d izli anamur[edit | edit source]

Tibḍit tamssugurt[edit | edit source]

Tasgiwin[edit | edit source]

Ɣ usggwas n 2015 ttusnfln tasgiwin n tmazirt aylliɣ skrn gisnt sin d mraw n tsgiwin ad tnt igan :

1. Tasga n Ṭanja-Tiṭwan-Lḥusima
2. Tasga n Agmuḍ
3. Tasga n Fas-Mknas
4. Tasga n Rrbaṭ-Sla-Lqnḍrt
5. Tasga n Tigmmi Tumlilt-Sṭṭat
6. Tasga n Bni Mllal-Xnifra
Tasgiwin n tmazirt n lmɣrib s sin d mraw it-snt
7. Tasga n Mrrakc-Asfi
8. Tasga n Dṛɛa-Tafilalt
9. Tasga n Sus-Massa
10. Tasga n Glmim-Asif Nun
11. Tasga n Lɛyun-Tala Tazggaɣt
12. Tasga n Ddaxla-Asif n Wurɣ

Timdinin mqqurnin[edit | edit source]

Crystal Clear app kdict.png Imgradn lli yas iḍfarn : Timdinin n Lmeɣrib

Llan ɣ tmazirt n Lmɣrib kigan n timdinin d iɣrman zund ukan akk tmizar n umaḍal. Ilin kran 70 tmdinin nna ɣ illa uggar n 50 000 umzdaɣ, talli akk gisn imqqurn tga tt tiɣrmt n Tigmmi tumlilt s yan uṭṭun imzdaɣ iqrbn ukan aylkm 4 imlyunen n middn.

Ar aɣ immal uɣawas ad lli illan ddaw as mraw timdinin lli akk imqqurn ɣ tmazirt d mnck n imzdaɣ ad gisnt illant.

Maârif, Morocco - panoramio (2).jpg
Tigmmi Tumlilt
Kasbah des Oudaias P1060356.JPG
Rrbaṭ
Vue medina fes.jpg
Fas
MoroccoMarrakech townfromhill.jpg
Mrrakc

Anmala Tamdint Tasga Mnck n imzdaɣ

Agadir Areal view cropped.jpg
Agadir
Tangier 5184a.jpg
Ṭanja
DSC 3176 (8602579117).jpg
Sla
Oujda.near bab al gharbi.jpg
Wujda

1 Tigmmi Tumlilt Tigmmi Tumlilt-Sṭṭat 3,359,818
2 Fas Fas-Mknas 1,112,072
3 Ṭanja Ṭanja-Tiṭwan-Lḥusima 947,952
4 Mrrakc Mrrakc-Asfi 928,850
5 Sla Rrbaṭ-Sla-Lqnḍrt 890,403
6 Mknas Fas-Mknas 632,079
7 Rrbaṭ Rrbaṭ-Sla-Lqnḍrt 577,827
8 Wujda Tagmuḍant 494,252
9 Lqnḍrt Rrbaṭ-Sla-Lqnḍrt 431,282
10 Agadir Sus-Massa 421,844

Tarakalt[edit | edit source]

Lmɣrib iga yat tmazirt lli ɣ illa ttanawuɛ bahra imqqurn ɣ ammas n imuɣliyn nns, ar gis nntafa kraygat anaw n ugama, zund : idrarn, izaɣarn, tanrẓuft ...

Logo informations.svg Add f kran tawlaft fad ast tssimɣurt

Iwala Lmɣrib i tmizar lli iṭṭafn wakal izdin d yill aṭlasi, izf n uftas nns igatt Ixf n Spartil, lli illan ɣ ugafa n tmazirt, ɣ tsga yaḍn n wakal ar nttafa Djabal Ṭariq, ɣ yixf ad nit aɣ itbdu yill agrakal. Ɣ iffus akk d iffus agmuḍan ar nttafa tanrẓuft tamɣrabit. Ɣ tuẓẓumt n tmazirt llan gis idrarn d izaɣarn.

Iṭṭaf Lmɣrib iwtta nns ɣ ugafa d yill agrakal, ɣ iffus Muriṭanya, ɣ ugmuḍ tamazirt n Dzayer, ɣ utaram iḥudda-ttid yill Aṭalanti. Tmazirt ad tumẓ yat tjumma n 710.850 km². Tmaẓunt nns iga-tt Rrbaṭ, d timdinin nns imqqurn gan-tn Fas, Mrrakc, Sla, Mknas, Agadir, Asfi, Ṭanja, Tiṭṭawn, Wujda, Lɛyun, Lḥusima, Bni Mllal, Lqnḍrt, Warzazat d Ddaxla.

Anzwi[edit | edit source]

Adfl ɣ Ifran

Anzwi n tmazirt n Lmɣrib ur igi yan, kraygat tsga ɣ tmazirt ad dars yan unzwi ur irwasn tasgiwin yaḍnin, ar nttafa anzwi anammasan (amutawaṣṣiṭi) ɣ ugafa n tmazirt, anzwi amuḥiṭi ɣ utaram, d unzwi anrẓufan (aṣḥrawi) ɣ iffus. Idɣarn nna ɣ illa yill gisn yan unzwi iɛdln izuzwan. Azgn n ugafa ar gis zrayn sin wannazn: annaz iɣurn (iqqurn) ar ittack ɣ gr ayyur wis-smmus d wis-tẓa n usggwas, d wannaz lliɣ ar ittili unẓar ar ittack ɣ gr wayyur wis-mraw d wis-kkuẓ. Amma iffus n tmazirt illa gis yan unzwi igan aṣḥrawi iqqurn iḥman zund kamit. Ar itettar unzwi n tmazirt s yat tumant tamaḍut tga tt ma mu nttini argigi n ugafa aṭlasi. Tumant ad ar tettḥkkam ɣ unẓar d udfl lli-d ittackan s Lmɣrib zɣ tsga n yill aṭlasi.

Idrarn[edit | edit source]

Uggar n tulutayn n tmazirt n Lmɣrib gis ɣar idrarn, ar tlkkm tiɣzi n kran idrarn n tmazirt ad uggar n 4000 m ɣ iggi yill. Adrar n Tubqal ay-gan yixf n idrarn ad d nttan ad akk gisn iɣzzifn, tlkn tiɣzi nns 4167 m. Lmɣrib iga tmazirt waḥdat ɣ tmazɣa aɣ llan salasil n idrarn ikmmln ad t igan idrarn n waṭlas lli nẓḍar ad nbḍu idrarn ad s kraḍ n trabbutin: Aṭlas mẓẓiyn, aṭlas mqqurn d aṭlas anammas. Ad ur nttu ula idrarn n rrif lli llan ɣ ugafa n tmazirt, adrar lli akk gisn iɣzifn igatt adrar n Tidɣin s yat tiɣzi n 2456 m.

Idrarn n waṭlas[edit | edit source]

Idrarn n waṭlas mẓẓiyn d afa lli d itbayyan ɣ tuẓẓumt n tawlaft igatt Afa n tmzgadiwin (Adrar n Lkst)
Crystal Clear app kdict.png Imgradn lli yas iḍfarn : Idrarn n Waṭlas

Idrarn n Waṭlas gan yat trabbut imqqurn n idrarn illan ɣ tfriqt n ugafa. Idrarn ad umẓn zɣ iffus utrim n Lmɣrib ar ugafa n Tuns. Gisn ar nttafa udrar n Tubqal lli igan adrar akkʷ iɣzzifn ɣ ammas n tmazɣa s yat tiɣzi ilkmn uggar n 4000m.

Ɣ Lmɣrib, nẓḍar ad nbḍu idrarn ad s kraḍ n trabbutin, ar nttafa :

Aṭlas mẓẓiyn[edit | edit source]
Crystal Clear app kdict.png Imgradn lli yas iḍfarn : Aṭlas mẓẓiyn

Idrarn n waṭlas mẓẓiyn ɣʷin yat tjumma imqqurn ɣ wakal n iffus n tmazirt zɣ yill aṭlasi ɣ iffus utaram ar iffus agmuḍan iɣ akk tzrit tasgiwin n Warzazat tlkmt tiɣrmt n Tafilalt (tumẓ ɣin tqriban kran 500km n uzaru). Ɣ iffus dars iwtta d tnrẓuft (ṣṣḥra). Adrar lli akk illan ɣ ugmuḍ n idrarn ad iga tt adrar n Saɣru, d iṭṭaf iwtta ɣ ugafa d idrarn n waṭlas mqqurn. Afa n idrarn ad iga tt adrar n Sirwa lli yadli igan yan uburkan, tlkm tiɣzi nns 3304 m.

Tawlaft n udrar n Tubqal iswrt upilot afransawi Walter Mittelholzer
Aṭlas mqqurn[edit | edit source]
Crystal Clear app kdict.png Imgradn lli yas iḍfarn : Aṭlas mqqurnTubqal

Idrarn n waṭlas mqqurn nɣd Adrar n Drn gan idraren li kullu imqqurn ɣ tmazirt n umrruk. Iga Tubqal ixf n idrarn ad, nttan a-kullu gisn iɣzifen , yili ɣ tiɣzi n 4167 m. Idrarn ad bḍun Amrruk fsnat tsgiwin mqqurnin, yat bahra irɣan tḥbu fllas azazwu d yat ifan udm ns i yill ɣayn af tfulki bahra ɣ uzazwu nns.

Ar ttini kran middn i idraran ad Adrar n Drn acku nttni ad yakkan tudrt i izaɣarn d igmmaḍn d kullu ikaliwn n tmazirt n umrruk acku nttni ad tkkan waman lli-f tbidd tudert n kraygat targant wala imuidar.

Adrar n Tubqal iga yan udrar illan ɣ ammas n idraren n waṭlas mqquṛn. Nettan ad akkʷ ittawssan nger idraren n lmɣrib acku nttat ad akk gisn iɣzzif, tiɣzi nns tugr 4000m. Adrar n tubqal assaɣ ns aẓuṛan iga tt tugga akal s tmaziɣt iga adrar i kullu yattuyn g iẓẓlmḍ n tafṛiqt d wiss sin g tfṛiqt ffir n udrar n kilimangaru. d illa g tizult n aṭlas amqqran, g tmazirt n umur n wakuc (lmɣrib) yaggug-nn s 63 km f tɣrmt n mrrakc, d ar tlkkm tattuyt ns ar 4167 mitru.

Aṭlas anammas[edit | edit source]
Crystal Clear app kdict.png Imgradn lli yas iḍfarn : Aṭlas anammas

Idrarn n rrif[edit | edit source]

Izaɣarn[edit | edit source]

Isaffn[edit | edit source]

Aftas[edit | edit source]

ibḍa uftas amṛṛukiy f sin, f yill agrakal d ugaraw aṭlantiy.

Taɣarin[edit | edit source]

Amun[edit | edit source]

Tutlayin[edit | edit source]

Crystal Clear app kdict.png Imgradn lli yas iḍfarn : Tutlayt taɛrabtTutlayin timaziɣin
Tutlayin n tmazirt n Lmɣrib

Zɣ mad ittini udustur lli-d iffuɣ ɣ usggwas n 2011, ar nttafa mas gant tutlayt taɛrabt d tutlayt tamaziɣt tanawayt tutlayin tunṣibin n tmazirt n Lmɣrib. Tantala nna bahra ittuysawaln dar imɣrabiyn tga-tt darija nɣ ma mu nttini taɛrabt tamɣrabit. Iɣ nucka ad nẓr usiḍn lli ittyuskar s ifassn n tasmirit tamattayt n usɣiws[11] rad naf mas 91.6% n imɣrabiyn ssn i yat zɣ tantliwin n tutlayt taɛrabt (90.8% ssn i darija, 0.8 ssn i lḥssanya) d mas 26% ssn i yat zɣ tutlayin timaziɣin (14,7% ssn i tclḥit, 7,9% ssn i tamaziɣt n waṭlas anammas d 4% ssn i trifit), mac tuggt n middn ckkan f usiḍn ad is nit iṣḥa nɣd iskrkisn ka aynna, d tuggt nnsn nnan mas uṭṭun n willi sawalnin s tmaziɣt idrus bzaf f ɣaylli nit illan ɣ lwaqiɛ d mas uṭṭun n imsawaln n tutlayin timaziɣin izḍar ad akk yugr 50% n imzdaɣ[12][13].

Tuggt n willi sawalnin s tutlayin timaziɣin ar sawaln ula s darija, ɣayad acku ɣ yan uzmz tkka-tt-inn tlfaza d lmidya ar tzzray kullu isuyas nnsn s darija d ur jju d zrin kra s kran tutlayt tamaziɣt, mayad yujja kigan n middn ad akk ttun tutlayt nnsn tamaziɣt ar sawaln ɣar s darija.

Tkka-tt-inn tmazirt n Lmɣrib ɣ yan uzmz ur bahra yaggugn ddu ufus n Fransa d Ṣbanya, mayad yujja tutlayt tafransist d taṣbnyulit ad kcmn s tmazirt. Tkka-tt-inn tutlayt tafransist ɣ yan uzmz tga tutlayt tunṣibt, mac ɣila mqqar urt sul tgi, ar ka sul aqran imɣrabiyn tutlayt ad ɣ ammas n tinmal., tga ɣila tafransist tutlayt tabrranit tamzwarut ɣ tmazirt d nttat as bahra swurrin imɣrabin ɣ akk igran n tudrt nnsn slawan akk ɣ kullu mad izdin d twuri d tadamsa. Tlla ula tutlayt taṣbnyulit nna s isawal tqriban kran 2 id mlyun n imɣrabiyn slawan ɣ ugafa n tmazirt. Tili tutlayt tanglizt ula nttat tntacr bahra ɣ isggwasn ad ggranin slawan dar iɛrrimn.

Middn[edit | edit source]

Uṭṭun n imzdaɣ kraygat usggwas

Uṭṭun n imzdaɣ n tmazirt n Lmɣrib ɣila iga tt 36.5 imlyunen n middn. S yat zyada n 1.26% kraygat usggwas. Uggar n 100.000 ibrraniyn zdɣn ɣ tmazirt ad, aɣlabya nnsn gan iṣbnyuliynifransawiyn umẓn latrit nnsn nɣ gan zɣ willi txdamn ɣ timssurin tigraɣlatin. Asɣl ad n zyada inaqsd ukan yan imik ɣ isggwasn n gr 1971 d 1982, lliɣ gis tlkm 2.5%.

Ɣ isggwasn ad ggranin ar nttafa ula isuqqiyn llid ikkan iffus n tnrẓuft ɣ akk timdinin mqqurnin n tmazirt.

Ar aɣ mmaln tiɣuriwin timaynutn mas uṭṭun imqqurn n iɛrabn d imaziɣn lli ar ntfrraq gratsn s tutlayt ur tn bahra naḥya ɣ mad izdin d tanfalit tawiratit nnsn. Tiɣuriwin ad mlant aɣ mas tamhlt n usɛrrb lli ijran ɣ ammas n tmazirt txdm mzyan. Ahablugrub-Y iga yan ukrumuzum ar itdda zɣ babas i warraw nns bla ad gis ijru kran usnfl iɣrfan s iɣrfan. Tiɣuriwin lli ittuyskarnin f imɣrabiyn tmla aɣ mas 81.7% nnsn walan i uhablugrub E (iggut bahra dar imaziɣn)[14] d gisn nit 72.6% walan i uhablugrub E1b1b[15], swa ɣ idɣarn nna ɣ ttuysawal tɛrabt wala ɣilli ɣ ttuysawal tamaziɣt[16][17].

D yan uṭṭun idrusn n middn walan i uhablugrub J (lli bahra iggutn dar imzdaɣ n ugmuḍ anammas).

Isgdan[edit | edit source]

Timzgida Ḥasan II nttat aygan timzgida lli akk imqqurn ɣ tmazirt ula ɣ tfriqt n ugafa. Tlla timzgid ad ɣ tamdint n Tigmmi tumlilt.

Uṭṭun imqqurn n imzdaɣ n tmazirt n Lmɣrib gan imuslmn, d nttan ay-gan asgd n tmazirt, d ula udustur n 2011 innat, d inna ula mas illa uzrf dar kraygat yan ad yamn s kraygat usgd iratt. Ɣ usnmkta n tmazirt ar gis ttinin mas 99% n ugdud iga amuslm, d 1% ann lli iɣaman gis insraniyn d udayn ...

Tiɣuriwin d isiḍnn lli ur gin imaddudn ar ttinin mas gr 85 d 90% zḍarn ad gin mutadayin. Isiḍnn ad ttuyskarn f ifḍan n imɣrabiyn tufa mas gr 3-14% zɣ willi d irarn nnan is ur gin mutadayinin, d 1% nnan akk is gan warasgdiyin (mulḥidin). Asiḍn n usggwas n 2020 inna mas uṭṭun n warasgdiyin imqqur-d s kraṭ twal d mas aɣlabya nnsn gan iɛrrimn, d mas usɣl nnsn ilkmd 15% n imɣrabiyn.

Tadamsa[edit | edit source]

Tawuri[edit | edit source]

Tamguri[edit | edit source]

Tafllaḥt[edit | edit source]

Iqdduḥn[edit | edit source]

Taẓḍaṛt[edit | edit source]

Tamallayt[edit | edit source]

Tga tamdint tamṛṛukit tamzwarut lli baḥra d ittawin imallayn. ɣ usggas n 2008, Mṛṛakc dar yan uẓdar n ussns (hébergement) igaddan d 44 394 lkatri lgddam n Ugadir Agadir lli ddar illa 28 605 lkatri d Tigmmi tumlilt s 12 762 n lkatri. Ig umṛṛuk ɣaṣṣaḍ wisssin ɣ timizar ntmallayt ɣ ifriqya.

ɣid maymmalan tiskfal n ussns s lkatri n timdayyin n umṛṛuk ɣ usggas n 2008:[18]

Tadlsa[edit | edit source]

Tifugliwin tinamurin[edit | edit source]

Ddaw as llan akk tfugliwin tinamurin d tisgdanin n tmazirt n Lmɣrib[19]:

Asakud Ism n tfugla Ma gis illan
1 muḥarram Fatiḥ muḥarram Ixf n usggwas ahijri (tafugla tasgdant)
12 rabiɛ al-awal Ɛid lmilud Ass lliɣ d ilul urqqas n rbbi Muḥmmad (tafugla tasgdant)
1 cawal Ɛid Lfiṭr Ar as nttini ula Ɛid imẓẓiyn (tafugla tasgdant)
10 du lḥijja Ɛid n Tfaska Ass lliɣ ar nqqrs i tfaska (tafugla tasgdant)
1 innayr Ixf usggwas Ass amzwaru ɣ usggwas amaynu (tafugla tagraɣlant)
11 innayr Ɛid n listiqlal Ass lliɣ d ifka ugllid ṭṭalab nns bac ad tamẓ tmazirt listiqlal nns (tafugla tanamurt)
1 mayu Ɛid n twuri Ass lɛid dar willi sxdamn ɣ tmazirt (tafugla tagraɣlant)
30 yulyuz Ɛid lɛarc Ass lliɣ gis iga Muḥammad wis-sḍiṣ agllid (tafugla tanamurt)
14 ɣuct Arar n Asif n wurɣ Ass lliɣ d irar ugllid Ḥasan wis-sin Asif n wurɣ (tafugla tanamurt)
20 ɣuct Tagrawla n ugllid d ugdud Ass lliɣ d ẓẓan f ugllid Muḥmmad V flnt ɣ Madaɣacqar ukan tnkrd rwina ɣ tmazirt (tafugla tanamurt)
21 ɣuct Ɛid lmilud n ugllid Ass lliɣ d ilul ugllid Muḥammad wis-sḍiṣ (tafugla tanamurt)
6 nuwanbir Tawada tazgzawt Ass lliɣ d inna ugllid Ḥasan wis-sin is ixṣṣa ad skrn imɣrabiyn yat twada bac ad sis rarn tanrẓuft (tafugla tanamurt)
18 nuwanbir Ɛid n tsimant Ass lliɣ gis yumẓ Lmɣrib tasimant nns ɣ usggwas n 1956 (tafugla tanamurt)

Idɣarn n Yunisku[edit | edit source]

Iɣrm n Ayt Bn Ḥddu ɣ tsgiwin n tamdint n Warzazat, iga yan zɣ idɣarn n Yunisku. Ikcm sis zɣ isggwas n 1987.

Llan ɣ tmazirt n Lmɣrib tẓa idɣarn ikcmn ɣ ammas n tmaddast n Yunisku n aydatn igraɣlann ɣ ussinew adlsan. Walli akk izwarn ikka-tt-inn ɣ usggwas n 1981, d walli iggran ɣ usggwas n 2012. Idɣarn ad ɣwid ad tnt igan s trtib n ukccum nnsn[20] :

Ilin kran idɣarn yaḍni isrstn Lmɣrib d willi ran gisn ad kcmn ula nttni ɣ ammas n idɣarn ad n Yunisku:

  • Mulay Dris Zahrun (1995)
  • Tamdint n Taza d Jamɛ Lkbir (1995)
  • Timzgida n Tinml (1995)
  • Tamdint n Liksus (1995)
  • Lkur (1995)
  • Tantut n Tafuɣalt (1995)
  • Agdal n Ṭlasmṭan (1995)
  • Ansa n Ajkal (1998)
  • Aglmam n Xnifs (1998)
  • Adgal n Ddaxla (1998)
  • Amda n Figig (2011)
  • Ddarbiḍa (2013)
  • Trabbut n imdwn Tiɣmrt (2016)
  • Ansa aṣḥrawi n Asif n Nun (2016)

Tiwlafin fulkinin n tmazirt[edit | edit source]

Ilinkn ittawiyn s mani yaḍn[edit | edit source]

Iɣbula[edit | edit source]

  1. http://www.rgph2014.hcp.ma/Note-sur-les-premiers-resultats-du-Recensement-General-de-la-Population-et-de-l-Habitat-2014_a369.html
  2. http://knoema.com/atlas/Morocco/GDP-PPP-based
  3. http://knoema.com/atlas/Morocco/GDP-per-capita-PPP-based
  4. http://knoema.com/atlas/Morocco/GDP
  5. http://knoema.com/atlas/Morocco/GDP-per-capita
  6. http://data.worldbank.org/indicator/SI.POV.GINI/
  7. http://hdr.undp.org/sites/default/files/hdr_2016_statistical_annex.pdf
  8. Tqdirat n uṭṭun n imzdaɣ n tmazirt n Lmɣrib - Knoema.fr
  9. Adustur n 2011 Ar yaqra udustur n 2011 tamunt ad s yism n Tamunt n Lmɣrib Mqqurn
  10. Smith TM, Tafforeau P, Reid DJ, etal, Earliest evidence of modern human life history in North African early Homo sapiens, journal of Proceedings of the National Academy of Sciences of the United States of America, volume:104, issue:15, pages:6128–33, date:April 2007, pmid:17372199, pmc:1828706 |doi:10.1073/pnas.0700747104, bibcode:2007PNAS..104.6128S }}
  11. Tasmirit tamattayt n usɣiws - rgphentableaux.hcp.ma
  12. Aljazera - جدل بالمغرب بشأن عدد الناطقين بالأمازيغية
  13. Lakome2.com - جمعيات أمازيغية تطالب بالكشف عن "العدد الحقيقي" للناطقين بالأمازيغية في المغرب
  14. http://hpgl.stanford.edu 2012-04-14
  15. https://web.archive.org/web/20120414212524/http://hpgl.stanford.edu/publications/AJHG_2004_v74_p1023-1034.pdf E1b1b gant: M78 d M81
  16. https://web.archive.org/web/20120414212524/http://hpgl.stanford.edu/publications/AJHG_2004_v74_p1023-1034.pdf
  17. Y-DNA haplogroups in populations of the Near East
  18. :: Royaume du Maroc : Administration du Tourisme
  19. Emploi.gov.ma/docs/153200652832PM.doc - Tifugliwin n tmazirt
  20. Idɣarn n Yunisku - Tamazirt n Lmɣrib


Timizar n Tafriqt

DzayrAngolaBeninBotswanaBurkina FasoBurundiDjibutiMiṣraElefanttähtiriddoEritreaEswatiniEtiopiaGabunGambyaƔanaƔinyaƔinya-BisawKamirunKap VerdeKeniaKomorehTagduda Tamagdayt n KunguTagduda n KunguKoskâ-Afrik täsiväldiLesothoLiberiaLibyaMaadâ-AfrikMaadâ-SudanMadaɣacqarMalawiMaliLmɣribMuritanyaMauritiusMosambikNamibiaNigerNigeriaPeeivitäsideijee GuineaRuwandaSambiaSinigalSeychellehSierra LeoneSomaliaSudanSão Tomé já PríncipeTansaniaTuguTcadTunsUgandaZimbabwi