Wp/shi/Albnsir

From Wikimedia Incubator
< Wp‎ | shiWp > shi > Albnsir
Jump to navigation Jump to search
ⵔⵔⴰⵢⵙ ⵎⵓⵃⵎⵎⴰⴷ ⴰⵍⴱⵏⵙⵉⵔ
Assaɣ n talalit Albnsir
Assaɣn yaḍnin Dmsiri
tawuri Anaẓuṛ
Talalit - - 1937 ɣ Ilbnsirn ɣ tasga Sus,
Tamḍlt 11 nwanbir 1989 ɣ Ṛbaṭ ɣ Amṛṛuk Amṛṛuk
Tutlayt n umarg Taclḥit
Tismɣurin Tasmɣurt n
Istayn n umarg'
  • Aǧurn
  • Lkṣida
  • Ur nsamḥ i bariz
  • Rebbi zayd i uǧug n icelḥiyn

ⵔⵔⴰⵢⵙ ⵎⵓⵃⵎⵎⴰⴷ ⴰⵍⴱⵏⵙⵉⵔ

Tameddurt[edit]

Albensir iga yan ɣ inmɣuren n rways lli iẓrra Sus, niɣd akw Lmrruk. Ilul ɣ Tmsult ɣ taqbilt n Ilbensiren ɣ useggwas n 1937. Mad yad ikka timezgida, ikes ulli, zun d akw ineggwa nnes, ittut s umarg. Lligh ar en ittimghur s imik, yufan ixef nnes izdâr ad ittengidi d indâmen n uhêwac, mkan nnit af d ittfugh ar ittendâm gh usays n usun. Ur izri yat s igh idda ikcem, afad yisin i Rribab lli yegan yat gh tmatarin n tmagit n Rrays, s trabbut n Hêmad Amentag d tin Wahruc.

Mad yad izzri yan krâd iseggwasen d trubba yad, idda s Lalman yilin gis zegh 1961 ar 1964, maca yusi ids tagezzayt n umarg, ur tin tesmyur tudert n uzwag. Yurri d ilemma s Merrok ikcem i tirruysa, isti ad gisent isker tudert nnes d twuri. Zegh 1965 ad isat ar d iseffagh tisfifin. Mekli yega anedâm ar isenmili awal, ur ikki yat s igh yega Rrays ittuyassanen, isker adghar nnes gh ubaraz n ayt umarg. Ar ittek timizar d temdinin lligh llan Icelhîyen, ar izray gh lidaàa. Afella wawal, yega Rrays Muhâmmad Albensir, negh Damsiri lli yas ttaran gh iggi n tesfifin llid issffugh. Maca, gh useggwas n 1969 tfelt tdusi nnes. Lligh idda ad ikk darsen, idêren s Tumubil, irêz, ighwi talkrusat. Mqqar yeg abidâr, ur ibdî d umarg. Idêfr tagharast nnes, yacki d akw izedgh gh Tgemmi Tumlilt, tamdint lligh gguten Icelhîyen. Mqqar yurar zun d akw wiyyâd tayri d tmukrisin n tudert, Albensir izêli, nger akw Rrways n tasut nnes, s turarin lli isker f tmukrisin mqqurnin n tsertit d tmagit, zun d tin usurs n tmazight, tin ugren, d temzgida n Tgemmi Tumlilt.

Addad ad ad ifkan i Albensir yan udem izêlin, ad t igan d Albensir. Lligh issen mas yeg amezwag n umarg lligh t tfel tdusi nnes, immagh ad as ifek atig, at isseffagh gh usurs mezzîyen lligh ran ad t gen inebâden n tmazirt. Is ur inni:

Rebbi zzayd làezz i tcelhîyt Nettat as ligh atig innagh sawlegh

Mac atig ad ur n izri iwetta n illigh isawal d willi s isawal, acku tanebâdt ur tefki atig nnes i tcelhîyt. Nettat nnit izêra ixef nnes. Is ur yurar, zun d akw wiyyâd, addur n tgeldit, d tmurt, is ur inni mas yeg yan gh iserdâsen n tmazirt, d tirsal nnes, mac ur t gis yiwi yan, ur t izêri yan, ur as inni yan yat, ttunt, rurent f tesga, zêlin as tamettant zun d igh immut uydi gh umedduz. Is ur izêri mas d lidaàa ar sul tzâlla ghas s Abdelhalim, d Um Keltum, d Abdelwahab, izêra kullu mayad:

Men wâhd ustin a nttemjjad agellid Ullah amk izdâr ad ax ifek mqqar d lebcklîd

Mqqar d mayan, ur ibêdi d umarg, ur ibêdi d wawal lligh t ittaru, iserfufent. Issen is is ur ili atig dar tenbâdt, mac ilat is dar winnes, willif d ilul, willis isawal, issar idsen tama immimen, mqqar tmrret. Addad ad iceqqan irzêm d i kigan n tmmariwin f Rrays, izêra sis talekkawt n inebâden, ikka aghzu lligh yurar f tmukrist n ugguren gh useggwas n 1982, tamettant ka at ikksen i tayyâd lligh yurar f tadêsa n temzgida mqquren.

Albesnir isker timidî n tesfifin, immut ass n 11 nuwanbir gh useggwas n 1989 gh Tgemmi Tumlilt.

Igzzumn n timdyazin[edit]

Ağurn[edit]

A fellanɣ immaɣ Rbbi ukan a lmsakin
Ikkad lɣder tayyuga lliɣ tin ur ntam
Akal ur sul ira ad itluḥn s lɣllat
Iḍmεa-n sul amud atn icc ufllaḥ
A cutanbir a tagut ka aɣ tnṣamaḥt
Ad ukan kullu krzn ifllaḥn truwult
Meqqar indr iggig amya ur sul iffuɣ
Is ukan ra iḥḥerg isɣarn lli f llan
Imma ṣabt ur t yadda skernt talatin ;
A ddunit tgun, yazzel-d luɣcim a tent ikkat
Immut uglif amaḍun ran yyi tammnt
Meddn kulci lxwaḍ as εicn ya Latif ;
Immut lHya iZZa gis laman a t lkemn
Rbbi kersn izikr bbint imuslmn nnaɣ
Ur immim ɣilad igiwr ula sul atay
A tafukt iɣ tɣab ur fllas illi yat
Ignwan d ikalen daɣ sul illa laman
A fad itluḥ izenẓarn imma trmi nit
Illa-d uɣni i bnadm ɣ waln ya Latif ;
Aynna ẓran mdden gin srsn taɣuyyit
Iɣ icca bnadm ṭajin yiri sul atay
Iɣ icca cwa inna daɣ riɣ ula tammnt
A yili Lbaraka ad asn tili ɣ lmal
Lxir ifkat Rbbi dar willi qqnεanin
A willi ur ihul lbank ura luṭilat
ur ukan rin bla din nesen a ten fukkun
iɣ immut ḥatin iga ɣ yan n ṣliḥnin
Mdden gan ak imugas kullu kan aṭan
A menck n yan a daɣ tusim aya aman
Ulli rant asn tagant, afunas alim
A talli ila ɣir ağurn a tent issiḥln
Ukan ig zund asengr ammas n takat
A tanna ɣ-d ur iḥrg mskin ur a tnt icc
Rbbi ssird lɣaḍab ad s imik n waman ;
Imma tawda tusi daɣ kullu lmasakin
Iga ɣad ma ɣ ittuham yan niɣ akk allan
Ur jju nεaql sserbis a yyili f uğern
Ula tumẓin ad igan xamsmiyya deryal
Ula jju d maṭica ad nesɣa s sttin ryal
A xizzu d baṭaṭa d uxsay ufn tammnt
Ikka tin yan uzmz uccn a t akk ur irin
Iga lmskin ɣ tuẓumt n ssuq lyatim
A tanna s hlli-n iga ifasn laḥ asent
Tammara lxnct n uğurn, tuti ttaman nes
A wanna texṣa zud iɣ rad lkmn ṣṣira,
labud ad ghwin sserbis fellas imalas (i)
a sul ar dagh isiggil ma sent ittasin
ira bu-lkarussa gitsent miyya teryal
a kullu kra t immaggarn ar asen ttinin
a han irghud ak Rebbi lligh t ka tufit (i)
zun tafaska n làid igh ras ukan ighers
ur nDuf mani rad ik saHa ya Latif
ur illi rexa gh usngar ura gh uZalim
a han rexa ur t nDuf ghar gh temgharin
nettentin ka yujaden kkesent agh agharas
a wanna ifkan atig n kra ad tawi xamsin(i)
nettentin a iàammarn lbank ula LuTilat
igh-n luH tiT n gh lemdint ura ccawarià
nettentin d waDu d lhif ka sul itllin
a k iàawn Rebbi a wad ira-n a sul issagh
izimr s laluf rgeln fellas lmaHal
a fellasn ixlf Rebbi kra icca murran
igh ukan gisn tadunt ur a ttin af-in
ixlD uglif d izan, cerken tasllit
illa wargan atig ur t akw teli tamment
iga litcin iguDiyen ur ten iri yan
illa kulci gh drub lxla awk agh ttilin
a yuti kra t izzenzan walli ra t issagh
a walli ilan ifrgan telkmt ay afus
a sul a gwma id bab nes HaDern as ukan
meqqar as gan lbab igh yusi tasarut
ismsaren ar a tt-id iks i wann t iran
ayyis ur sul Hettajjan ghila s umawwus
a tarigt ar a t-id ilkem tili fellas
a Haqqan han ddujal ka sul iqqaman
ass nna gh-d iffugh iggut ma ra nit awin
arraw ur sul ak igi kra waxxa turut (i)
ad ukan gisn turjut s akk a asin iflk
igh ur ifti s jjidu ikcem s lkarati
ass nna gh-d iffugh ig ak murran ar ittuf
ar ittal f ujllabi, aln f ighumran (i)
ar iTTamZ akccuD iskaTTiTn s ufus
a ukan kkan ar ka iZZaD lefcuc f temgharin
igh a gh tella tad iHman ur a tent ikk
ula tifrax kra gisent is assallan (i)
wanna tent yurun ad ak sul ur isawal
iga zund uccen d iffghn gh ammas n ssuq (i)
ad agh isTer Rebbi han kllu nuru tent
illa nit gigh làib ar ten sul nsawal
immut umnay ira gis wayyis amawal
a tarigt ar tsiggil ma f ka Ttarnt
iffugh akw uccen tagant i ulli ferHent
ila wuydi gh tmaDunt ur a sul ittagh
lbab irZa awk, iHerj lQfel tasarut nes
a terZm teggmi, bab nsent a tent ifeln
ya Latif, tugit a dderst a yy tnemmalat (i)
iga yyi Rwa aZelmad, anrar ur ikeml (i)
a tilli nefern ay ad dagh yiwurrin alim
ay illa uSkay lgid uccen illa gh ikerwan (i)
a tilli Deninin ad id itxyyar a tent icc
a tilli f lbayyuD a-n sul ira wawal
nega laàDuD, lqaDi sselaHn tirra nnagh
nDuf ayda nu zud igh ten sul ur nessin
ar ukan gis kerzn ifllaHen fissagh
igh nsawl ajllabi nnagh a-n ira wawal
a walayni ddel igguten a fllangh ilan
nekkis aydi gh lemndaf yakwi fllatengh
nega Tabladt medden gan siti licarat (i)
a wanna d yusin aggun yiàllem fellagh
isggawsen ay ad nega làaql f iferxan
ad yyik melin a baba melin agh inna tengh
igh ira kra ad igh iZi melgh asen ttarix
ay issan ma s ur igi lmelk amr winnagh
a ghilli f tla terga cluH ad t iwalan
a willi nega d imazzaln a t awk iàammarn
a walayni bziz inu as yyi t ikkis
nega lemskin netta gan xalis n wayyur
a belHaK ra sul ibRRem axuti sellum
a wanna iwin ar igi nes, skergh-n sis akal
a yan imyaren luz ar sisen san attay
ira ad asen gigh ghakudan gh immi tififelt
ad ur isellaH Rebbi giwn a lbHur aman
imma asif dagh a-n ttagum kra Haqqan a iqqur
igh idda Rebbi kra ar tt-id meskin iluH urrami
iflt uHbib lli dar-s ifeltn warraw
ur a sul gis lgherD ifel t-id awk lHal
a ghwad ighwZan anu g asn imik n ttisaà
a k ur iluH Rebbi gisen amr kyyin nit
a nufa dwa n tmaDunt lagh issHeln
a ghar ixwla uDebib igh ra yyi sul icmmt
ikka t-in ya uzemz isker cikki fllangh
ighal iz-d netta Haqqa ka dar asafar
a han aDbib n terZi gh Suss llan ukan
ighal uDebib is iga lghafur rraHim
is illa dwa n tamDunt inu gh ufus nes
igh iga uDbib an ibbi lmut netta fellas
ula Ttalb igh ak iggul ghar igh ak urigh
a ghar lflus a mi giwen ukan itsutul
igh illa lHerz lli d itluHn Tyyarat
ar agh itSug lbabbur gh ammas n waman
nikki bàda ghakudan ar sers amnegh
a hati kra gh bnadm xwlan ur ak issin
a is iga làilm n Rebbi kra gh yalla yan
Rebbi zayd i uggug i IcelHiyen
a kullu sun igigilen aman
ad ur afen imHsaden kra ran
as maqqar d imurig n teclHit
ar asen skaren Ddid a ur ilin
a yan iHsadn mad akw tiwit
Rebbi gigh ten d umazzal f làin
nettan a iran ay-id ifk aman
igh ak ifka Rebbi aggurn kiwan
igh ak ikkes ur a k-id irHem yan
Llah ard nettlàab acku ferHegh
ar agh itzayad Rebbi gh tifawt
ay llis righ a ten ka lkemgh
a han ur gi taguDi igh mmutegh
ay ak nfeld làizz i IclHiyen
ay nna Zrigh is iDemà fellasen
ur akw nkSud kra ad agh sul ingh
a nufa-d nit anuD nekcem sers
a tagat d uzzal a gisen illan
a walaynni ddell iggut fellangh
a Dufagh nit lbaDel s tiT inu
ma mank rad skergh a ten lsagh
a manik rad agh ig ad fissagh
a dunnit yak ur a gis ghamagh
a yuf ad felgh làiz i icelHin
a Rebba a laHbab igh ka mmutegh
ar yyi tesllam ad agh terHm
a yan itZallan ad ur tallat
Rebbi ra k gen gh làiz igh temmut
ay ak nebi gh lhadit inna i agh
igh iZZul yan illa gisen lxir
aH a wak wak mlad is tellamt
a lixert s rrecwa d ismummuyen
a talla kra ghilad ur ta mmutn
imma zund nekkin iga akw takawt
nekki lli ur iTTafn lgerc tama nu
ma s neghwZan i Ddid igh ten nsawl
ghar is ar ka smudagh taqqurt
ghar is gitengh iggut wawal
imma SsaHt a lHbab ur ta llint
a willi iHercn ka da sawalegh
issin a kra tamazirt nnun
imma tin dar mdden han Herrant
a yuf ufyyac n tagant n yan
a lluz n kra igh t-id issli ccaght
ass nna awen inna kurhigh-k a winu
ar ad ak Herrun iggi n tasa nek
Rebbi naqS at igherdayen i Ssabt
a telli mgergh a mid itsutuln
a myya lmendaf mdight ugint
amucc ur sul ira ad agh ten iTTay
aH inu ur igi-n adifgh nnigh t
a mutti zegh ghin a wad ur ifaqn
a tafukt ay ad igern fellawn
a telkem twala wada ur iccin
ad issird ifasen dar tirmt
a ferH a lward uggug nek rSan
ur iderk yan a ten-id ixlu sul
ad izayd Rebbi tagerst i SSif
agh ig unZar netta d lHma yandd
Rebbi naqSat gh TTemà a ur ilin

Lkṣida[edit]

Ifulki lêhdid igh dis ur imun zzerb
Wanna izrin han ur a ssar as imun lghrêd
Lqqist ixef inu jlan agh ar agh ikkend
Ghar agwêdi nnad ghligh ighwi yyi wayyâd
Magh imlan is agh îhsad lkafer billah
Mnacek a nejla gh uhêwac gh Sus ula gh ccerg
Alligh darengh illa imikatin gh ljib
Nnigh walabbud ad sisen zûragh lhîj
Inna gh ixassâ k làaqel ixassâ k usêlab
Ma trit lhîj is ka gik illa isîd
Awid ya ubbil negh di tiwi t alzêfag
Imma lhîj ajj at ar kigh ak illa gh lghrêd
Neddu sghagh ubbil nfeken gis ya leàdad
Neg asent rradyu ula ssêbagha n lejdid
Nnigh zud nekkin ur sul illi gh lgherb
Yan angh ur issen meskin igh ar anegh ittemnid
Igh izêra ubbil izêr ijlubbay n lejdid
Iqqan d a yenna d ixef nnes luzir ayad
Ar neskar cciki igh nesûg ar nttelàab
Namêz lbula s yan ufus rzêmgh lbab
Sul neftu myya gh ugsar ula gh lfiraj
Lfayda ha lqudra n Rebbi ha ssibab
Inna làaqel inu righ a nmun ad nzêr leblad
Nzûr d lwalidayn ad agh imun lghrêd
Neffugh agadir afella n lxemsa n ghyyîd
Namêz agharas ihâhan ar neziggiz
Ur ak gitengh illa lxuf ula jju neksûd
Lkemgh lhêncan nggez nzêr gis lêhujuj
Nzayden aman i lmutûr agh ur ihêrg
Nagwen ula lisâns ilemma ar nziggiz
Lfayda sidi Lemxtar Ccan nlkem tid
ur ak gis nebid acku illa gix zzerb
Ghar nezri tin ukan s igh lkemgh lfiraj
Sellagh nit i ubbil zun ibaqqa iggig
Wis sa igenwan agh an sigh ukan ttelàab
Kkigh ya usega ikk tent ula rribab
jadarmiyya hâdern d mdden kullu munend
illa kra meskin ad didetengh ittensifîd
imik ha labilanês iga zud asemmîd
asin agh rkkit n sbîtar agh an neggiz
ghar nelkem tin nnigh nit lhâmdu lillah
lligh angh uten yat tassmi skdûn agh lbenj
ibid nit ukan udêbib ar agh ittemnid
ighren i yan ufermliy inna asen serbid
lligh tin lkmen ar ten fellagh ittenbbah
innas keyyi han lxdemt nnek iga t ghwad
sawal sis ar igh iffegh làaqel tawi tend
Izayd ilemma ufermli ar agh itteknad
ar angh isaqsa gh lexbar n Sus ula ccerg
inna agh manik iga litcin is ilûh amud?
Yak timitâc ur tent ihêrg usemmîd
Walli kra gh agh isaqsa sersgh asen tend
Imik s imik ar neshitir ar neskdub
Ar angh imala litcin inna yyi mayad?
Nnigh asen ur xligh igh tmalam aferzîz
Lfayda inna yasen awey at wad i udêbib
Han ur sul illi d ixef nnes ula ar nettmnid
Ar as nemala litcin innagh aferzîz
Lfayda asin agh nkcem ghid neffugh d ghid
Alligh nelkem dar leftîh inna yas ttêbib
Kref at gh ifassen tass mas idâren d jjenb
Ad ur faqen s igh a smussugh ar ittiwid
Itêlq fellatengh i lbûla zud ajeddig
Imik s imik neg lêhbaq issum agh lbenj
Isers d ilemma lamwas sersen d lmujud
Ar angh ittazu zund igh a ttazun aghâd
Mlays ira rad akw gigh skren leqddid
Walayni Rebbi yumer as iga yyi ssibab
Lhîl nqqen tirêziwin asin iyyid
Lbit n laxatâr nezri gis amer yyîd
Asin agh d s lbit imudân agh neggiz
Nufan gis mdden nig xemsin igh ur ndenb
Illa kra meskin ibbi yas udâr ad ula ghwad
Illa kra meskin irêza gh ufus azelmâd
Ku yan d ikenna sas yumer mulana at ig
Illa kra izzri radyu bbin as ahêbûd
Aman d uzekkif as ukan iàic ihêmd
Lmakla tujad ifek at Rebbi ghar iccîd
Walayni meskin allen as tend ittemnid
Kaygat sêbâh izri fellasent ttêbib
Wanna ukan igan i ddwa ifek asen tid
Wanna ra yafûd leksut nnes ad i tujad
Ass n ljamà lligh ilkem dduhr ha lâhbab
Ku yan d lfamila nnes ikka yasend jjenb
Illa kra yusi d akw gh ufus ad ulla ghwad
Illa kra yiwin meskin adîl ula lluz
Illa kra meskin ur dars illi uhêbib
Ula lfamila man sis ittagan iqnêd
Izayd asen wattân lxuf iggi wayyâd
Illa kra inna s aldemsir ifta ddûr ad
Ur a smussun adâr ula afus ula jjenb
Ula aghrûm ur as akw izdâr at izzuguz
Ghar lêhlib ad as igan zud arraw n waghâd
Walayni ghikan ijra yagh ur igi lekdub
Ullah amk akw nnigh is ra sul nghwi rribab
Ula ar sul nttidu f wakal ar nttelàab
Walyni Rebbi iàfa agh lhêmdu lillah
Mlawkan ufigh a nbid a sul nziggiz
Nsamêh i tûmubil berragh lbacklîd
Ula lmutûr ras neg ghar adâr nefjjij

Rebbi zayd i uggug n icelHiyyn[edit]

Rebbi zayd i uggug n icelHiyyn
a kullu sun igigiln aman
ad ur afn imHsadn kra ran
a s mqqar d imurig n tcelHit
ar asn skarn DDid a ur ilin
a yan iHsadn mad akkw tiwit
Rebbi gigh-tn d umazzal f làin
nttan a iran a yyi-d ifk aman
igh ak ifka Rebbi gers kiwan
igh ak ikks ur ra k-id irHem yan
ullah ard nettlàab acku ferHgh
ar agh itziyyad Rebbi gh tifawt
ghaylli s righ ad tn gagh nelkem-tn
a hann ir gingh taguDi igh mmutgh
yak nfel-d làezz i icelHiyyn
aynna Zrigh is nDemgh fellasn
ur akkw nkSuD kra ad agh sul ingh
a Dufagh nit anuD nkcem sersn
takat d uzzal ad gisn illan
walaynni ddell iggut fellangh
Dufagh nit lbaDl s tiTT inu
manik rad agh ig ad fissagh
a ddunit yak ur ra gis ghamagh
yuf ad-d felgh làezz i icelHiyyn
irebbayt a laHbab igh ka mmutgh
ar iyyi tsellam ad agh trHemm
a yan ittZallan ad ur tallat
Rebbi ra k gin gh làizz igh tmmutm
yak nnbi gh lHadit nnan
igh iZZul yan illa gis lxir
aHH a wakwak mradd is tellamt
a lixert s rrecwa d ismummuyn
a talla kra ghilad urta mmutn
imma zund nkkin nga akkw tikiwt
nkkin lli ur iTTafn lgerc tama nu
mas nghwZan i DDid igh-t nsawl
ghar is ka smuttulgh taqqurt

ur nsamH i baris[edit]

Ur nsâmêh i Bariz, ur nsâmêh i Dinor
ula Beljika, iwin lahêbab lli darngh …
I rebbi amt a tilifun rar yyid awal …
A ndâlb i walli f njla a yyid lkemen…
Imma ladris lli yyi ifka haqqan dêrn agh….
Igh ukan d itengh iggawr, ijmàa d itengh…
Bennaqs n têmà, ula kra ra yyid awin…
Allah ukbar a winu, izerb umuddu nnun
Ur nsâmêh i têyyara tga yyi zud ukan
Lmisan, wanna gis iftan, ur ad urrin
Ad ukan zêrgh kra ar ix ten tusi, dêrgh akw
I mRebbi s yan ukan ijlan, a tid irar
Ghass lli ghd ukan nekka Jradâ, kad allagh
A s umarg ukan n lahêbab, a lli gisent
I mRebbi a Clûh ukan n Jradâ, a kun dawmen
Yan ixdmen gh laghar ula luzinat
Ur nsâmêh i Bariz, ur nsâmêh i Dinord
Ar ukan tallat a izêri inu zud làin
A lligh ur nufi willi nra a d isen gawrgh
Ur ak nesmîh a têmàa, bdân yyi d itun
Âh yan mi idda wins, ur a ten zêrran
Meqqar as d ittazn, kra igat ass, adînar
Igh ukan d is ur iggawr, ur a ten hemmun
Ur nsâmêh i Bariz, ur nsamêh i Dinor
ula Beljika, iwin lahêbab lli darngh
A yan ismun Rebbi d uhêbib lli d imun
Meqqar iswa ghar aman ur ad allan
A han lefraq, axuti, iga zud lmut
A yuf ak yut kra s rsâs, netta d lmut
Igh ifka afus inna awen, Llah ihnnik
Ur nsâmêh i Bariz, ur sâmhêgh i Dinor
Llah ar d ak idêr ils nnek, ibadl llun
Iflt-id zud igigil, tasa hêrgnt as
A tamunt n f Rebbi tuf Sus ula Azaghar
Anwwac d umhêsad, ur gis issugr yat
A tamunt n tmà, a kkûz ussan a gisent
A yan ibdâ Rebbi d uhêbib nna d imun
A ukan isêbr bezziz, ar-d asent-id irar
Ur nsâmêh i Bariz, ur nsâmêh i Dinor
ula Beljika, iwin lahêbab lli darngh
A taggugt a Bariz, rja illa g itun….
Ad ukan dagh kwtigh lahêbab lli g itun…
A wi-lli k yusin a ssiàr, ula ddîd nnagh…
Inna gh nehdêr, mund akw fella, gabeln agh…
Imma yan srgh ur ifrhên, ur yyi hemmin
A Llah ur ta lkemgh, ula ar sisen siggilagh
Nga zund làanber, ligh nit atig rsîgh
A wanna iran isafarn, ar yyid issagh…
Lmagharba, ra kun dagh nussâ s imi nagh
Mmagh at f lmahîbba, ula kemm a ttifaq
Ku yan gitun ad ur ittu ghin gh ilul
Ku yan gitun ad ur nâkrn arraw nnes
Wanna ur ittâfen darsen, manit iran ?
Lxarij, han ur idum, ira t akw neffugh
Wanna ur ittâfen darsen, mani t iran ?
Meqqar a nessa gh tmazirt inu ghar aman
Ufen tini d lluz n Swis, ula Alima
i mRebbi a Lmaghrib, a yyi giwen ur ihêrm aman
Ad ukan ditun nggawr ar ass an nemmut

Tissfifin[edit]

  • Uznɣ tbrat
  • Ur nsamḥ i Bariz
  • Umɣ s rbbi
  • Wanna ur issen i ḍrb
  • Rbbi zayd i uğug n iclḥiyn
  • Mqqar ukan allaɣ
  • Lḥub immim iga daɣ win ljdid
  • Lḥij
  • Lḥenna
  • Lkṣida
  • I rbbi a lwarḍ
  • Buttaks
  • Awi sslam
  • Aṭṭan ay ga uḥbib
  • Alla iεawn a yan igan mammi tid niɣ
  • Aḥbib inu mad trit
  • Ağurn
  • Ad ur tallat ar allaɣ
  • Ad amenɣ s rbbi
  • Awinnaɣ luḥat id ifasn
  • A walli nra ɣ lqqlb

ⵉⵙⵓⴳⴰⵎ[edit]

  • Azawan.com
  • imurig.com
  • souss.com

ⴰⵍⴱⵏⵙⵉⵔ ⵖ ⵓⵙⴰⵢⵙ ⴰⵎⴳⴰⵡⵙ ⵡⵉⵏ ⴱⵓⵛⵛⵟⴰⵔⵜ

https://web.facebook.com/184489448666150/photos/a.184914358623659/626100337838390/?type=3&permPage=1

https://web.facebook.com/amgaws.bouch/videos/613800235699566