Wp/shi/Agllid n Tagant

From Wikimedia Incubator
< Wp‎ | shiWp > shi > Agllid n Tagant
Jump to navigation Jump to search

AGELLID N TAGANT


Gh yat tagant, gh llan gigan d imudar, izdegh yan illu igan murran iceqqan d yan ugdîd igan igzi icâtern. Kraygat yan gisen ar inettel mas d nettan ad igan agellid n tagant. Yan wass inna illu i uwegdîd : " Sewingemgh gh yat tgharast wanna s tt iskern, nettan ar ad ig agellid... "

Iseqsa t ugdîd :

  • Mamenk ad tega tgharast ann ?
  • Wanna iswan kigan d waman nettan ara t ig...
  • Mac manza za aman ann ?

Ddun ssentin asnubbec ar ttellin s waman ayellighen ufan yan ill..Agdîd nettan issen is ad izzigiz ill d is a itteddu d ar d iffal idgharn ganin ayyarn. Isawl ugdîd : " smaqqel, llan ghid kigan d waman, keyyin ar ad izwur a ten tsut acku keyyin ad igan ameqran ! "

Iddem illu tazellumt nes ar issa, agdîd nettan issen ma isker, isekkus gh usklu ar d ittini : " Aywak ay illu...ayhayya nnek zdârgh ad sugh uggar n ghancek nna!!! "

Illu ar issa ar dagh issa, ighel ukan ar issa. " Mac, yini yas ugdîd,keyyin ur a tessat...Hann aman ar d aqqelayn !!! "

Illu ar ukan sul issa, mac iggummi ma isenfisil acku aman n ill ar d ukan aqqelayn, isakk iremi ur yad izdâr i walu...Agdîd ar itteql ayelligh senfln waman n ill...Tizi lligh a tturrayn ar ffaln idgharen ganin ayyarn.

Agdîd ar iskar is a issa, ayelligh kullu ddan waman, issumten umlal, iddu dar illu inna yas : " Tzêrit mad ewigh ?! "

S tigzi nnes as iga ugdîd agellid n tagant, agellid nnes n kraygat ass.