Wp/shi/Agadir Uflla

From Wikimedia Incubator
< Wp‎ | shiWp > shi > Agadir Uflla
Disambig colour.svg Iɣ ur igi ɣwad amgrad nna tsiggilt, kcm s tasna n Agadir bac ad tẓrt akk imgradn nna dar illa yism zund ɣwa !

Agadir Uflla
ⴰⴳⴰⴷⵉⵔ ⵓⴼⵍⵍⴰ (taclḥit)
Agadir ruines Kasbah 0001.JPG
Ixrban n Agadir uflla
Asmnid
Anaw Iɣrm
Asggwas 1540
Tasut Tis-sḍis d mraw
Tarakalt
Tamazirt Flag of Morocco.svg Lmɣrib
Tasga Sus-Massa
Tamnbaḍt Agadir-Idawtanan
Tamdint Agadir
Takarḍa

Iɣrm n Agadir Uflla iga yan ugadir bahra ittawssan ɣ tmazirt n Lmɣrib, ila atig dar imzdaɣ n Ugadir d iṭṭaf yan umzruy imqqurn, ɣin aɣ tn tkka tamdint taqburt n Ugadir, iḍr d gis bzzaf mur zlzal lli d izrin f tamdint ad ɣ usggwas n 1960, iga d ɣila ɣar ixrban.

Aẓur n yism

Ism nns d ittawsan ddu wassaɣ n Agadir uflla, li d ikkan tutlayt taclḥit, ɛnan sis agadir lli d illan ɣ uflla, acku illa iɣrm ad ɣ iggi yan udrar illan ɣ tuẓẓumt n lmdint, d ar itbayyan zɣ izddar zund iɣ illa ɣ uflla. Gan as yism ad n Agadir uflla. d nttat nit aɣ tusi tamdint n ugadir yism nns aylliɣ tga ɣila s yism Agadir.

Amzruy

ittuyssas iɣrm ad n Agadir Uflla ɣ usggas n 1540 s ifassn n uṣulṭan Muḥammad Ccix Ssaɛdi fad ad itḥkkm ɣ imnɣi nns mgar ibrṭqqiziyn lli d israqrrn ddu udrar ɣ usggas n 1470 lliɣ tn kkan ar tllin s ubrid s Lhnd. Bnnan ɣ uftas taman yill yan ugadir ɣ udɣar nna ɣ tlla tuddurt n Funti ɣilad. d bnan ula ɣ taman udrar yan lburj yaḍn fad att sis ḍufn. Ɣayd ad yujjan Isaɛdiyn ad bnun iɣrm ɣ afa n udrar ann nit.

Manka s ittuybna iɣrm

Ittuybna iɣrm zɣ umzwaru fad ad sis mmaɣn bac ad sis ḥmun tamdint d uftas nns zɣ irumiyn d ubrrani.

  • Asggʷas n 1505: Isrs-d Aqḍban abrṭqqizi Jwaw Lupiz Di Sikwira iẓṛan imzwura n ubnnu n yan lqlɛa imẓẓiyn fad ad iḥmi aɣbalu n waman mmimnin.[1]
  • Asggʷas n 1511: Hjmn tiqbilin tisusiyin lhujum nnsn amzwaru f ibrṭqqizn lli d istaqrn ɣ ugadir.
  • Ɣ usggʷas n 1513: Isɣa ugllid abrṭqqizi Manwil Amzwaru agadir ann mẓẓiyn d iga y'as s yism Santa Kruz Di Kip Di Jir ("Santa Kruz Du Kapu Di Ajwir")
  • Asggʷas n 1536: Iɛln aṣulṭan alqaym bi amr llah assaɛdi s imnɣi mgal ibrṭqqizn aylliɣ yumẓ iwis Muḥammad Ccix Ssaɛdi f tamdint.
  • Asggʷas n 1540: Yaɣul-d nɣ yuḍa-d Muḥammad Ccix nttan aygan amɣar anbbaḍ, ibna iɣrm, iga y'as ṣṣuṛ bac ast iḥṣn, d isḥiyyl gr 40 ar 50 mikḥala bac ad dafɛn f tamdint.

Iɣrm lliɣ sul tgadda

VLC Icon.svg Tagzzumt ad txwa ur gis illi yat d ur gis ittyura amya, Aws ɣ tirra n tgzzumt ad ! Manka rad skrɣ ?

Iɣrm ɣilad

VLC Icon.svg Tagzzumt ad txwa ur gis illi yat d ur gis ittyura amya, Aws ɣ tirra n tgzzumt ad ! Manka rad skrɣ ?

Tiwlafin

Iɣbula

  1. https://www.geni.com/people/Jo%C3%A3o/6000000016531741942