Wp/shi/Agadir

From Wikimedia Incubator
< Wp‎ | shiWp > shi > Agadir
Jump to navigation Jump to search
Disambig colour.svg Iɣ ur igi ɣwad amgrad nna tsiggilt, kcm s tasna n Agadir bac ad tẓrt akk imgradn nna dar illa yism zund ɣwa !

Agadir
ⴰⴳⴰⴷⵉⵔ (tamaziɣt)
Agadir oufella.jpg
Sunset.agadir.jpg
Cornich agadir.jpg
Panorama Marina Agadir 2020.jpg
Kran tiwlafin n tiɣrmt n Ugadir
Tamssugurt
Tamazirt Flag of Morocco.svg Lmɣrib
Tasga Sus-Massa
Tamnbaḍt Agadir-Idawtanan
Taraɣrft
Asmɣrf Ayt ugadir
Imzdaɣ 421 844 (2014)
Asit n lweb
http://www.agadir.ma/
Yat twlaft n taɣart n ugadir d ugadir uflla ɣ 2005

Agadir tga yat tiɣrmt imqqurn illan ɣ iffus n Lmɣrib ɣ tasga n Sus. Tlla tiɣrmt ad ɣ 508 km ɣ unẓul n Tigmmi tumlilt, d 173 km i Taṣṣurt, d 235 km i Mrrakc.

Uggar n 421 844 n mddn zdɣn ɣ Ugadir , d uggar n 600 599 n mddn zdɣn ɣ Agadir-Idawtanan. Kṛaḍ n tutlayin ad sawalen imzdaɣn n Ugadir : Taclḥit, Taɛrabt tamrrukiyt ( Darija ), Tafrasist.

Ar nttini i imzdaɣn n Ugadir " Agadiriyin " s tɛrabt , d " Ait Ugadir " s tamaziɣt .

Aẓur n yism[edit | edit source]

Agadir iga yan wassaɣ amaziɣ ammak nns igat iɣrm akcraraḍ nɣ tazqqa n ujmu d imndi ... , d llan tugtt n wassaɣn aḍnin i tɣrmtt n ugadir zzɣ tasut tiss smmust d mraw , gisn mad igan win imzdaɣ zund "agadir n iɣir" , "agadir n lɛṛba" , "lɛin n lɛṛba" , "tigmmi n lɛin n lɛṛba" , "tigmmi n uṛumi" . d llan wassaɣn lli yas gan imdduryn slawan t akk ibrdqqizn zund : Santa cruz de Ague Santa Cruz du cap do ... . d llan wassaɣn aḍnin lli ittyafan ɣ tikrṭa d tnfulin tiqqburin . d rad lkmn wassaɣn ad mann yaẓn i 20 , macc tugtt nnsn ur sul ttyssann . ɣilad ur sul ɣaman amr sin ɣ wassaɣn ad gantn "agadir" d yan wassaɣ aḍnin art ttinin i yan ɣ iḍuṛan n tɣrmt igat "funti" .

Amzruy[edit | edit source]

Azmz Abrtqiz[edit | edit source]

Ɣ 1505, lliɣ yad rsan ɣ kigan n tɣarin timerrukiyin, bnan ibertqizen yat tgadirt d yan umaris n tsebbabt tama n yill, ɣ izddar n wewrir ɣ illa Ugadir-ufella, iga s yisem Santa Cruz do Cabo de Aguer.

Tassast n ugadir[edit | edit source]

Tawlaft n uɣrrabu aliman SMS Panther

ɣ 1911, tssufḍ Lalman yan uɣerrabu s Ugadir ilan s yisem SMS Panther, ayad yiwey-d yan umukris adiblumasiy meqquren ger Fransa d Lalman, ar as ttinin Tassast n Ugadir, neɣ Tassast tamerrukiyt tiss snat.

Ɣ usggas n 1911 issiw uɣrrabu almani "bantr" ɣ tɣrmt afadd ad iḥḍu ilmanin zdɣnin ɣ ugadir , mayad add yiwin aylliɣ tlla tassast n ugadir ngr fṛansa d almanya , ɣaylli d yiwin ad tssuḍrer fṛansa is tsdurri maṛṛa amṛṛuk ɣ usggas n 1912 .

Amussu n wakal ɣ 1960[edit | edit source]

Ɣ 29 fabṛayr 1960 ɣ ugad wiss 11 d 57 n tusdadt n yiḍ , immuss wakal n ugadir , ɣaylli d iwin arkiɣ tndl tɣrmt . d ɣ 15 n ultu ittymḍal mad izrin 15.000 n ufgan . lliɣ izri unggza n ugadir inna ugllid muḥmmad wiss smmus : «لئن حكمت الأقدار بخراب أكادير، فإن بنائها موكول إلى إرادتنا وعزيمتنا» , nɣd : « iɣ izzurf urtum andal n ugadir , tuska nns tlla f waqqas nnɣ d umummi nnɣ » ityska ugadir amaynu ɣ 2 km ɣ iffus n ugadir taqqburt . tiɣrmt tamaynut s ibridn nns ibarawn d tiskka nns timaynutin d tbrnaṭin nns ur tga zund tiɣrmin tiqqburin n umṛṛuk . d nttat ad yiwin taskflt tiss snat ɣ tmallayt ḍaṛat amuṛṛakkc s ugalaz n uftas nns ibuɣlan d ignna nns aẓrwal . yuckad ɣ tiṭṭan lli ittyskarn masdd anadal lli yutn agadir iga walli bahra iggutn , lliɣ yut unngza tugtt n iḍuran ns (talbdjt , lqṣbt...) , d idɣarn ad darsn yan unbḍu immrwasn , att igan d usttiɣ lli illan ɣ ddu wakal , lli immntln ɣ mad izrin i tugtt n tmukrisin ɣ tdffurt n wakal , macc ɣ usggas n 1960 illa yakk umussu n wakal lli immntln i unadal n tɣrmt . ḍaṛat amngas lli yutn agadir ɣ wass n 29 fabṛayr 1960 , iḍṛd uṭṭun n imzdaɣ zzɣ 45000 ar 16000 .

Asilel n tɣrm[edit | edit source]

Inna ugllid muḥmmad wiss smmus : «لئن حكمت الأقدار بخراب أكادير، فإن بنائها موكول إلى إرادتنا وعزيمتنا» , nɣd : « iɣ izzurf urtum andal n ugadir , tuska nns tlla f waqqas nnɣ d umummi nnɣ » . tlla tɣrmt n ugadir ɣ yan udɣar irxa ad gis ilin imussutn n wakal , d ɣayad af ttyska tɣrmt n ugadir tamaynut ɣ 2 km ɣ iffus n udɣar nns aqqbur .

Tarakalt[edit | edit source]

Idɣarn yaẓn i Agadir
Tamraɣt
Awrir­
Agaraw Aṭlasi Agadir Drarga
Dcayra
Inzggan
Taggurt n ugadir-uflla

Agadir Uflla[edit | edit source]

Crystal Clear app kdict.png Imgradn lli yas iḍfarn : Agadir Uflla

Iga Agadir Uflla yan ugadir ibna t ugllid Asɛdiy Ɛabdllah Lɣalb ɣ 1572. Ittyawbna ɣ iggi n ya wawrir yattuyn s 236 m. Awrir ad ittyara ɣ tsga nns ifkan i iffus s tɛṛabt: "Allah, al-watan, al-malik ", « Rbbi nɣ Akuc, Tamazirt, Agllid ».

Ittyara ɣ taggurt n ugadir ad s thulanḍiyt "Vreest god ende eert den kooning ", anamk nns iga t : « kṣuḍ ṛbbi, twqqrt agllid ».

Taɣarin[edit | edit source]

Gan iftasn n ugadir yat taɣawsa lli bahra yiwin tiṭṭ n imallayn d willi bahra tirinin tisggiwin n Sus. Tili taɣart s yat tiɣzi n 07 km d uggar. Mac iɣ ira yan ad iẓr iftasn taɣarin lli bahra icwan, illa fllas a'nn yitti f tmdint yamẓ aɣaras n Taṣṣurt. Ɣin ran yaf uggar n 20 n taɣart nɣd aftas. Ig uftas n Taɣazut yan ɣ iftasn lli baḥra ttuyssanin, yili sisn uḍar d umuddu. A'nn ka zrit Taɣazut s yan smus id kilumitr ran taft aftas abuda lli mu smman ihippiyn "Paradis plage " nɣd « Iftasn Ljnt ».

Anzwi[edit | edit source]

Iḍfuṛ ugadir i unzwi anammas , d unzwi zund win tnzruft ɣ yat tizi , d ar bahra ttɣama tskʷflt n trɣi ɣ mad yaẓn i 20°C . zund tiɣrmt n nirubi ɣ kinya . ar izray ɣ tɣrmt ɣaylli mu ttinin "ccrgi" . d igat kra n waḍu lli d itkkan tanzruft d ar ittmntal ɣ uzrruy n tskʷflt n trɣi ard tzri 40°C .

Agadir
Ayyur Innayr Fibrayr Mars Abril Mayu Yunyu Yulyu Ɣuct Cutambir Uctubr Nuwanbir Dujanbir
Aklis n lḥma 32 31 36 39 45 46 49 48 45 39 37 32
Aklis n uṣmmiḍ -2 3 5 7 9 10 12 13 8 5 2 0

Tadmsa[edit | edit source]

Tamallayt[edit | edit source]

Iga Ugadir yat temdint li bahra ituyssan s tmallayt ɣ tmazirt n Umerruk. Ar tid ittwattasn gaygan du amalay ɣ kraygatt tasga a ɣu amadlan, gin ifransawiyn imzwura li bahra issusam Ugadir, tab3antnin ilalmaniyn s ingliziyn. Imallaynad gan sɣ wanaw n imallayn li itllinin s iftasn d tafukt.

Tudrt n il d twuriwins[edit | edit source]

Yat ɣ tiwuriwin timuqqranin n il tsalan middn n ugadir tisggiwin gantn tiwuriwin n il. tli ɣ ugadir lmrsa tisnat lmrruk, tili fkrat wal, talmrzat n tmallayt, talmrssat n srdil d gmrt islman d lmrsa tamaynut ntsbbabt.

Asslmd[edit | edit source]

Tella ɣ Ugadir Tasdawt n Ben Ẓuher, yat zeɣ tesdawin timeqranin n tmazirt. Tumey taɣiwant n iḍbiben, tin tussniwin, tin tussniwin tizefanin, tidemsanin d tinamunin, tin tussniwin tinefganin, d kra n tmersal yaḍnin n usslemd anfella : ENSA, ENCG, d ESTA.

Tadlsa[edit | edit source]

Ar ttyaweskaren kigan n inmuggaren ɣ Ugadir, gisen :

  • Anmuggar n Tmitar : Isman aẓawan n ayt Sus, win imaziɣen, d win Lmɣrib s umata, wala win umaḍal. Ar ittili kraygat useggʷas ɣ tzwiri n Yunyu.
  • Anmuggar n La Tolérance : Ar ittili kraygat aseggʷas d ar ittekka ɣar yan yiḍ.

Tamallayt[edit | edit source]

Taɣart n ugadir, ɣiklli d 'ttbayan zɣ ugadir uflla

ttwayssan tɣrmt n ugadir lli yaẓn i ugarw aṭlanti s unzwi nns amnumms , d tiɣzi n uftas nns lli izrin 30 kilumitṛ , d umlal nns awraɣ , d tfukt nns ismrɣan uggar n 300 n wass ɣ usggʷas , ma yad ad stt isslkmn i yan uswir bahra yattuyn ɣ tmallayt , lliɣ llan tugtt n izugaz imqqṛann ɣ tama n uftas nns , lli dar llan tugtt n ibridn rẓmnin f uftas . ɣiklli ttwayssann izugaz n ugadir s uzdduɣ amṛṛuki d uzdduɣ amaynu , d tnufa n tunnunt , d tnufa n ujejji n tdusi .

Aftas n ugadir[edit | edit source]

Iga uftas n ugadir yan ɣ iftasn bahra iẓiln ɣ umṛṛuk , lliɣ ẓḍarn imallayn ad gis skrn tugtt n iẓwarn zund isardabn n tafukt d ussudu n isan d tunnunin n waman d igiwr ɣ tbrnaṭ n iggi n uftas .

Urti n ulhaw[edit | edit source]

Iga irti n ulhaw yan urti bahra iẓiln lli s a fttun tugtt n imallayn afadd ad gis zzrin yat tizi n tayri , ɣ yat tmust ifulkin .

Asif n waylaln[edit | edit source]

Iga yan urti n imudar amẓyan , lli indazn s maṛṛa inawn n waylaln d igḍad , d kra ɣ imudar aḍnin , d tlla f kra n izmmuẓẓal zg uftas , ar d sis ttackan imẓyann ula imqṛann . afadd ad ẓṛn igḍaḍ d waylaln , issann fllasn kra n inɣmisn . llan urti yad tugtt n wanawn n waylaln d imudar , llistt yujjan ad taf urtan aḍnin n umṛṛuk . d ɣ isggʷasn ad ggʷranin , irẓm urti tiggura ns fabur ɣ udm n imzdaɣ d imallayn .

Asays n leamal[edit | edit source]

Asays imqquṛn ɣ tiɣrmt n ugadir , ar gis ttilin tugtt n imwirn d inmuggarn d imussutn lli ittawsn afadd ad tlkm tɣrma tamṛṛukit d tɣrma tamaziɣt yan uswir yattuyn , zund anmuggar n timitar lli d ittawin tugtt n inuẓar zzɣ Amṛṛuk slawantt akkʷ Sus , d wyyad zzɣ timura yaḍnin .

Agadir n uflla[edit | edit source]

Iga yan udɣar zɣ umzruy tlla yad gis tɣrmt taqqburt , macc yan ugzzum mqquṛn zgis indl s ummntal n umussu n wakal lli yutn tiɣrmt ɣ usggʷas n 1960 . illa ugadir n uflla ɣ iggi n yan udrar lli dar 236 mitru ɣ tɣzi f tsna n yill .ɣ iẓẓlmd n tɣrmt n ugadir . ittyskar ɣ usggʷas n 1540 f ifassn d unmɣuṛ Muḥmmad Ccayx Ssaɛdi .

Tiwlafin[edit | edit source]

Iɣbula[edit | edit source]