Wp/shi/Adrar n Lkst

From Wikimedia Incubator
< Wp‎ | shiWp > shi > Adrar n Lkst
Adrar n Lkst

Adrar n LkstAfa n tmzgadiwin iga yan udrar illan ɣ tsga n Sus-Massa, irwas izd nttat ad igan ixf n idrarn n Sus s yat tiɣzi tlkmd 2357 m[1]. Adrar ad yuckad ɣ gr idwarn n Ammln n Tfrawt d idwarn n Ayt Ṣwab. Ittuysan bahra s agayyu n ugrzam acku iɣ tt tẓrit ɣ azal ɣ tasga n Tfrawt ar ak gis itbayyan yan ugrzam zund is gis ittuynḥat[2]. Adrar ad dars yan umzruy imqqurn mac idrus mad fllas nnsn ɣ ussan ad.

Lkst d igizuln

Ur imkn ad isawl kran umara f ugdud n igizuln bla ad ibdr udrar n Lkst lli igan tamazirt nnsn ɣ mad izrin. Ɣid kran id bumzruy isawln f tamazirt n Igizuln d ma fllas nnan[3]:

  1. Ibn Saɛid (1214) inna masd asif n Sus, asif n Massa d tin Nun, kkan-d kullu idrarn n Lemta d umutti nns, win igizuln. Ur iẓḍar ay’g abla idrarn n Waṭlas Mẓẓiyn.
  2. Marrakci (1224) isawl-d f tamazirt n Igizuln nna d igan Al Kosta tamaẓunt nns, amma tin Lemta tga tt Nul Lemta (tasna. 309). Nul Lemta tga tt tamdint n wasif n Nun lli tn ikkan ɣ-akud-ann iga s yism Tagawst, d Ksabi.
  3. Baydaq isawl-d f igizuln n udrar n Lkst nna ɣ nufa Al Kosta nna f isawl Marrakci d nna s nufa att nzdi d xtanna s tirxi. Iga yism n ugzzum anammas n Waṭlas Mẓẓiyn nna ɣ illa afa n tmzgadiwin (izig n Lkst), gr ayt Wactukn ɣ ugafa d ayt Ammln ɣ iffus. Tamdint n “ Lkst “ n Baydaq d “ Al Kosta “ n Mrrakci ẓḍarn ad ilin ɣ tmnaḍin n udrar ad
  4. Leon Afriqi (tasna. 7) inna masd Gizula ay’gan tagzzumt tamiridyonit n Sus Al Aqṣa. Gizula iga tt yism n idrarn nna izrayn ɣ tsga y’ad.
  5. Ɣ tamggarut, arra n Hawdigi (tasut tis-XVIII) ibdr kran ismawn nna ɣ nufa wassaɣ n Al Jazuli Al Lakusi nna d iskarn lqqnḍṛt gr imaratn n tasut tis-XVI d ism nns n ɣilad: Adrar n Lkst d Waṭlas Mẓẓiyn anammas.

Isaɣuln

  1. ( en ) Jebel El Kest : climb-tafraout.com
  2. ( fr ) Maroc-tourisme-rural.com : Tete-du-lion
  3. Les Archives Marocain - Sidi Ahmed Ou Moussa - Guezoula