Wp/shi/Aṭṭan n Kuruna ɣ Lmɣrib

From Wikimedia Incubator
< Wp‎ | shiWp > shi > Aṭṭan n Kuruna ɣ Lmɣrib
Takarḍa n Lmɣrib d uṭṭun n imdyatn n imuḍan s waṭṭan n Kurunafirus ɣ kra-iga-tt tasga. (Ass n 9 cutanbir 2020 dar 18:00 UTC)      +300 umdya     +1000 umdya     +3000 umdya     +7000 umdya     +10000 umdya

Aṭṭan n Kuruna ɣ Lmɣrib 2020 iga yat tgzzumt n waṭṭan amaḍlan n tmaḍunt n Kurunafirus 2019 (Kufid-19) lli d ittuqɛun s ssbab n tmaḍunt n Kurunafirus 2019 (SARS-CoV-2). Ittuysjjal amdya n amuḍn amzwaru ɣ tmazirt ɣ wass n 2 Mars 2020 ɣ tamdint n Tigmmi tumlilt.[1] Iga lḥal amdya n yan unmuri amɣribi izdɣn ɣ Birɣamu ɣ Ṭanlyan, yuḍa-d s Lmɣrib ass n 27 Fibrayr. Amdya wis-sin ittusjjal ula ntta ɣ Tigmmi tumlilt s wussan idrusn dat amzwaru, iga lḥal yat tfqqirt tamɣribit iṭṭafn 89 usggʷas ula nttat tkka-d Ṭanlyan. Lliɣ intacr waṭṭan ad bzzaf ɣ ugns n tmazirt ɣ tuẓẓumt n wayyur n mars 2020, tqqn tanbaḍt tinmal d tsbidd imuddutn n ignna.

Ɣ tmi n 31 dujanbir 2020, ittuysjal 439.193 umdya sgitn 7388 ad immutn d 407.504 ijjin.

Tasnakudt

Dat sin imdyatn isddidn ass n 2 mars 2020, yan umdya wis-kraḍ rad ibayyn askka nns, ḍuṛ ad iga lḥal amdya n yan umlulluy afransawi iddan ad izzrin tigga nns ɣ tmdint n Mrrakc, ɣ-ass-ann nit a'ɣ tmmut tafqqirt ann iṭṭafn 89 usggʷas.[2] Ass n 11 mars, ittubrraḥ mas d tmɣart d yillis n umlulluy afransawi ula nttni ɣlin gan umnign s waṭṭan ad, sliɣ lkmn ɣ-akud-ann s 5 imdyatn ɣ tmazirt.[3] Ilmma, ɣ-ass-ann nit, ittubrraḥ s yan umdya wis-ṣḍiṣ, iga lḥal yat tmɣart iṭṭafn kra n 60 usggʷas d kra tucka-d zɣ Fransa d kkan-tt-inn dars tmukrisin n wunfus ass n 7 mars. Ass n 13 ɣ wayyur n mars nit, sin imdyatn bayn-d: Yan umɣribi n 39 usggʷas yuḍa-d zɣ Ṣbanya d yat tfransawit n 64 usggʷas.[4][5] Tujjit n imdyatn ad kullutn tbdr tn tamawast n tdusi.[6]

Ass n 14 mars, 10 n imdyatn imaynutn ad izuydn, ikcm disn ula amawsas amɣribi Ɛabdlqadr Ɛamara, ssɣlin s ɣikkad umḍan n imdyatn ɣ tmazirt s 18 imdyatn.[7][8] Ass n 15 mars, 10 n imdyatn imaynutn ilan ufirus ad ayd daɣ izuydn, ssɣlin s ɣikkad umḍan n imdyatn ɣ tmazirt s 28 imdyatn.[9] Ass n 16 mars, 9 n imdyatn imaynutn ad izuydn, Ass n 17 mars, lmut n wis-sin n umdya s ssbab n waṭṭan ad ɣ tmazirt d yan umɣribi yurri-d zɣ fransa iɣli-nn ig umnig i tmaḍunt.[10] Ɣ-ass-ann nit , 6 n imdyatn imaynutn ad izuydn, ssɣlin ilmma umḍan n imdyatn ɣ tmazirt s 44 imdyatn.[11][12] Ass n 18 mars, 10 n imdyatn imaynutn ad izuydn, d sin imdyatn ad ijjin zɣ waṭṭan n kuruna, ssɣlin daɣ umḍan n imdyatn ɣ tmazirt s 63 imdyatn.[13][14] Ass n 20 mars, lmut wis-kraḍ ad tbdr tamawast d 16 imdyatn imaynutn. Ass n 21 mars, 7 imdyatn imaynutn ad izuydn, ssɣlin s ɣikkad umḍan n imdyatn ɣ tmazirt s 80 imdyatn.[15][16][17] Ass n 21 mars 2020, dar 00:30 n di-yiḍ, 7 imdyatn imaynutn ad izuydn, ssɣlin s ɣikkad umḍan n imdyatn ɣ tmazirt s 86 imdyatn.[18][19][20]

Ẓr ula

Tiɣbula

  1. فيروس كورونا: تسجيل أول إصابة في كل من السعودية وتونس والأردن والمغرب - Bbc.com
  2. MATIN, M. Se, LE "Le Maroc annonce le premier cas de décès du nouveau coronavirus" Le Matin
  3. «Deux nouveaux cas confirmés de coronavirus signalés au Maroc» MAPnews
  4. "Two new confirmed coronavirus cases reported in Morocco" MAPnews
  5. Covid-19 un 8è cas confirmé au maroc par le ministère de la santé9 MAPnews
  6. Coronavirus-first-confirmed-case-morocco-cured-ministry-health MAPnews
  7. Covid-19-9-new-confirmed-cases-morocco MAPnews
  8. Minister-equiment-diagnosed-coronavirus MAPnews
  9. Covid-19-11-new-confirmed-cases-morocco-ministry-health MAPnews
  10. Maroc-9-nouveaux-cas-annonce-le-total-grimpe-37 Le Desk
  11. Morocco-reports-second-death-coronavirus MAPnews
  12. Covid-19-6-new-confirmed-cases-morocco MAPnews
  13. Covid-19-5-new-confirmed-cases-morocco-49-total-ministry-health MAPnews
  14. Coronavirus-54-confirmed-cases-coronavirus-so-far-minister MAPnews
  15. Covid-19-three-new-confirmed-cases-morocco-66-total-ministry-health MAPnews
  16. Covid-19-eight-new-confirmed-cases-morocco-74-total-ministry-health MAPnews
  17. "Coronavirus : 79 cas confirmés au Maroc" Article19.ma
  18. "Coronavirus: le bilan monte à 86 cas confirmés au Maroc samedi à 00h30" Media24
  19. Coronavirus-second-case-recovery-morocco-ministry-health MAPnews
  20. Covid-19-63-confirmed-cases-morocco-including-2-deaths-and-2-recoveries-ministry MAPnews