Wp/shi/ⵍⵃⴰⵊⵊ ⴱⵍⵄⵉⴷ

From Wikimedia Incubator
< Wp‎ | shiWp > shi > ⵍⵃⴰⵊⵊ ⴱⵍⵄⵉⴷ
Jump to navigation Jump to search

Iga Lḥajj Belɛid yan rrayes amaziɣ igan u Sus. Ilul ger 1870 d 1875 ɣ Wanu n ɛeddu ɣ Idawbaɛqil, immet ɣ 1945.

Haj blεid ieggasn n 1933

Iga gh tmatarin mqqurnin n usnulfu amazigh gh tasga ittuyassann ghilad s Sus, negh illa gh ttyawsawal tcêlhit. Ur nssen kigan gh umezruy nnes mqqar nezdâr ad nini mas tman d isnifilen ixataren lli issen ifus n Merrok gh tasutin ad gguranin zegh mad gguran imgharen mqqurnin saten ar ttrêzan inkan llif tebidd tametti taqburt ar srusen iwutta n insayen d temyurin yâden inmalan d tudert ingwan gh tgadirin nnesen mqqurnin. Rad inigh, mas d lligh d gguran imgharen mqqurnin zun d Ametuggi, Aglawi...d wiyyâd fkan udem yâden i tenbâdt gh tsega yad kksent gh ifassen n ineflas n teqbilt ; mkan nit ad satent tghawsiwin yâden, zun d amarg d insayen iqburen, ar ttfughen iger nnes ametti ar lssan timelsa yâden inmalan d isnulfuten llid sgguran inebâden ad.

Paulette Galand-Pernet, lli yaran kigan n tezrawin f umarg d insayen imazighen n Sus, tenna, gh warra nnes lli d iffaghen gh useggwas n 1972, mas yeg umarg n Rrways timedyazin n imariren mu ur yeg tawwuri nnes amer amarg ; ar tent skaren, gen asent tiyyet nnesent, ar zzrigen timizar s tiyyâd, ilin f kran trabbut gh llan iàezrayen ittelmaden anaw ad n umarg ; amezwar n trabbut ad ad yegan Rrays.

Igh nsawel f rrways, idrus magh ntettu Lhâjj Belàid ; acku nettan ad iflen titgarin ittusllan. Lhâjj Belàid, rrays amedyaz negh atrubadur, ifel timitar nnes gh umarg amazigh gh tsega n Sus. Ilul gh Wanu n àdu gh tseggiwin n Tiznit. Ur nssen man aseggwas ad ilul. Nnant krant tmesiggilin (Alexis Chotin d Paulette Galand-Pernet) mas rad dars ilin 60 n useggwas gh useggwas n 1933. Tawja nnes ur tettâf yat, sul mmten ayt dars lligh sul imezzîy. Iffegh timezgida ikcem i kraygat anaw n twurri afad irar mas icetta tiram zun d tayssa, ccmutiyt iheyyâden lligh ilkem Tazerwalt, illigh ittyumdâl yan gh iggurramen imeqrann n Sus Sidi Hêmad u Musa.

Taẓerwalt lli igan amkan da s nn akkʷ ttaseyn midden aḍan a'ɣ innurẓem wul-nnes s umareg d uẓawan. Ikcem ad ig anelmad ɣ trabbut ismann kra ɣ inemɣuren n umareg n tizi-ann. Ur izri yat s lliɣ isker netta yat trabbut, lkemn-t-inn wiyyaḍ.

ⵜⴰⵥⵔⵡⴰⵍⵜ ⵍⵍⵉ ⵉⴳⴰⵏ ⴰⴷⵖⴰⵔ ⵏⵏⴰ ⵙ ⵏⵏ ⴰⴽⴽⵯ ⵜⵜⴰⵙⵢⵏ ⵎⴷⴷⵏ ⴰⴹⴰⵔ ⴰ ⵖ ⵉⵏⵏⵓⵔⵥⵎ ⵡⵓⵍ ⵏⵏⵙ ⵙ ⵓⵎⴰⵔⴳ ⴷ ⵓⵥⴰⵡⴰⵏ, ⵉⴽⵛⵎ ⴰⴷ ⵉⴳ ⴰⵏⵍⵎⴰⴷ ⵖ ⵢⴰⵜ ⵜⵔⴰⴱⴱⵓⵜ ⵉⵙⵎⴰⵏⴻⵏ ⴽⵔⴰ ⵏ ⵉⵏⵎⵖⵓⵔⵏ ⵏ ⵓⵎⴰⵔⴳ ⵜⵉⵣⵉ ⴰⵏⵏ. ⵓⵔ ⵉⵣⵔⵉ ⵢⴰⵜ, ⵉⵙⴽⵔ ⵏⵜⵜⴰ ⵢⴰⵜ ⵜⵔⴰⴱⴱⵓⵜ, ⵍⴽⵎⵏ ⵜ ⵉⵏⵏ ⵡⵉⵢⵢⴰⴹ. munen i umarg d rribab zun d Muhêmmad Budraà, àli aswiriy d Mbark bllêhsen ; yeg tiswar i idukan nnes ar ittekka timizar d teqbilin ; tizi yan ad yurar ayelli nit sul ittnunuyen gh imezgan n imesfliden imazighen. Awint iberdan ar tigemma n inemghuren n teqbilin d ineflas n Lmexzen gh Sus. Tugget n turarin nnes ar mmalant idêrfan mqqurnin n tudert nnes.

Amareg[edit]

Amarg nnes yega yat tugga f isnifilen imettiten ittemnid gh imi n tasut tis 20 ; tizi lli en kcmen imgharen Sus, idêfr tenin fransis ; d mamenk as zdâren ad snflen tummenda n mdden sneflen timelsit i ussan nnesen.

tamdyazt[edit]

Yurar Lhâjj Belàid tayri, amuddu, isnifilen n tametti n Sus d tameghribiyt, asghan, d...Kigan n yan ad yulesn i turarin lli d ifel s mekli tent nit isker nettan, negh s imassen yâden zun d Izenzâren Ccamx, Àmmuri Mbark, Hêmad Amentag, Lhûsayn Amentag... Ttyawskaren fellas kigan d isiggilen zun d walli nit nbder n Paulette Galand-Pernet, win Ben Ihêya Lhûsayn gw wijjan, Muhêmmad Mustawi d wiyyâd.

Igzman[edit]

  • Igh istara udâr inu (art ittirir Mbarek Ammouri )
  • Atbir umlil (art ittirir Ahmed Amantag )
  • Âdbib (art ittirir Ahmed Amantag )
  • Taliwin (art ittirir Mbark Ammouri )
  • Ssâlihîn a ssadat a lmuluk

ⵉⵙⵓⴳⴰⵎ[edit]

Sit: http://www.azawan.com

Ilinken ttaweynin s mani yaḍen[edit]