Wp/shi/Ɛmmuri Mbark

From Wikimedia Incubator
< Wp‎ | shiWp > shi > Ɛmmuri Mbark
Simpleicons Interface user-outline.svg Ɛmmuri Mbark
Ammouri M'bark.jpg
Tameddurt
Talallit Tamnaḍt n Tarudant, 1951
Taɣlent Lmɣrib
Lmut Tigmmi Tumlilt, 14 Fuṛaṛ 2015
Tiɣri
Tutlayin Taɛrabt tamrrukit
Tafransist
Taclḥit
Tawuri
Tawuri acnnay d Amsddas
Artistic movement folk rock
Dduzan n umarg taɣct

Ɛmmuri Mbark yan ɣ inuẓṛ mqqurnin n tamazirt n umṛṛuk d tasga n Sus, d kraygat mani ɣ umadlan. ilul Ɛmmuri Mbark ɣ irgiten ɣu uzddar nwaṭlas mẓẓiyn itfrn i tsga n sus ɣ tamazirt n umṛṛuk , ig z yat taqbilt tamaziɣt n tsggiwin n Trudant ɣ imzwura n usggas 1951.

Aɣaras n umarg

ṭg tasgayad yad n ṭrudant yan udɣar lliɣ iggut umar amasiɣ, d imasn ns , ɣalli rad isgadda adɣar n tlalit n umarg amaynu isswan s laṛyaḥ n iḥ wacn, d umarg aqbur n rways if atig i tazawant tamaziɣt :

ɣin nit aɣ t izdaɣ umarg, yaru gis amud n uwujdu d igdfan n tadḥfi ur inwin amr ɣ tfdḥniwin n tguri d tiyyt, urta yusi adâr nns ad yasy agmmay yâdn ɣ taddrwin n ṭrudant d tiswak nns llasnin. ṭam isggwasn ad dars illan lliɣ n ilkm ṭarudant izdaɣ yat tgmmi n wazzanen f llant "taytmatin tikatulikin" iḍfr gis tiɣḥri aylliɣ izri tiɣḥri izwarn ikcm ilmma s tinml "bn sliman rrudani". ufuɣ ad s brra n "umalu" ittudḥrasn n tgmmi n taytamatin ad t irgn tiklit yâdn i uzwu n umarg d tɣawsiwin imanen n umadâl. skrn, nttan d kran n iàzriyn lli d yaqra ɣin yat trabbut n umarg tatrart ssaɣn as "ls birds" -igdâd s tnglizt-. ism ad ar yakka aguns n tɣlaɣalt lliɣ ilul warram ad nnsn. ṭagara n isggwasn 60 ẓlin s tmitar flnt trubba, ittirirn s tnglizt, ɣ umaḍl : zun d batls, d tiyyḍ… iɛzriyn n ṭrudant, zun d akw ingga nnsn ɣ tmdinin yâdn d tmizar yâdn, usin imassn lli mu ssn, ar ttirirn s iwaliwn ssn d wid ur ssn kigan, ad d traran taɣlaɣal ifl warram ad atrar ɣ igunsiwn nnsn grawlnin. ɣid aɣ d tlul tswangmt n ls birds, yirir làmmuri d imddukkal nns turarin s tfransist…maca iɣarasn n tiɣḥri ar ttismadn, ar idsn tismadn iɣarasn lli yidsn imanen, mkan af daɣ yusi mbark adâr nns ilkm agadir. iswurri gis. yasi yids tayri d wattân n umarg. ṭizi yan, ur d sul tirabuttin n brra ad isannun izḥri nns mac arram n trabbut nas lɣiwan af d ifaw wass n mrruk ɣ tzwuri n tmrawt 70 munen ids tuggt n iàzray ɣ tlul tayri n umarg. mbark, zun d akw wiyyâd, idḥfr angi, imun d yat trabbut ɣ ṭznit ar tturarn taàrabt. maca llan inmuggar, ɣ tudrt, iɣin ad irzḥm aginan n ussan s man ur ntam, s kra n idir ur nwarga nɣ akw f ur nskr. mayad nit ad ijran i làmmuri, inmaggar ɣ yat tmɣḥra d yan ɣ imasayn n ugraw n lmɣrib x isiggl d isnifiln n ṭussna. inmaggar ids ɣ yan uzmz ɣ tra tmsmunt ad ad tsfalki arram satn kran imslayn gis ɣ igr n umarg amaziɣ. lliɣ izḥra mbark ɣ uɣûri yad yat tɣawsa izdârn ad t izdi s yat tklit d tɣlaɣalin n umarg ittnunuyn ɣ ixf nns d tɣlaɣalin n tmagit yugm ɣ iggi n twririn, sul imḥzziy ar ikssa ulli d twargiwin n mzzṭy d tmazirt, isadmr yasi irifi nns imuddu s ṛbaṭ. ɣin aɣ inmaggar d imddukal llis skrn tarabut n usman (zḥr usman ɣ man yaḍn ɣ sit ad) zun d butrufin, bijɛad, lɛkkaf d wiyyaḍ… ɣin nit aɣ d yiwi f usnulfu amaynu ɣ umarg amaziɣ lli mu izwar ɛli azayku, muḥmmad mustawi, axiyyaṭ. maca ur ikki uzmz yat (iggi n krḍ isggasn) tbḍu trabbut; maca mbark ur ifl d umarg; ur ibḍi d tnana iɣlaɣln ɣ igunsiwn nns. ismd sllaɣ nttan aɣaras nns, yasi tagitart, nɣ amzad, ar isiggil idirn, nɣ iggitn, dranin n umarg d urarn aggugnin ɣ uguns nns, ɣ iman, ɣ tguriwin d tgudiwin. isffaɣ d tassfift izwarn ɣ usggas n 1979. ṭasfift lliɣ yurar timdyazin n muḥmmad mustawi : ṭazzwit nra nkk dim a nmun. ar tad igguran iskr nttan d ɛli cuhad illan ɣ trabbut n "arcac" lliɣ tlkm titt nnsn aman ɣ lɛin (ar allan).

Amarg amaynu iẓlin

Arram n "Ɛmmuri Mbark" ila yan udem iẓlin ɣ igr azawan amaziɣ. Nttan ay zwarn is yura timedyazin n umarg atrar zund tid akk ittuyssann n umedyaz Ali Azayku : zeɣ

Giɣ adjar n tudrt ur iyyi tuqqr
Tusi yyi tg iyyi ɣ idammn n willi ddrnin

Ar :

Gan itran inagan ɣ waḍân n tillas
Ayyur idrus iɣ ibidd ɣ imi n ignwan
Rbbi nniɣ is mmuddan fln aɣ ur nssin.

Mekli daɣ yurm tiyyat ggutnin n umarg amaziɣ d umarg n umaḍal. Yusi ɣ uḥwac, ɣ uhnaqqar, ɣ ujmak ; yarm arkkaz n ayt huwara, izri n, ɣ yat tasffift nnes, s iger n Jaz. Làmmuri, zeɣ lliɣ iman d tezwwit, sellaɣ nttan d tgitart nnes, ad isnulfu, ur ar ittales i tiyyat, ar ittekka f ijeddigen, ur djun rmin.

Yurar f tayri : (ahêbib lli tera tasa ur illi ɣid) ; d uzwag (tiwi ten a Muɣa s ifran n ddu wakal) ; d uluy (aluluy aɣ en mdêlx iseggwasen dlen ten s tgudîwin ; nekki gix ahyyâd ur salax ad allax) ; mekli yurar tamagit d wawal nnes amaziɣ (awal inu gan amaziɣ ur ten iri yan).

Tagara yad iswurri d kran yan ɣ Beljika af ad ad ifk udem azûran, lli bedda iwarga, mac ur t jun yufi, i tiyyat itɣliɣilen ɣ ugunes nnes zeɣ lliɣ ittut s "umariq" n umarg d uluyen.

Tisfifin

D tarabbut n Usman
  • Takndawt (1976)
  • Usman urrind (1983)
  • S tisfifin yaḍn n 45 n ussutl ɣ usgas n1976.
Waḥdut
D unaẓuṛ Ɛli Cuhad - (1999)
  • Azmz irufan (1994)
  • Manzak inn (1993)
  • Saqsa amanar (1992)
  • Janvil (Gennevilliers) (1987)
  • Iggig n ssif (1984)
  • Amnzuy ɣ ujddig (1983)
  • Mamnk ur yalla (1980)
  • Nkk dik an mun (1978)

Anaẓuṛ amẓẓawan d izwarn tasut nns

Issnti Ɛmmuṛi  Mbaṛk  amarg zɣ mẓẓiy nns, ifk ugṛḍ nns tiguriwin mmimnin i imsflidn d ugdud nns. Iswwuri s kigan n tzlitin iɣman ɣ tskla tamaziɣt tatrart. Mqqar ittawssan Ɛmmuṛi s uẓawan amaynu, amarg aqbur ur gis ifl. Tisfifin n ṛṛayṣ Lḥajj Blεid lli mi yuls ɣ isggʷasn n (90) s tmlda n usnfar lli tssnti tmawast n tussna bla tsmd t, gant tuggʷa mas yiws unaẓuṛ ad ɣ usmatti n talɣatin ad s dar tasutin n yimal.

Mnnawt tfras ad idra Ɛmmuṛi  d Uzayku: ar akkʷ ttirin tizlit tatrart, d usin akkʷ unzgum n umarg amaziɣ d usbuɣlu nns. Inna Ɛmmuṛi  ɣ yan umsawl mas ar nn ittafa ixf nns ɣ tmdyazin n Uzayku. Yufa gisnt aylli s ar isiggil : taguri immimn, talɣiwin yusin ur d imikk n intagn ɣ uswir amaḍlan ddfir n win tmazirt.

Talɣatin n Uzayku lli yurar Ɛmmuṛi  ggutnt, gant akkʷ tin tmaziɣt zqqaɣn, teṭṭaynt tiguriwin timzzitin, fkint tindi i wawal amaziɣ zun d  tizlit n “Janbiyyi” lli igan  talɣat tamɣlalt ɣ umzruy n umarag amaziɣ atrar. Tẓḍaṛ ad tsnfl addad n tzlit tamaziɣt s yan waddad lli tt yujjan ad nn tut s wayyawn nns ɣ yigr amaḍlan.

Ɛmmuṛi inna ɣ unɣmis n « le Matin 2003 » f ulmuggar anamur n tzlit tartart -lli ɣ yiwi tasmɣurt tamzwarut-  mas iga yat tmlda lli ɣ ar ittnmiggir yan ugdud n inaẓuṛn. Tiklit zwarn isyafa gis s uẓawan, s uḍṛiṣ n tlɣat, s wul nns yuyl ar ittirir: « myarɣ adlli ad didi ittirir ɣ trabbut inu smmus ar ṣḍiṣ n mddn ; ɣ tlɣat ad, urarɣ gis d uggʷar n 30 n ugmam amẓẓawan… »

Tannayt ad lli ifka Ɛmmuṛi  tẓli s unmuggar anamur n tzlit tartart, macc mad iẓlin s tlɣat n «janbiyyi », inna fllas ɣ usays n « في البال أغنية » tiguriwin ad : « ufiɣ nn  ɣ tzlit n janbiyyi aylli s ar siggilɣ. Timdyazin n Uzayku gan zun d iɣ ar tnt fllati ittara, ar nn gisnt ttafaɣ ixf inu ; lliɣ stiɣ talɣat ad,  giɣ ɣ ixf inu yat twngimt : ad d gis ḍiɣ yat tnaɣa nna ur illan ɣ tsfifin inu timzwura. Asqsi iga t: manik s rad skrɣ abṭṭu amẓẓawan nns d manik s rad tt ssnkdɣ i ugdud, awiɣ taɣḍft nns… ayad akkʷ tamɣ t inn ɣ tzlit ad».

Mqqar tlla tɣnnant ngr inaẓuṛn imadrawn ɣ unmugar ad, tẓḍaṛ tlɣat n “Janbiyyi” ad tawi tasmɣurt tamzwarut n tzlit tanamurt tatrart ; aylli yakkan tamatart mas tẓḍaṛ tmaziɣt ad tskr adɣar nns ɣ yigr n umarg anamur, macc ad tili tnalit n wawnk, acku nttat ad iẓḍaṛn ad  tsslkm aẓawan amaziɣ i tskʷfal attuynin ɣ uswir anamur nɣ amaḍlan.

S uzgzl talɣat n ‘’Janbiyyi ‘’ munn gis ifrdisn ad lli tt yujjan ad tg talɣat n tasut :

  • Yura tt Uzayku, amara axatar, s yat tɣarast tatrart ɣ yat tizi lliɣ sul ijbbṛ umarg amaziɣ ɣ tɣarast nns tamyurant;
  • Ismurg tt Ɛmmuṛi  s yan ugṛḍ iḥlan d yat taqqayt d iṭṭayn tufrayin n wul;
  • Abṭṭu n uẓawan nns iskr t unaẓuṛ Ḥmad Ɛinun;
  • Tska f tguri immimn yusin anzgum d tkrrayt n imzwag ayt darnɣ ɣ tagut n Bariz “Gennevilliers”;
  • Tsdandi tt trabbut tatrat n uẓawan lli iḍfaṛn i tmawast n tussna; ....

Tasmɣurt lli yiwi Ɛmmuṛi s tlɣat n “Janbiyyi” tga ɣar yat ɣ gr tsmɣurin yaḍnin. Talɣat n “Janbiyyi” tga yat ɣ gr tmdyazin yaḍnin. Talɣat lli f nmaggarn sin inmɣurn: yan ɣ yigr n uẓawan, wiss sin ɣ yigr n tmdyazt tartart.

Iɣbula

Izdayn n brra