Wp/ses/kurizur kotomay ikaccaa nda ibeeroo

kurizur kotomay : ikaccaa nda ibeeroo. Boro si huna bila kuri. Adama-ize foo kul gaahamoo kuri goo a ra. Noŋgey kaŋ ra kuroo ga dira ti bine nda kuri ndorrawey.. Bine ga hima nda funsiji sasawante kaŋ kul ti basi. Nga beene heroo ra, boro ga dii haŋa-ize hinka kaŋ ga hanse ka ban ; ganda here gunde-ize hinka ; i goo nda ham, i ga sendi. Kuri ndorro cirawey mma kuri ciraa doori za bine do ka boro gaahamoo kul hagandi. Ndorro biyey mma kuri ziibaa ka koy bine do. Diraa kan kuri g'a tee gaaham ra, woo din se i ga nee kurizur kotomay. Kuri zuraa woo dumi hinka no: ikaccaa nda ibeeroo.