Wp/ses/Wura bangay Tilemsi ra

Tilemsi ga tee Gaawo areežiyoŋoo komin ngi nda Sooni aliber kominoo nda nšawaj kominoo nda taaboy kominoo ga hirri. Tilemsi kominoo si moora Gaawo koyra, kilo 50 alkadar. Irkoy ibaayoo ra, jirbey wey ra, alhabar duwandi kaŋ wura bangay nee din, alhabar kaana, alhabar beeri kaŋ ga cebe kaŋ Gaawo ganda goo nd'alman, woo ti ntahaka mo goo Gaawo se, bayrey koyniyaŋ šenney ga diyandi, kaŋ ti aduɲɲaa kul ga haw ka jina tee Gaawo se, Maali se, zama alman bara laboo cire. Woo kaŋ ir g'alakkal ti borey ga tun ka koy fansa ntahaka takaa wala i ga hinoo yaamaroo batu, šendaa kaŋ borey dii a ntahaka wasa waazu, jamaa kaŋ goy komakey se, Gaawo si duu, Maali si duu, ir laboo almanoo si hima ka tee forba aduɲɲa kul se, ganda waaney izey se. Hinoo ga hima ka dabari zaa kaŋ ra goyoo ma tee nda lakkal kanay nda fondo hooyan. Irkoy ma tonton gomnoo ga.