Wp/ses/Woyey goroyanoo addaliloo

Woy kaŋ kurɲoo buu ga handu taaci nda jirbi way goro, cin se ? Annasaara bayray koyni beeri Rober kaŋ ga goy institut Albert Einstein, tuubi ka huru alsilaama taray haya banda ga kaŋ nga bayraa fondaa ra ga waafaku nda woo kaŋ goo alkuraanaa ra. Cin se woy kaŋ fay ga handu hinza batu hal’a ga yee ka hiiji ? nongoo kaŋ na borey kayfandi ti aru haroo kurɲe, haroo goo nda nafaw ize 62, kaŋ aru foo wanoo ga fayanka nda aru foo, a ga tee zeeri takaa kaŋ nda kaba ganda zeerey si hima, boro kul nda ni wanoo, nda woyoo hiiji hiddaa se jine, misa teji no ma huru sanda misa kaŋ nda wiris ga huru ordinaater ra, hasaraw ga tee, woo ga hin ka too woyoo ma duu wirciyaŋ, sendayyaŋ. Bayraa cabe kaŋ woyoo alaada foo kul ga alhaaloo ga barmay hala alaada hinzantoo ga ben kul šenday si yee ka bara, woyoo ga hin ka hiiji. Woyoo kaŋ kurɲoo buu, binamaraa se aroo haroo silbaa benyanoo ga gay, woo se irkoy na handu taaci nda jirbi woy daŋ. Annasaara bayray koyni fallakaa na lawra dirandi kaŋ ra a laasaabu kaŋ alsilaama woyey ga ngi boŋ batu, i si ngi kurɲey zanba, ka gar fargandi fooyaŋ ra, woyey zanbaa ga boobo. Woy zinateerey kaŋ ga ngi boŋ neere, kaŋ aru boobo maniyyey ga cere gar haykubey ra, ga doona wirci nda zaŋay.