Wp/ses/Wangaaroo fillaa

A bay ka tee labu kaŋ ra kabilayaŋ ga huna cere ra, ngi hunaa ga boori, i goo nda ngi boŋkoynoo, boŋkoyni kaŋ ga baa laboo, a ga baa labiizey, a ga huzun nda laboo lakkal kanaa wangu fonda ra. Nga no kabila fooyaŋ tun k'a wangu ka nga laboo fitna, ka laboo borey nakasi ka laboo may, wangaaroo kaŋ,fillaa ra ir goo kay ka,wangu, cee foo a ma hin, cee foo i ma hina, boro mana fay a ga buu hala wangu korow ra kaŋ ra nga wangiizey buu, haya kaŋ ga zuru, zuru, wangaaroo mana zuru, dimmaa kaŋ a kaa, a ga buu, a na nga takubaa suka laboo ra hala jindoo ga, a kaŋ ka buu, borey kaŋ na wii na taka kul tee ngi ma takubaa dogu,i mongu kal'i dira ka takubaa kaŋ. Wangaaroo kaŋ fillaa r'ir goo dira ka ize aru kacciw naŋ. Woo din laboo bayray koyni bayrandi kaŋ a ga kaa ka tee wangaaru, kaŋ ga nga laboo.taa a ma nga laboo juwal, a disi borey kaŋ na baaboo wii na taka kul tee ngi ma duu a k'a wii, zankaa borey na tuku nda misa kul hal'a beeri, i na garandi boŋkoyni baaboo wangey ra bayrandi kaŋ baaboo takubaa kaŋ mana ti takuba koonu goo batuma ra, jamaa koy fiši nongu barmay, a tee handu a zay, irkoy tee hew faara faara hẽe kaŋ na laboo zaa takubaa boŋoo ga, borey na taka kul tee ka takubaa dogu, i mongu kala alwaatoo kaŋ soogaa kaa kaŋ wangaaroo izoo, a na Kaba fur fur takubaa ga no borey kul dii kaŋ annuura say takubaa bande hala zankaa ra, borey wurru, i n'irkoy beerandi i dii kaŋ woo mana tee koonu, zankaa na takubaa cendi ka kaa laboo ra, bila šenday. Zankaa kaŋ huru baaboo dogoo ra na laboo taa tooɲantey kone, a na laboo cin, a na sorhandi.