Wp/ses/Waafakay Seyna

Waafakay ga tee konday, woy konday kaŋ ra boro woy iddu alkadar goo. Woyyaŋ no kaŋ duu lakkal ka bay kaŋ ngi ga hin ka ngi faabaa tee seyna koyraa cinaroo fonfaa ra, nda ngi kominoo kaŋ ti sooni ali ber koyjinayanoo fondaa ra. Anniya sambuyan banda ga, kondaa ašariyawey huru, nga fahamandoo hinoo here mo tee, kondaa goo nda areesipiise kaŋ nda hinoo ga waafaku nda, nda nga lakkaloo nda goyey, anniya kaŋ bande kondaa ga goy. Za 2004 no nga goyey sintin nda fura-fura kaŋ r’a duu nooruɲaa kaŋ nda goyey sintin, goyey ga tee sardiŋa daŋyan nda maamala. Goyey soolandi nda taka kaŋ ra boro kul ga nga goyoo bay. Seeyaadu ong, onža ga tee faabakaw kaŋ na jasa daŋ fahamandoo fondaa ra, cawandiroo sardiŋa here, maamala here hala goyoo ma tonton, nafaa ma boobo kondayzey nda kondaa duuraa ma koy nda jine, waafakay duu faabakow tanaa fooyaŋ kaŋ na woyey binandi, I na jese daŋ I se nooru here nda dumi nda goyjinay here sanda buruweeti, pellu, araato, kuumu, marsin kaŋ ga haŋandi nda haya kaŋ ga dumarayzoo kaŋ mana neere nda tayroo koogandi. Waafakay kondaa ga hansa k’albarka daŋ faabakey kul se cere cereyan ra onže SEAD.