Wp/ses/Tuuri dumayan zaaroo

Jiiri kul ut handoo jirbi 23ntoo Maali alhukumoo na daŋ zaari kaŋ ra lakkal zumandiyan ga tee windilaa fondaa ra, saajoo juwalyanoo fondaa ra, saajo hunayanoo fondaa ra. A ga tee zaari kaŋ nd’a mana ti jingar da, a ga tee han kaŋ ra alhukumoo nda koyraa boorey ga taasiyan tee; ka cere cebe nda amaana kaŋ goo bunaadamayzey ga a ma nga goro dogoo lakkal nga boŋ nafaa se, a ma windilaa noo ng’alhakoo nda tuuri dumayan nda gagayandi tuuroo zafayan laalaa ra, nda nuuna daŋyan saajoo ra. Zaarowoo ga tee zaari Maali areežiyoŋey kul ra kaŋ ra hinoo serwiisoo kaŋ ga hawgay nga windilaa ga batuyaŋ kar kaŋ ra wakiiley ga too kate. Woyey, arey, zankey asana dunkey, zaara dankey, politikoo borey, alaada jinahuney ga yahadar; borey ga ngi lakkaley noo tuuroo nafaa ga borey se nd’adabbaa se, gandaa ma anneema goo tuuroo ma boobo sabboo ra, hunaa ma boori goo tuuroo sabboo ra (tuuriize).

Tuuroo goo ir safari henney ra kaŋ sii nda dori. Zaari noo kaŋ tuuroo ga dumandi nda booboyan Maali kul ra. Tuuroo goo laboo alman beerey ra kaŋ ga kate koyjinayan ma tee, alman ma duwandi, duuraa ma tonton ir ma gaabandi nda tuuri dumayan.