Wp/ses/Tunbutu nda Jenne

Tunbutu nda Jenne :

Koyra hinkaa kul jiiri zanguboŋ woy cindi idduwantoo da ra, i too ngi fellaa ga. Waatoo din, i ga ți koyrayaŋ kaŋ ra maamala, bayray, addiina nda politiki ga hanse ka bara nda gaabi Suudan waynakanay kanboo here. Nongey kaŋ ra i cina hunday ka kate i duu woo, zama isa jese g'i goo. I ga ti nonguyaŋ kaŋ ra cere kubayyaŋ ga faala Laaraabey nda gandawey borey se. Nongey din ra i ga maamala jinay jisi, i ga day, i ga bar. Alkaali ma ciiti dunbu. Han din jingaray nda cawdoo beeri goo Tunbutu nda Jenne nda Gaawo ra, sanda : Askiya jiira kaŋ goo Gaawo ra, nda Jingarayber, Sankore , Sidi Yehiya... Politiki fondaa here, Tunbutu ma kaa Gaawo bandaa ga. Za Tunbutu nda Jenne maaɲey fatta aduɲɲaa ra zamanoo din, i mana yee ka dere koyne. Aduɲɲaa ra ganda booboyaŋ amiirey si kaa Maali ra, i ma willi kul i mana koy dii Tunbutu wala Jenne.