Wp/ses/Tondibi tondoo

Tondibi ga tee soŋay koyra kaŋ goo taaboy kominoo ra, buram serkiloo, gaawo areežiyoŋoo ra. Tondibi ga tee koyra kaŋ ga bayrandi zaa sooni zamanoo ra, a goo isaa ga, faarey bara koyraa hugey nda isaa beeroo gamoo ra, hawsa cee. Isa dee bara nga nda Ha koyraa game, tondibi fargandey ga boobo, fargandu foo goo gurma Ha laboo ga kaŋ s’I ga nee balakoyra. Tondibi ga tee soŋay alfaritaray, sorkataray adabba teeyan ti borey goy booba, koogaa sabbu ra borey tee fatawcikawyaŋ, I dira ka koy nižer nda gaana. Aluseyni hama no ti koyraa boŋkonoo attoo ra. Tondibi tondoo ga tee tondi bibi beeri kaŋ ga hansa ka honnandi nda ni too tondibi maanay, ni goo harihii ra wala ni goo moobil ra. Ni goo moobil ra a goo ni Kamba gumaa ga nda niga koy gaawo ni goo isaa boŋ a goo ni Kamba laalaa ga. Tondibi tondoo tenje hawsa a goo tondibiti, tondi sasawanta no, gangani beeri jesoo ga, moobil fondaa RN18 ga bisa ngi nda tondibi tondoo nda cere game, gamey ga too metir 2000 wal’a ma bisa, needin no soŋay nda maarookeney wangoo tee, asikiya Isahak zamanoo ra, boro buu, haw buu nongoo din, zama hawey no soŋay kat’ey k’I tee koray, malgakoo ra wey se, hala hõ ni ga boro gar misey kul ra.