Wp/ses/TikTok (Tikitoku)

Tik-tok ga tee internetoo hugey affoo kaŋ s’i ga nee apilikaasiyoŋ. A ga tee hugu kaŋ ra borey ga ngi boŋ heehee, ka borey haarandi, ka haya fooyaŋ zanzan, ka misayaŋ jacce, borey ga cere fahamandi, ka cere cawandi. A goo areezoo soosiyowey ra kaŋ ga hin ka šenday daŋ labu ra nda borey nda cere game nd'a mana tee nda fahamay, nda laasaabay. A gay fahamantey nda labey jinehuney ga kašeeta kaŋ boro kul ma hawgay ma ni boŋ lakkal, zame nda haddi daaruyan fatt'a ra, aššariya si ni hatta. Misoo woo gobu deesi duu ir laboo koyra foo ize, tonko koyraa ize, tonko goo Tunbutu laamaa ra. Boraa kaŋ gobu deesi duu a ti Maariyam Siise woy sooga no kaŋ ga TikTok, a ga misa booboyaŋ dirandi areezo woo ga, a na widewo tee kaŋ mane a ga teroorisey guna, laasaabay ra misoo mana t'i se, i na, haamay ka k'a dira nga misoo daray jirbi hinkantoo ra, i kat'a tonko koyraa gundoo ra, palass indeepandaas, i na hundoo jaŋay daŋ, misoo tee nowambur jirbi idduwaa jirbi 2025. Misoo tee binemaray beeri adduɲɲaa kul se. Kala jamaa ma kay nga boŋ ga, ka goy nda taka kaŋ mma kate kanda nda lakkalkanay ir laboo ra.