Wp/ses/Taka kaŋ ga moozaŋay koray

Moozaŋay ti wirci kaŋ si boro wii, amma a ga boro zilla, a ga boro too danawtaray, a goo kanba ziibi wircey ra, doriizo ga laala nd’a huru moo ra, a ga moo ka fuusu, a g’a cirandi, a ga dendi nd’a laala boro moɲoo haroo ga mun, a ga moo ka denji, a g’a ka dondooli kar. A disi ir ma ir aladaboo hansa, ir ma gaabandi ndum ɲimayan ga, ir m’ir kabey ɲimay nda saafun waati kul kaŋ ir na boroyaŋ foo, ir hun heboo ra wala goydogoo ra, ir ma gaabandi hennenyan nda henendiyan ga, ir m’ir kabay ɲimay nda saafun alwaati kul. Boro kaŋ moozaŋay na dii masi tun de ka safari tee nga boŋ se, safariyaŋ ga hin ka boro danandi, i hennaa ti ma koy lotokor, lotokor no goyjinawey ga bara, bayraykoyney moo fonda ra ga bara, i ga ni moɲoo guna, i ma dii doroo takaa, i ma safaroo kaŋ ga hima fahamandi mane ni ma duu ni moɲey baani bila šenday.