Wp/ses/Taali teeyan zuccaa

Taali teeyan zuccaa. Beerandiyan gay, beerandiyan nda borcinitaray ma bara cere bande. Alšilaamataray n'alwaajibandi borey nda cere game. Boro ma hunbur cere taali goy. beeri ma kayna barandi, kurɲa ma wanda beerandi, wanda ma kurɲe nda hunzurey beerandi, hunzurey ma cere beerandi boro kul ma boŋkoyney beerandi,zankey ma boro beeri beerandi. A goo ir gandaa alada boora beerandiyan, a ga hima hunburay ka taali tee. Hanoo hane hala boro ka deray ka šenni tee, wala goy goy wala k'alhaali cebe kaŋ si hima ni boro beeroo jinoo ra, ni boro alkadarantoo haŋaa ra nda haya kaŋ si hima a ga tee haawi woo din ra hayaa kaŋ ga bara ti alhaahiyan nda misoo kaŋ dira, a tee nda zucca ni boŋ ga na taaloo tee, alman no ni ga wiya wala ma sanba nda hunaroo boraa se kaŋ jinoo ra taaloo dira, a goo boraa hina bande, a ga tee hancin, feeji a si tee nda tukayan jamaa ga bay daliloo kaŋ se zucca tee nd'almaanoo wala hayaa kaŋ kaaborey ku ga nafanda, almaanoo ga buu, borey g'a ŋaa, taloo ben nda beeray.