Wp/ses/Surgoo nda gaabiboo

Surgoo nda gaabiboo Buram serkiloo ra, koyra goo no kaŋ s’i ga nee šaabariya, isa boro koyra no kaŋ goo isa beeroo ga, a si moora Tawsa, gandaa din ra, isaa gamoo hunday ra, tondi beeri hinka ga key, tondi faa ga bibi, a goo hala beenaa ra, i hinkantoo ga kaaray, nga mo goo hala beenaa ra. I ga nee tondey wey se surgoo nda gaabiboo taarikoo, wal’ir ma nee fillaa ga bayrandi kaŋ wangaaru hinka no kaŋ ti ɲaa foo, amma i si waafaku boro fo kul nda nga wangiizey, i di ka cere wangu, wangiizey ga buu hala keyfi, ngi cere hooroo beeri, lakkal tunay hansa ka huru gandaa ra, mursaa boobo, woodin ra ngi ɲaa n’i cee k’i hoyray i ma fayda wangoo, i ma cere dii, a na ngi taaloo ceb’i se, a wir’i ga nd’irkoy i ma fayda cere wanguyan, i mana yadda, a kar i ga nda nga fafa waawaa kaŋ i na nan i ma fay nda yenjaa, i mana yadda, woo din ra a n’i laali i bere ka tee tondi hinkaa woo.