Wp/ses/Sorkotaray

Sorkotaray mana ti kabila wala dumi maa, sorkotaray ga tee asana, goy kaŋ jamaayaŋ na suuba jamaayaŋ ra; kabila wala dumi kul goo nda nga sorkaa, waani waani a goo hari jese ga; jamaa kaŋ ga hun ngi tuuji doyey ra ka koy sorko taray dende ka waana k’a tee goy kaŋ ra I ga huna,I ga cina. Soŋay borey kaŋ na hamiisa diiyan tee asana s’I ga nee sorko, wey din na ngi misey kul wili haroo ga, ka ngi hunaa ceeci haroo nga ra ngi boro taraa tee, I ga cina. A si ganji kaŋ soŋay borey goo no kaŋ tee faarigoykaw, borey cindey ga tee hawji, nd’I ga hamiisa dii da, I si too sorkey; hanoo hane a ga šendi faarigoykow kaŋ sin da nga sankaa kaŋ a g’a hiri, nda nga kabataaroo sanda tamtaari kaŋ nd’a ga koy taamoo ra. Sorkotaray, ay ga maa I ga nee kala dalil, sanda sirri bidaa, haroo goyoo ga baa bayray, sorko fooyaŋ ga goy nda ziney kaŋ goo haroo ra nda wey kaŋ goo saajoo ra. Sorkey ga gundukasinay nda koyraa isakoyey. Sorko si baa doo nda ceray nga sorkotaray fondaa ra.