Wp/ses/Sorko goyjinawey

Sorkotaray si tee kala nda goyjinay, kala nda bayray nda fahami, sorko nga ng’izoo nda ng’i woyborey kul cawandi nga goyjinawey goyoo. Sorka woy ga hii hun, ka kay nongu kul kaŋ a baa, a ga filiji, a ga sankay hiri a ga zu ka nda haya kaŋ ga hima nda wey. Sorka goyjinawey ga bayrandi, jerey ga bara, cindey duuyanoo ga šendi sorko goyjinay jinaa ti harihii, a goo harihiyey ra, kanca kaŋ ga tee ataabu ra -Tombola, a ga tee ataabu ra, a si too kanca -Taahi, a ga tee kangaw bundu ra, zaman korow ra a ga tee ataabu nda kangaw -Abaaram ga tee tuuri ra -Lete, tuuri kokosanta ra -Faata, hi beeri no, kaŋ boŋoo hero ga hay, a ga kuu gomo, a ga hin jeraw Hoo jinawey a g’I ra: -sankay, a ga tee dumi dumi, a ga hansandigoyoo kaŋ I ga boona bande -bursu, a ga tafay nda zogu -jamay, harji, zogu wey kul ga tee guru ra, miyey k’i fayanka, i ga tenjandi bundu ra -dalbu, I ga dumi dumi - guura, dumey ga boobo, I ga beeri nda cere a ga tee bundu šeri ra -zuka zagaw, a ga tee bundiizeyyaŋ ra, woyey ga boobo k’a ka hamiisa dii - hari kar gobu, ga tee šešeri, wala bundu kaŋ nd’I ga hamiisaa jitan sand’a ma koy sankaa here.